Numeros 1:1 - Ang Pulong sa Dios

¹ Sa unang adlaw, sa ikaduhang bulan, sa ikaduhang tuig human mibiya ang mga Israelinhon gikan sa Ehipto, nakigsulti ang Ginoo kang Moises didto sa Tolda nga Tagboanan sa kamingawan sa Sinai. Miingon siya,

Ang Biblia 2011

¹ Ang Ginoo misulti kang Moises didto sa kamingawan sa Sinai, sulod sa tolda nga tagboanan, sa unang adlaw sa ikaduhang bulan sa ikaduhang tuig human sa ilang paggawas gikan sa yuta sa Ehipto, nga nag-ingon,

Maayong Balita Biblia

¹ Sa unang adlaw sa ikaduhang bulan sa ikaduhang tuig sukad ang mga Israelita migawas sa Ehipto, misulti ang Ginoo kang Moises didto sa kamingawan sa Sinai sulod sa Tolda nga Tagboanan. Ang Ginoo miingon,

Ang Bag-ong Maayong Balita Biblia

¹ Sa unang adlaw sa ikaduhang bulan sa ikaduhang tuig sukad ang mga Israelita migawas sa Ehipto, misulti ang Ginoo kang Moises didto sa kamingawan sa Sinai sulod sa Tolda nga Tagboanan. Ang Ginoo miingon,

Numeros 1:1 Cross References

1 Mga Hari 6:1

Nagsugod si Solomon sa pagpatukod sa Templo sa Ginoo sa ikaduhang bulan, nga mao ang bulan sa Ziv, niadtong ikaupat nga tuig sa iyang paghari sa Israel. Ika-480 nga tuig kadto gikan sa paggawas sa mga Israelinhon gikan sa Ehipto.

Exodo 19:1

Mibiya ang mga Israelinhon sa Refidim ug miadto sa kamingawan sa Sinai. Didto sila nagkampo atubangan sa bukid. Ikatulo kadto nga bulan sukad sa pagbiya nila sa Ehipto.

Exodo 25:22

Makigkita ako kanimo didto taliwala sa duha ka kerubin nga anaa ibabaw sa Sudlanan sa Kasugoan, ug ihatag ko kanimo ang tanan kong mga sugo alang sa katawhan sa Israel.

Exodo 40:17

Busa gipatindog ang Tolda nga Pagsimbahan sa unang adlaw sa unang bulan. Ikaduha kadto nga tuig gikan sa paggawas nila sa Ehipto.

Exodo 40:2

“Ipahimutang ninyo ang Tolda nga Pagsimbahan, sa unang adlaw sa unang bulan.

Levitico 1:1

Gitawag sa Ginoo si Moises didto sa Tolda nga Tagboanan miingon kaniya,

Levitico 27:34

Mao kini ang mga sugo nga gihatag sa Ginoo kang Moises didto sa Bukid sa Sinai alang sa mga Israelinhon.

Numeros 12:4

Busa nakigsulti dayon ang Ginoo kang Moises, Aaron, ug Miriam. Miingon siya kanila, “Pangadto kamong tulo sa Tolda nga Tagboanan.” Busa nanggawas sila ug nangadto sa Tolda.

Numeros 9:1

Sa unang bulan sa ikaduhang tuig gikan sa paggawas sa mga Israelinhon sa Ehipto, miingon ang Ginoo kang Moises didto sa kamingawan sa Sinai,

Deuteronomio 1:3

Sa unang adlaw sa ika-11 nga bulan, sa ika-40 nga tuig gikan sa pagbiya sa mga Israelinhon sa Ehipto, gisulti ni Moises kanila ang tanang gipasulti sa Ginoo ngadto kanila.

Deuteronomio 2:14

Nahitabo kini human milabay ang 38 ka tuig gikan sa panahon nga mibiya kita sa Kadesh Barnea. Nangamatay na sa kamingawan ang mga sundalo nga Israelinhon niadto nga henerasyon nga makahimo sa pagpakig-gira, sumala sa gipanumpa sa Ginoo kanila.

Deuteronomio 2:7

Hinumdomi ninyo kon giunsa ko kamo pagpanalangin sa tanan ninyong gihimo. Ako, ang Ginoo nga inyong Dios, ang nagbantay kaninyo sa inyong paglakaw niining halapad nga kamingawan. Sulod sa 40 ka tuig nag-uban ako kaninyo, ug wala gayod kamo makulangi bisan unsa.