Miqueas 7:5 - Ang Pulong sa Dios

⁵ Tungod kay mikuyanap na ang kadaotan, ayaw kamo pagsalig sa inyong mga silingan, bisan pa sa suod nga mga higala. Pagbantay usab kamo sa inyong ginasugilon bisan sa inyong mahal nga asawa.

Ang Biblia 2011

⁵ Ayaw pagsalig sa imong silingan, ayaw kamo pagsalig sa usa ka higala; bantayi ang pultahan sa imong baba gikan kaniya nga nagpauraray sa imong dughan;

Maayong Balita Biblia

⁵ Ayaw kamo pagsalig sa inyong silingan o higala; bantayi ang inyong pagpanulti bisan ngadto sa inyong asawa.

Ang Bag-ong Maayong Balita Biblia

⁵ Ayaw kamo pagsalig sa inyong silingan o higala; bantayi ang inyong pagpanulti bisan ngadto sa inyong asawa.

Miqueas 7:5 Cross References

Salmo 141:3

Ginoo, tabangi ako nga dili makasulti ug daotan.

Salmo 38:14

Nahisama ako sa usa ka tawo nga dili makadungog, ug dili makapangatarongan.

Salmo 41:9

Bisan ang suod kong higala nga gisaligan ko pag-ayo ug nakigsalo kanako sa pagkaon nagluib kanako.

Jeremias 9:3

Miingon ang  Ginoo, “Mga bakak ang naggawas gikan sa mga baba sa akong katawhan, daw mga udyong kini gikan sa pana. Bakak ug dili kamatuoran ang nagpatigbabaw dinhi niini nga yuta. Migrabe na gayod ang ilang pagpakasala, ug wala nila ako ilha.”

Jeremias 9:4

Mao kini ang giingon sa Ginoo: “Pagbantay kamo sa inyong isigka-tawo, ug ayaw kamo pagsalig sa inyong paryente, kay ang matag-usa limbongan ug tigbutang-butang.

Mga Pagbangotan 1:2

Sama siya sa babaye nga naghilak pag-ayo tibuok gabii; ang iyang mga luha nagtulo sa iyang mga aping. Wala gayoy bisan usa sa iyang mga hinigugma nga milipay kaniya. Giluiban siya sa tanan niyang mga higala, ug nahimo niya silang mga kaaway.

Mateo 10:16

“Timan-i ninyo kini! Sama kamo sa mga karnero nga akong gipaadto sa mabangis nga mga mananap. Busa pagmaigmat kamo sama sa mga bitin, ug pagmalumo kamo sama sa mga salampati.

Mga Maghuhukom 14:17

Sulod sa nahibiling adlaw sa kombira, nagsigeg hilak ang asawa ni Samson ngadto kaniya. Busa sa ikapito nga adlaw, gisultihan ni Samson ang iyang asawa sa tubag tungod sa pagsigeg pamugos niini. Unya, gisulti usab sa iyang asawa ang tubag ngadto sa iyang mga katagilungsod.