Numeros 11:1 - Ang Pulong sa Dios

¹ Unya, mireklamo ang mga Israelinhon bahin sa ilang kalisod. Pagkabati niini sa Ginoo, nasuko siya ug nagpadala ug kalayo nga misunog sa pipila ka bahin sa palibot sa kampo.

Ang Biblia 2011

¹ Unya ang katawhan nagbagulbol diha sa pangdungog sa Ginoo mahitungod sa ilang kalisdanan. Ug sa dihang nadungog kini sa Ginoo, misilaob ang iyang kasuko ug midilaab batok kanila ang kalayo sa Ginoo ug milamoy sa mga daplin nga bahin sa kampo.

Maayong Balita Biblia

¹ Nagbagulbol ang katawhan bahin sa kalisdanan nga ilang nahiagoman. Sa pagkadungog niini sa Ginoo, nahaling ang iyang kasuko ug misilaob ang kalayo sa Ginoo sa ilang taliwala ug gilamoy niini ang pipila ka kasikbit nga mga bahin sa kampo.

Ang Bag-ong Maayong Balita Biblia

¹ Nagbagulbol ang katawhan bahin sa kalisdanan nga ilang nahiagoman. Sa pagkadungog niini sa Ginoo, nahaling ang iyang kasuko ug misilaob ang kalayo sa Ginoo sa ilang taliwala ug gilamoy niini ang pipila ka kasikbit nga mga bahin sa kampo.

Numeros 11:1 Cross References

Genesis 38:10

Daotan ang gibuhat ni Onan atubangan sa Ginoo, busa gipatay usab siya sa Ginoo.

2 Samuel 11:27

Human sa panahon sa pagsubo, gipakuha siya ni David ug gidala sa palasyo. Nahimo siyang asawa ni David, ug sa paglabay sa mga adlaw, nanganak siyag lalaki. Apan wala makapahimuot sa Ginoo ang gihimo ni David.

2 Mga Hari 1:12

Mitubag si Elias, “Kon alagad ako sa Dios, hinaut nga may moabot nga kalayo gikan sa langit nga molamoy kanimo ug sa imong 50 ka mga tawo.” Unya may miabot nga kalayo sa Dios gikan sa langit ug gilamoy ang opisyal ug ang iyang 50 ka mga tawo.

Job 1:16

Samtang nagsulti pa ang maong tawo, adunay laing tawo nga miabot ug nagbalita, “Naigo sa kilat ang imong mga karnero ug ang mga magbalantay niini. Ako ra gayoy nakaikyas aron sa pagsugilon kanimo.”

Salmo 106:18

Ug adunay kalayo usab nga misunog sa ilang daotang mga sumusunod.

Salmo 78:21

Busa napungot ang  Ginoo sa pagkadungog niya niini. Sa iyang kasuko sa mga Israelinhon, nga mga kaliwat ni Jacob, giataki niya sila pinaagi sa kalayo.

Salmo 78:63

Gilamoy sa kalayo ang ilang batan-ong mga lalaki, busa wala nay mabana ang ilang mga dalaga.

Exodo 16:7

ug sa buntag makita ninyo ang gamhanang presensya sa Ginoo. Kay nadungog niya ang inyong mga pagbagulbol. Si kinsa ba gud kami nga diri man kamo kanamo magbagulbol? Ang tinuod, ang Ginoo ang inyong gibagulbolan.”

Exodo 16:9

Miingon dayon si Moises kang Aaron, “Ingna ang tibuok katilingban sa Israel nga moduol sila sa presensya sa Ginoo kay nadungog niya ang ilang mga pagbagulbol.”

Isaias 10:17

Ang Ginoo, nga mao ang suga ug ang balaan nga Dios sa Israel, mahimong sama sa nagdilaab nga kalayo nga sa mubo lang nga panahon mosunog niining tunokon nga mga tanom.

Isaias 30:33

Dugay na nga naandam ang dapit nga pagasunogan sa hari sa Asiria. Halapad ug lawom kining dapita, ug ang kalayo abunda ug sugnod. Ang gininhawa sa Ginoo daw sapa sa nagdilaab nga asupre, nga mao ang mopadilaab sa mga sugnod niini.

Isaias 33:14

Nangurog sa kahadlok ang mga makasasala sa Jerusalem. Moingon sila, “Ang Dios sama sa nagdilaab nga kalayo nga dili mapalong. Kinsa man kanato ang makapuyo atubangan sa presensya sa Dios?”

Mga Pagbangotan 3:39

Nganong moreklamo man kita kon silotan kita tungod sa atong mga sala?

Ezequiel 20:36

Hukman ko kamo, sama nga gihukman ko ang inyong mga katigulangan didto sa kamingawan sa Ehipto. Ako, ang Ginoong Dios, ang nag-ingon niini.

Levitico 10:2

Busa nagpadala ang Ginoo ug kalayo nga misunog kanila hangtod nga namatay sila diha sa presensya sa Ginoo.

Nahum 1:5

Ang mga kabukiran nauyog sa iyang atubangan ug ang kabungtoran natunaw palayo kaniya. Ang kayutaan mikurog sa iyang presensya; ang kalibotan ug ang tanan nga nagpuyo niini.

Habacuc 3:5

Ang katalagman niadto sa iyang atubangan; mga peste misunod sa iyang mga lakang.

Numeros 10:33

Busa namiya sila sa bukid sa Ginoo ug nanglakaw ug tulo ka adlaw. Gauna kanunay kanila ang Sudlanan sa Kasabotan sa pagpangita ug dapit nga ilang kapahulayan.

Numeros 11:18

“Unya ingna ang mga tawo nga magpakahinlo sila, kay ugma mangaon sila ug karne. Isulti kini kanila: ‘Nadungog kamo sa Ginoo nga nagreklamo nga gusto ninyong mokaon ug karne. Ug miingon pa kamo nga mas maayo pa ang inyong kahimtang didto sa Ehipto. Busa ugma hatagan kamo sa Ginoo ug karne ug kan-on ninyo kini.

Numeros 12:2

Miingon sila, “Pinaagi lang ba kang Moises makigsulti ang Ginoo? Dili ba nakigsulti man usab siya pinaagi kanato?” Apan nadunggan kini sa Ginoo.

Numeros 14:2

Nagbagulbol sila ngadto kang Moises ug kang Aaron. Miingon sila, “Maayo pag nangamatay na lang kita didto sa Ehipto o kaha dinhi sa kamingawan!

Numeros 14:22

walay bisan usa kanila nga makasulod sa yuta nga gisaad ko sa ilang mga katigulangan. Kay bisan nakita nila ang akong gamhanang presensya ug ang mga milagro nga gipangbuhat ko sa Ehipto ug sa kamingawan, kanunay gihapon nila akong ginasulayan ug wala sila nagtuman kanako. Busa ang mga nagsalikway kanako dili gayod makasulod niana nga yuta.

Numeros 14:27

“Hangtod kanus-a ba ang pagbagulbol niining daotang katawhan batok kanako? Nadungog ko ang mga bagulbol niining mga bagulbolan nga Israelinhon.

Numeros 14:28

Busa isulti kini kanila: ‘Nagsaad ako, ang buhi nga Ginoo, nga himuon ko diha kaninyo ang inyong gipangayo.

Numeros 16:11

Si kinsa man si Aaron nga magbagulbol man kamo batok kaniya? Ang tinuod, ikaw ug ang tanan nimong mga sumusunod naghiusa batok sa Ginoo ug dili kang Aaron.”

Numeros 16:35

Unya nagpadala ug kalayo ang Ginoo, ug gilamoy sa kalayo ang 250 ka mga sumusunod ni Kora nga naghalad ug insenso.

Numeros 17:5

Unya manalingsing ang baston sa tawong akong pilion nga mag-alagad kanako isip pari. Niining paagiha mahunong na ang pagbagulbol sa mga Israelinhon batok kaninyo ni Aaron.”

Numeros 21:5

busa mireklamo sila sa Dios ug kang Moises. Miingon sila, “Nganong gipagawas mo pa kami gikan sa Ehipto aron mangamatay lang dinhi sa kamingawan? Walay pagkaon ug tubig dinhi! Ug giluod na kami niining walay lami nga manna.”

1 Mga Taga-Corinto 10:10

Ayaw kamo pagsunod sa gihimo sa uban kanila nga nagbagulbol. Mao nga gipapatay sila sa Dios pinaagi sa Anghel sa Kamatayon.

Deuteronomio 25:18

Giataki nila kamo sa dihang gikapoy kamo pag-ayo, ug gipamatay nila ang inyong mga kauban nga anaa sa ulahi. Wala silay kahadlok sa Dios.

Deuteronomio 32:22

Kay ang akong kasuko nagdilaab nga murag kalayo. Mosunog kini sa yuta ug sa tanang anaa niini, apil sa kinahiladman sa yuta, ug sa pundasyon sa mga bukid.

Deuteronomio 9:22

“Gipasuko usab ninyo ang Ginoo didto sa Tabera, sa Masa, ug sa Kibrot Hataava.

Mga Hebreo 12:29

Kay kon mosilot ang atong Dios sama kini sa kalayo nga makaugdaw.

Santiago 5:4

Pamatia ninyo ang mga reklamo sa mga tawo nga inyong gipatrabaho sa inyong kaumahan apan wala ninyo suholi. Angay ninyong masayran nga ang mga paghilak sa inyong mga mag-aani nadunggan sa Dios nga Makagagahom.

Judas 1:16

Kana nga mga tawo mga bagulbolan. Dili sila kontento sa ilang kahimtang, ang ila lang kaugalingon nga mga tinguha ang ilang gipalabi, mga hambogiro sila, ug giulog-ulogan nila ang uban aron makuha nila ang ilang gusto.