Miqueas 6:14 - Ang Pulong sa Dios

¹⁴ Tinuod nga makakaon kamo, apan dili kamo mabusog; kanunay gihapon kamong gutomon. Magtipig kamo ug mga abot, apan dili ninyo kini mapuslan, kay ipakuha ko kini sa inyong mga kaaway panahon sa gira.

Ang Biblia 2011

¹⁴ Magkaon ikaw, apan dili matagbaw, ug aduna unyay kagutom diha sa imong kinasuloran; ikaw magtipig apan dili makatigom, ug ang imong matigom ihatag nako sa espada.

Maayong Balita Biblia

¹⁴ Mangaon kamo apan dili mangabusog, ug magkutoy kanunay ang inyong tiyan; magsigi kamog tipig, apan dili kamo makatigom, kay ang inyong matigom ipalaglag ko sa gubat.

Ang Bag-ong Maayong Balita Biblia

¹⁴ Mangaon kamo apan dili mangabusog, ug magkutoy kanunay ang inyong tiyan; magsigi kamog tipig, apan dili kamo makatigom, kay ang inyong matigom ipalaglag ko sa gubat.

Miqueas 6:14 Cross References

Isaias 30:6

Mao kini ang mensahe sa Dios mahitungod sa mga mananap sa Negev: Gilatas sa mga taga-Juda ang kamingawan nga malisod agian nga adunay mga liyon ug lala nga mga bitin, nga ang uban murag naglupad. Gikarga nila sa mga asno ug mga kamelyo ang ilang mga bahandi aron lang igasa sa nasod nga walay ikatabang kanila.

Isaias 65:13

“Busa ako, ang Ginoong Dios, nag-ingon nga ang akong mga alagad mokaon ug moinom, apan kamo gutomon ug uhawon. Maglipay sila, apan kamo pakaulawan.

Isaias 9:20

Bisan unsang pagkaon nga ilang makita sa palibot kuhaon nila ug kan-on, apan dili gihapon sila mabusog. Kan-on nila bisan ang ilang kabataan.

Jeremias 48:44

Ang moikyas sa kalisang mahulog sa bung-aw. Ang makagawas sa bung-aw, malit-agan, kay silotan ko gayod ang Moab sa gitakda nga panahon. Ako, ang  Ginoo, ang nag-ingon niini.

Ezequiel 5:12

Bahinon ko kamo sa tulo ka bahin. Ang unang bahin mangamatay diha sa siyudad pinaagi sa kagutom ug mga sakit. Ang ikaduhang bahin mangamatay sa gawas sa siyudad pinaagi sa espada. Ug ang ikatulong bahin katagon ko sa tibuok kalibotan ug padayon ko silang lisod-lisoron.

Oseas 4:10

“Nagkaon kamo, apan dili kamo mabusog. Nagsimba kamo sa mga dios-dios nga gituohan ninyong makahatag ug anak, apan dili kamo manganak tungod kay gisalikway ninyo ako

Levitico 26:26

Kulangon ang inyong pagkaon, busa usa lang ka pugon ang gamiton sa napulo ka babaye sa pagluto ug pan, ug bahin-bahinon pa nila kini alang kaninyo. Tinuod nga makakaon kamo apan dili kamo mabusog.

Hageo 1:6

Nagtanom kamo ug daghan apan gaani kamo ug gamay. Nagkaon kamo, apan dili kini igo. Miinom kamo, apan wala kini makatagbaw. Nagsul-ob kamo ug sinina apan wala kamo mainitan. Nakakuha kamo ug suweldo, igo lang gisulod sa inyong bulsa nga adunay buslot.

Hageo 2:16

Sa dihang adunay usa ka tawo nga miabot sa tapok nga baynte ka takos, diha lamay napulo. Sa dihang adunay tawo nga miadto sa sudlanan sa bino sa pagkuha ug singkwenta ka takos, diha lamay baynte.