Numeros 12:5 - Ang Pulong sa Dios

⁵ Unya mikunsad ang Ginoo pinaagi sa panganod nga daw haligi ug mitindog sa pultahan sa Tolda nga Tagboanan ug gitawag si Aaron ug si Miriam. Pagduol sa duha,

Ang Biblia 2011

⁵ Ug ang Ginoo mikunsad diha sa usa ka haligi nga panganod ug mibarog diha sa pultahan sa Tolda ug mitawag kang Aaron ug kang Miriam ug miduol silang duha.

Maayong Balita Biblia

⁵ Unya mikunsad ang Ginoo diha sa panganod ug mitindog diha sa pultahan sa Tolda. Gitawag niya si Aaron ug si Miriam ug miduol sila.

Ang Bag-ong Maayong Balita Biblia

⁵ Unya mikunsad ang Ginoo diha sa panganod ug mitindog diha sa pultahan sa Tolda. Gitawag niya si Aaron ug si Miriam ug miduol sila.

Numeros 12:5 Cross References

Salmo 99:7

Nakigsulti siya kanila gikan sa panganod nga daw haligi; gituman nila ang mga pagtulon-an ug mga tulomanon nga gihatag niya kanila.

Exodo 19:9

Miingon ang Ginoo kang Moises, “Moanha ako kanimo pinaagi sa bagang panganod aron makadungog ang mga tawo samtang makigsulti ako kanimo. Ug unya kanunay silang motuo kanimo.” Gisulti ni Moises sa Ginoo ang tubag sa mga tawo,

Exodo 34:5

Unya mikunsad ang Ginoo diha sa panganod ug gilitok niya ang iyang ngalan nga Ginoo samtang nagtindog si Moises diha sa iyang presensya.

Exodo 40:38

Kay ang panganod nga nagsimbolo sa presensya sa Ginoo ibabaw sa Tolda kon adlaw, ug kon gabii adunay kalayo diha sa panganod aron makita kini sa tanang Israelinhon sa tibuok nila nga lakaw.

Numeros 11:25

Unya mikunsad ang Ginoo diha sa panganod ug nakigsulti kang Moises. Gikuha niya ang ubang gahom ni Moises ug gihatag sa 70 ka tigdumala. Ug sa dihang nadawat na nila ang gahom, misugilon sila sa mensahe sa Dios, apan wala na kadto mahitabo pag-usab.

Numeros 12:4

Busa nakigsulti dayon ang Ginoo kang Moises, Aaron, ug Miriam. Miingon siya kanila, “Pangadto kamong tulo sa Tolda nga Tagboanan.” Busa nanggawas sila ug nangadto sa Tolda.