Miqueas 6:3 - Ang Pulong sa Dios

³ “Mga katawhan ko, unsa bay sala nga nahimo ko kaninyo? Gilisod-lisod ko ba kamo? Tubaga ninyo ako!

Ang Biblia 2011

³ “O akong katawhan, unsay akong nabuhat kanimo? Diin man ako makapalaay kanimo? Tubaga ako!

Maayong Balita Biblia

³ Ang Ginoo nag-ingon, “Unsa bay nahimo ko kaninyo, O katawhan ko? Nganong gipul-an na man kamo kanako? Tubaga ninyo ako!

Ang Bag-ong Maayong Balita Biblia

³ Ang Ginoo nag-ingon, “Unsa bay nahimo ko kaninyo, O katawhan ko? Nganong gipul-an na man kamo kanako? Tubaga ninyo ako!

Miqueas 6:3 Cross References

Salmo 50:7

“Kamong akong katawhan, pamatia ninyo ang akong isulti. Ako ang Dios, nga inyong Dios; magsaksi ako batok kaninyo nga mga taga-Israel.

Salmo 51:4

Kanimo lang gayod ako nakasala. Gihimo ko ang mga butang nga giisip mong daotan. Busa husto ka sa imong pagsentensya kanako. Makatarunganon ka sa imong paghukom kanako.

Salmo 81:13

“Kon mamati lang unta kamo ug mosunod sa akong mga pamaagi,

Salmo 81:8

“Mga katawhan kong mga Israelinhon, pamati kay pahimangnoan ko kamo. Hinaut nga mamati kamo kanako!

Isaias 5:4

Unsa pa ba gayod kaha ang angay kong buhaton sa akong ubasan? Nagpaabot ako nga mamunga kini ug tam-is, apan aslom hinuon ang gibunga niini.

Jeremias 2:31

“Kamong mga katawhan niini nga henerasyon, paminawa kining akong isulti: “Sama ba ako sa usa ka disyerto alang kaninyong mga Israelinhon, o kaha sa usa ka dapit nga labihan kangitngit? Nganong moingon man kamo, ‘Makahimo na kami sa among gusto. Dili na kami moduol sa Dios.’

Jeremias 2:5

Mao kini ang gisulti sa Ginoo: “Unsa bay sayop nga nakita sa inyong mga katigulangan kanako nga nagpalayo man gayod sila kanako? Misunod sila sa mga dios-dios nga walay pulos, ug tungod niini nahimo usab silang walay pulos.

Miqueas 6:5

Mga katawhan ko, hinumdomi ninyo nga gisugo ni Balak nga hari sa Moab si Balaam nga anak ni Beor nga tunglohon kamo. Apan gisugo ko si Balaam sa pagpanalangin kaninyo. Hinumdomi usab ninyo kon giunsa ko kamo pagtabang sa pagtabok sa Suba sa Jordan sa dihang naglakaw kamo gikan sa Shitim hangtod sa Gilgal, aron maamgohan ninyo ang gibuhat ko sa pagluwas kaninyo.”

Roma 3:19

Karon, nasayran nato nga ang tanang giingon sa Kasugoan alang kanato nga mga Judio nga nagkinabuhi ilalom sa Kasugoan. Busa dili kita makaingon nga dili kita silotan. Ang tanan manubag sa Dios tungod sa ilang mga sala.