Miqueas 6:5 - Ang Pulong sa Dios

⁵ Mga katawhan ko, hinumdomi ninyo nga gisugo ni Balak nga hari sa Moab si Balaam nga anak ni Beor nga tunglohon kamo. Apan gisugo ko si Balaam sa pagpanalangin kaninyo. Hinumdomi usab ninyo kon giunsa ko kamo pagtabang sa pagtabok sa Suba sa Jordan sa dihang naglakaw kamo gikan sa Shitim hangtod sa Gilgal, aron maamgohan ninyo ang gibuhat ko sa pagluwas kaninyo.”

Ang Biblia 2011

⁵ O akong katawhan, hinumdomi unsa ang gilaraw ni Balak nga hari sa Moab, ug kon unsa ang gitubag kaniya ni Balaam nga anak ni Beor ug unsa ang nahitabo gikan sa Sitim ngadto sa Gilgal, aron kamo mahibalo sa pagkamatarong sa Ginoo.”

Maayong Balita Biblia

⁵ Hinumdomi ninyo ang gilaraw ni Balak nga hari sa Moab, ug ang gitubag ni Balaam nga anak ni Beor, ug ang nahitabo sukad sa Shitim ngadto sa Gilgal, aron masayran ninyo ang akong gihimo aron pagluwas kaninyo.”

Ang Bag-ong Maayong Balita Biblia

⁵ Hinumdomi ninyo ang gilaraw ni Balak nga hari sa Moab, ug ang gitubag ni Balaam nga anak ni Beor, ug ang nahitabo sukad sa Shitim ngadto sa Gilgal, aron masayran ninyo ang akong gihimo aron pagluwas kaninyo.”

Miqueas 6:5 Cross References

Salmo 111:4

Gipahinumdom niya kita sa iyang katingalahang mga buhat. Maluloy-on siya ug adunay kahangawa.

Salmo 143:11

Luwasa ako, Ginoo, aron mapasidunggan ka. Tungod kay ikaw matarong, luwasa ako sa kalisod.

Salmo 36:10

Padayona ang imong paghigugma sa mga nag-ila kanimo, ug ang imong kaayo sa mga nagkinabuhi nga matarong.

Salmo 71:19

Ang imong pagkamatarong, O Dios, dili matugkad. Katingalahan ang imong mga gipangbuhat; wala gayoy sama kanimo.

Isaias 1:27

Pinaagi sa matarong nga paghukom sa Ginoo, luwason niya ang Jerusalem ug ang mga lumulupyo niini nga naghinulsol.

Numeros 22:41

Pagkaugma, gidala ni Balak si Balaam ibabaw sa Bamot Baal, ug didto nakita niya sa ubos ang katawhan sa Israel.

Numeros 23:27

Miingon pag-usab si Balak kang Balaam, “Dali, dad-on ka nako sa lain na usab nga dapit. Basin pag didto mosugot na ang Dios nga panghimaraoton mo ang Israel alang kanako.”

Numeros 25:1

Samtang nagkampo ang mga Israelinhon sa Shitim, ang mga lalaki nagsugod sa pagpakighilawas sa mga babayeng Moabihanon.

Numeros 25:2

Kining mga babayhana midapit kanila sa pag-apil paghalad ngadto sa ilang mga dios, ug mikaon sila sa mga halad ug misimba niini nga mga dios.

Numeros 31:16

Sila maoy misunod sa tambag ni Balaam ug silay hinungdan nganong gisalikway sa mga Israelinhon ang Ginoo didto sa Peor, ug tungod niini miabot ang katalagman sa katilingban sa Ginoo.

Numeros 31:8

Giapil nila ug pamatay ang lima ka hari sa Midian nga sila si Evi, Rekem, Zur, Hur, ug Reba. Gipatay usab nila si Balaam nga anak ni Beor pinaagi sa espada.

Numeros 33:49

Nagkampo sila daplin sa Jordan gikan sa Bet Jeshimot hangtod sa Abel Shitim nga sakop pa gihapon sa kapatagan sa Moab.

Mga Taga-Efeso 2:11

Hinumdomi ninyo ang inyong kahimtang kaniadto. Natawo kamo nga dili mga Judio; ug matod pa sa mga Judio wala kamoy relasyon sa Dios tungod kay dili kamo sama kanila nga mga tinuli. (Apan kadto nga pagtuli sa lawas lang.)

Deuteronomio 16:3

Kaonon ninyo kini uban sa pan nga walay patubo. Sulod sa pito ka adlaw mokaon kamo ug pan nga walay patubo sama sa inyong gihimo sa dihang nagdali-dali kamog biya gikan sa Ehipto. Kaona ninyo kini nga pan, ang simbolo sa inyong mga pag-antos, aron mahinumdoman ninyo sa tibuok ninyong kinabuhi ang panahon nga mibiya kamo gikan sa Ehipto.

Deuteronomio 23:6

Samtang buhi pa kamo, ayaw gayod kamo pagtabang sa mga Amonihanon o Moabihanon sa bisan unsa nga paagi.

Deuteronomio 8:18

Apan hinumdomi gayod ninyo nga ang Ginoo nga inyong Dios mao ang naghatag kaninyo sa katakos nga mahimong adunahan, ug gihimo niya kini aron matuman niya ang iyang kasabotan nga iyang gisaad sa inyong mga katigulangan, nga nagpadayon hangtod karon.

Deuteronomio 8:2

Hinumdomi ninyo kon giunsa kamo paggiya sa Ginoo nga inyong Dios sa inyong paglakaw sa kamingawan sulod sa 40 ka tuig. Gihimo niya kini sa pagtudlo kaninyo sa pagpaubos ug sa pagsulay kaninyo aron mahibaloan kon unsa gayod ang sulod sa inyong kasing-kasing, kon tumanon ba ninyo ang iyang mga sugo o dili.

Deuteronomio 9:7

“Hinumdomi ninyo kon giunsa ninyo pagpasuko ang Ginoo nga inyong Dios didto sa kamingawan. Gikan sa adlaw nga migawas kamo gikan sa Ehipto hangtod karon kanunay lang kamong nagsupak sa Ginoo.

Josue 2:1

Unya, sekreto nga nagpadala si Josue ug duha ka tawo gikan sa kampo sa mga Israelinhon sa Shitim aron sa pagpangispiya didto sa yuta sa Canaan, ilabina gayod sa lungsod sa Jerico. Sa dihang nakaabot sa Jerico ang duha ka espiya, didto sila midayon sa balay ni Rahab nga usa ka babayeng nagbaligya sa iyang dungog.

Josue 3:1

Sayo kaayong mibangon si Josue ug ang tanang mga Israelinhon. Mibiya sila sa Shitim ug miadto sa Suba sa Jordan. Nagkampo una sila didto sa wala pa sila motabok.

Josue 4:19

Ang pagtabok sa mga Israelinhon sa Suba sa Jordan nahitabo sa ikanapulo nga adlaw sa unang bulan. Unya nagkampo sila sa Gilgal, sa sidlakang bahin sa Jerico.

2 Pedro 2:15

Gibiyaan nila ang matarong nga mga pagtulon-an, busa nahisalaag sila. Gisunod nila ang gibuhat sa anak ni Beor nga si Balaam nga misugot nga suholan sa pagbuhat ug daotan.

1 Juan 1:9

Apan kon isulti nato sa Dios ang atong mga sala, kasaligan siya nga mopasaylo kanato sa atong mga sala ug sa paghinlo kanato sa tanan natong mga kalapasan tungod kay matarong siya.

Judas 1:11

Alaot sila! Kay gisunod nila ang batasan ni Cain. Ug gisunod usab nila si Balaam, kay bisan nasayran nila nga daotan ang ilang gibuhat nagpadayon pa gihapon sila tungod sa ilang kahakog sa kuwarta. Sama usab sila kang Kora nga nagrebelde sa Dios, busa silotan usab sila sama kaniya.

Gipadayag 2:14

“Apan ania ang pipila ka butang nga akong ikasaway kaninyo: adunay pipila diha kaninyo nga nagsunod sa mga pagtulon-an ni Balaam. Kini si Balaam nagtudlo kang Balak kon unsaon sa pagtintal ang mga Israelinhon sa pagpakasala pinaagi sa pagkaon sa mga kalan-on nga gihalad ngadto sa mga dios-dios ug pinaagi sa pagpakighilawas gawas sa kaminyoon.

Mga Maghuhukom 11:25

Mas maayo ka pa ba kay sa hari sa Moab nga si Balak nga anak ni Zipor? Wala gayod siya sukad makig-away sa Israel. Dili ba?

Mga Maghuhukom 5:11

Paminawa ninyo ang mga sugilanon sa mga tawo didto sa mga atabay. Nagsugilon sila sa mga kadaogan sa Dios pinaagi sa iyang mga sundalo sa Israel. Unya nangadto ang mga katawhan sa Ginoo sa mga pultahan sa lungsod ug miingon,

1 Samuel 12:7

Karon, pabilin kamo sa pagtindog sa presensya sa Ginoo, samtang ipahinumdom ko kaninyo ang mga kaayohan nga gihimo sa Ginoo kaninyo ug sa inyong mga katigulangan.