Miqueas 7:16 - Ang Pulong sa Dios

¹⁶ Makita kini sa ubang mga nasod ug maulawan sila bisan sa ilang pagkagamhanan. Ug dili na sila magsulti ug mamati sa mga pagbiay-biay kanamo.

Ang Biblia 2011

¹⁶ Ang mga nasod makakita ug mangaulaw tungod sa sa tanan nilang kusog; sampongan nila sa ilang kamot ang ilang baba; ang ilang mga dalunggan mangabungol;

Maayong Balita Biblia

¹⁶ Makakita niini ang kanasoran ug maulaw sila bisan pa sa ilang pagkagamhanan; dili sila makasulti ug dili makadungog.

Ang Bag-ong Maayong Balita Biblia

¹⁶ Makakita niini ang kanasoran ug maulaw sila bisan pa sa ilang pagkagamhanan; dili sila makasulti ug dili makadungog.

Miqueas 7:16 Cross References

Job 21:5

Tan-awa ra gud ninyo ako ug mahingangha kamo sa katingala.

Job 40:4

“Dili ako takos nga motubag kanimo. Unsay may akong itubag? Maghilom na lang ako.

Salmo 126:2

Nangatawa kita ug nag-awit sa kalipay. Unya miingon ang ubang mga nasod, “Naghimo ang  Ginoo ug katingalahang mga butang alang kanila.”

Mga Panultihon 30:32

Kon ang imong pagkabuang-buang imong gipasigarbo ug nagplanog daotan, undanga na kana!

Isaias 26:11

Ginoo, andam ka na nga mosilot kanila, apan wala sila masayod niini. Pahibaloa sila, Ginoo! Pakaulawi sila pinaagi sa pagpakita kanila kon unsa ang imong paghigugma sa imong katawhan. Sila nga imong mga kaaway ipalamoy sa imong kalayo.

Isaias 52:15

Hangtod ang mga nasod mahibulong usab kaniya. Dili makasulti ang mga hari tungod kaniya, kay makita man nila ug masabtan ang mga butang nga wala sukad masugilon.”

Isaias 66:18

“Nasayod ako sa ilang binuhatan ug huna-huna. Busa moanha ako ug tigomon ko ang mga katawhan sa tanang nasod, ug makita nila ang akong gahom.

Ezequiel 38:23

Niining paagiha ko ipakita ang akong pagkagamhanan ug pagkabalaan sa tanang nasod. Unya mahibaloan nila nga ako mao ang  Ginoo.”

Miqueas 3:7

Maulawan gayod kamong mga propeta ug mga manalagna. Tabonan ninyo ang inyong dagway sa kaulaw, tungod kay wala kamoy nadawat nga tubag gikan sa Dios.”

Miqueas 5:8

Apan magdala usab sila ug kalaglagan sa mga nasod. Mahisama sila sa liyon taliwala sa mga mananap sa kalasangan ug sa panon sa mga karnero sa sabsabanan nga moyatak-yatak ug mokunis-kunis kanila, ug wala gayoy makalingkawas.

Hageo 2:22

Gub-on ko ang mga harianong trono ug dugmokon ko ang gahum sa langyaw nga gingharian. Buntogon ko ang mga karwahi ug ang tigmaneho niini; mga kabayo ug ang iyang sakay mangahagbong, tagsa-tagsa sa espada sa iyang igsoon.

Zacarias 12:9

Nianang adlawa, laglagon ko ang tanang nasod nga mosulong sa Jerusalem.

Roma 3:19

Karon, nasayran nato nga ang tanang giingon sa Kasugoan alang kanato nga mga Judio nga nagkinabuhi ilalom sa Kasugoan. Busa dili kita makaingon nga dili kita silotan. Ang tanan manubag sa Dios tungod sa ilang mga sala.

Gipadayag 11:18

Hilabihan gayod ang kasuko sa mga tawo nga wala nag-ila kanimo. Kay miabot na ang panahon nga silotan mo sila, ug ang mga patay hukman mo na. Mao na kini ang panahon nga hatagan mo ug ganti ang imong mga sulugoon, ang mga propeta, ang imong katawhan, ug ang tanan nga nagtahod kanimo, inila man o dili. Panahon na nga pamatyon mo ang mga tawo nga nagguba sa kalibotan.”