Numeros 1:22 - Ang Pulong sa Dios

²² Gikan sa mga kaliwat ni Simeon. Ang tanang mga lalaki nga nag-edad ug 20 ka tuig pataas, nga adunay katakos sa pagpakig-gira, nga nalista sumala sa tribo ug pamilya.

Ang Biblia 2011

²² Sa mga kaliwat ni Simeon, sa ilang mga kaliwatan, sumala sa ilang mga panimalay, sumala sa mga banay sa ilang katigulangan, kadtong naihap sumala sa gidaghanon sa mga ngalan, ang matag ulo, ang matag lalaki nga nagpanuigon ug 20 ug pataas, ang tanang makahimo sa pag-adto sa panggubatan:

Numeros 1:22 Cross References

Genesis 29:33

Namabdos siya pag-usab ug nanganak ug usa ka lalaki. Miingon siya, “Gihatagan ako pag-usab sa Ginoo ug usa ka anak nga lalaki kay nakadungog siya nga wala ako higugmaa sa akong bana.” Busa ginganlan niya ang bata ug Simeon.

Genesis 42:24

Mibiya si Jose kanila ug mihilak. Unya mibalik siya ug nakigsulti kanila. Pagkahuman, gikuha niya si Simeon gikan kanila ug gipagapos diha sa ilang atubangan.

Genesis 46:10

Si Simeon ug ang iyang mga anak nga sila si Jemuel, Jamin, Ohad, Jakin, Zohar, ug si Saulo nga iyang anak sa babaye nga Canaanhon.

Salmo 144:1

Dalaygon ang  Ginoo nga akong salipdanan nga bato. Gibansay niya ako sa pagpakig-gira.

Numeros 1:21

Ang gidaghanon gikan sa tribo ni Ruben kay 46,500.

Numeros 1:23

Ang gidaghanon gikan sa tribo ni Simeon kay 59,300.

Gipadayag 7:7

12,000 gikan sa tribo ni Simeon, 12,000 gikan sa tribo ni Levi, 12,000 gikan sa tribo ni Isacar,