Miqueas 7:11 - Ang Pulong sa Dios

¹¹ Katawhan sa Jerusalem, moabot ang panahon nga tukoron ninyo pag-usab ang inyong mga paril ug nianang panahona molapad pa gayod ang inyong teritoryo.

Ang Biblia 2011

¹¹ Usa ka adlaw alang sa pagtukod sa imong mga kuta! Nianang adlawa ang utlanan isibog ngadto sa layo.

Maayong Balita Biblia

¹¹ Katawhan sa Jerusalem, nagsingabot na ang panahon nga tukoron pag-usab ang inyong mga paril. Niadto unyang panahona dugangan ang inyong yuta.

Ang Bag-ong Maayong Balita Biblia

¹¹ Katawhan sa Jerusalem, nagsingabot na ang panahon nga tukoron pag-usab ang inyong mga paril. Niadto unyang panahona dugangan ang inyong yuta.

Miqueas 7:11 Cross References

Nehemias 2:17

Unya miingon ako kanila, “Nakita ninyo ang makaluluoy nga kahimtang sa atong siyudad. Guba ang Jerusalem ug nasunog ang mga ganghaan niini. Tukoron nato pag-usab ang paril sa Jerusalem aron dili na kita maulawan.”

Nehemias 2:8

Ug kon mahimo, hatagi usab akog sulat alang kang Asaf, ang tig-atiman sa imong kakahoyan, aron hatagan niya akog mga kahoy nga gamiton sa paghimo sa ganghaan sa palasyo duol sa Templo, sa paghimog paril sa siyudad, ug sa balay nga akong puy-an.” Gituman sa hari ang akong gihangyo kaniya tungod sa kaayo sa Dios kanako.

Nehemias 4:3

Mitubag usab si Tobia nga Amonihanon nga diha sa tapad ni Sanbalat, “Bisan ug ihalas nga iro lang ang mokatkat diha matumpag na kana!”

Nehemias 4:6

Napatindog namo ang katunga na sa kahabugon sa paril tungod kay ang mga tawo nagtrabaho gayod ug maayo.

Isaias 54:11

“O Jerusalem, daw gikuso-kuso ka sa bagyo. Nag-antos ka ug wala gayoy midasig kanimo. Apan tukoron ka nako pag-usab sa mga patukoranan nga hinimo gikan sa mga batong sapiro ug gamiton ko ang mahalong mga bato sa paghimo sa mga bongbong sa imong balay.

Isaias 54:2

Padak-i ug lig-ona ang imong puloy-anan. Ayaw pugngi ang pagpalapad niini.

Isaias 58:12

Tukoron pag-usab sa inyong mga kaliwat ang inyong mga lungsod nga dugay nang nangaguba, ug pabarogon nila ang karaan nga mga patukoranan. Tawgon kamong katawhan nga tig-ayo sa nangagubang mga paril ug kabalayan.

Isaias 61:4

Pabarogon nila pag-usab ang ilang mga siyudad nga dugay nang nangaguba.

Daniel 9:25

“Kinahanglang imong mahibaloan ug masabtan nga gikan sa panahon sa pagmando nga tukoron pag-usab ang Jerusalem hangtod sa pag-abot sa pinili nga pangulo sa Dios molabay usa ang 49 ka tuig. Ug sulod sa laing 434 ka tuig, tukoron pag-usab ang Jerusalem nga adunay mga plasa ug mga depensa. Apan panahon kini sa kasamok.