Numeros 11:18 - Ang Pulong sa Dios

¹⁸ “Unya ingna ang mga tawo nga magpakahinlo sila, kay ugma mangaon sila ug karne. Isulti kini kanila: ‘Nadungog kamo sa Ginoo nga nagreklamo nga gusto ninyong mokaon ug karne. Ug miingon pa kamo nga mas maayo pa ang inyong kahimtang didto sa Ehipto. Busa ugma hatagan kamo sa Ginoo ug karne ug kan-on ninyo kini.

Ang Biblia 2011

¹⁸ Ug ingna ang katawhan, ‘Pagbalaan kamo alang sa pagkaugma ug mangaon kamo ug karne, kay nanghilak kamo diha sa pangdungog sa Ginoo ug nag-ingon, “Kinsa man ang maghatag kanato ug karne nga atong makaon? Kay maayo pa ang atong kahimtang sa didto pa kita sa Ehipto.” Busa ang Ginoo maghatag kaninyo ug karne ug mangaon kamo.

Maayong Balita Biblia

¹⁸ Ug ingna ang katawhan, ‘Pagbalaan kamo alang ugmang adlawa ug makakaon kamog karne. Nabati sa Ginoo ang inyong pagtuaw nga nag-ingon, “Kinsay mohatag kanamog karne? Maayo pa ang among pagkabutang didto sa Ehipto.” Busa hatagan kamo sa Ginoo ug karne.

Ang Bag-ong Maayong Balita Biblia

¹⁸ Ug ingna ang katawhan, ‘Pagbalaan kamo alang ugmang adlawa ug makakaon kamog karne. Nabati sa Ginoo ang inyong pagtuaw nga nag-ingon, “Kinsay mohatag kanamog karne? Maayo pa ang among pagkabutang didto sa Ehipto.” Busa hatagan kamo sa Ginoo ug karne.

Numeros 11:18 Cross References

Genesis 35:2

Busa miingon si Jacob sa iyang panimalay ug sa tanan niyang mga kauban, “Ipanglabay ninyo ang inyong mga dios. Panghinlo kamo sa inyong kaugalingon ug pag-ilis kamo sa inyong bisti.

Job 20:13

ugomon niya kini ug dugay aron matagamtaman gayod niya ang kalami niini.

Job 20:23

Samtang gitagbaw niya ang iyang kaugalingon, ipatagamtam sa Dios kaniya ang iyang labihan nga kasuko, ug paulanan siya sa silot.

Salmo 78:20

Tinuod nga gihapak niya ang bato ug mibuhagay ang tubig, apan makahatag ba siyag pan ug karne kanato nga iyang katawhan?”

Exodo 16:8

Miingon pa gayod si Moises, “Hatagan kamo sa Ginoo ug karne nga inyong kan-on sa gabii ug magpagusto kamog kaon ug pan sa buntag, kay nadungog niya ang inyong mga pagbagulbol ngadto kaniya. Dili kami ang inyong gibagulbolan kondili ang Ginoo. Kinsa ba gud kami nga diri man kamo magbagulbol kanamo?”

Exodo 19:10

ug miingon ang Ginoo kaniya, “Adtoa ang mga tawo ug ingna sila nga manghinlo sila sa ilang kaugalingon karon ug ugma. Kinahanglan labhan nila ang ilang mga bisti.

Exodo 19:15

Miingon si Moises kanila, “Pangandam kamo sa inyong kaugalingon alang sa ikatulong adlaw; ayaw una kamo pagpakighilawas sa inyong asawa.”

Exodo 19:22

Bisan ang mga pari nga nagduol kanunay sa akong presensya kinahanglan nga manghinlo sa ilang kaugalingon, kay kon dili, silotan ko usab sila.”

Numeros 11:1

Unya, mireklamo ang mga Israelinhon bahin sa ilang kalisod. Pagkabati niini sa Ginoo, nasuko siya ug nagpadala ug kalayo nga misunog sa pipila ka bahin sa palibot sa kampo.

Numeros 11:19

Dili lang kamo mokaon niini sulod sa usa, o duha, o lima, o napulo, o baynte ka adlaw,

Mga Buhat 7:39

“Apan ang atong mga katigulangan wala motuman kang Moises. Gisalikway hinuon nila si Moises ingon nga pangulo, ug nangandoy silang mobalik sa Ehipto.

Josue 7:13

“Tindog ug ingna ang katawhan nga manghinlo sa ilang kaugalingon alang sa pag-atubang kanako ugma tungod kay ako, ang Ginoo nga Dios sa Israel, nag-ingon: ‘Kamong mga Israelinhon, aduna kamoy gitago nga mga butang nga gihalad na sa hingpit kanako. Dili kamo makasukol sa inyong mga kaaway hangtod dili makuha kining mga butanga gikan kaninyo.

Mga Maghuhukom 21:2

Unya, nangadto ang mga Israelinhon sa Betel, ug nagpabilin sila didto ug nagminatay ug hilak sa presensya sa Dios hangtod sa gabii.