Miqueas 6:12 - Ang Pulong sa Dios

¹² Bangis ang mga adunahan diha kaninyo ug tanan kamo limbongan ug bakakon.

Ang Biblia 2011

¹² Ang imong mga tawo nga adunahan napuno sa kabangis; ang imong mga lumulupyo nagsulti ug bakak, ug ang ilang dila limbongan sulod sa ilang baba.

Maayong Balita Biblia

¹² Gipanapi sa mga dato ang mga kabos; bakakon kamo ug limbongan.

Ang Bag-ong Maayong Balita Biblia

¹² Gipanapi sa mga dato ang mga kabos; bakakon kamo ug limbongan.

Miqueas 6:12 Cross References

Salmo 120:2

Ginoo, luwasa ako sa mga bakakon ug mga limbongan.

Salmo 35:20

Dili sila mosulti ug maayong mga pulong ngadto sa uban; naghimo hinuon sila ug sugilanon nga walay kamatuoran mahitungod sa mga tawo nga nagpuyo nga malinawon niining lugara.

Salmo 78:36

Apan kutob lang sa baba ang ilang gipanulti; ug namakak sila.

Isaias 1:23

Ang imong mga lider mga gahig ulo ug kauban sa mga kawatan. Ganahan sila kaayo sa mga suborno, ug kanunay silang nag-apas ug mga gasa. Wala sila mamati, wala nila panalipdi ang katungod sa mga ilo ug sa mga biyuda.

Isaias 3:8

Sigurado nga malaglag ang Jerusalem ug ang Juda, tungod kay ang ilang mga binuhatan ug ginapanulti batok sa Ginoo. Nagrebelde sila batok sa gamhanang presensya sa Ginoo.

Isaias 5:7

Ang ubasan sa Ginoo nga Makagagahom nga iyang giatiman ug kalipay mao ang Israel ug Juda. Nagpaabot siya nga patunhayon nila ang hustisya, apan nagpinatyanay hinuon sila. Nagpaabot siya nga himuon nila ang matarong, apan nangdaog-daog hinuon sila.

Jeremias 9:8

Ang ilang mga dila daw makamatay nga mga pana. Pulos bakak ang ilang gisulti. Mosulti silag maayo ngadto sa ilang isigka-tawo, apan sulod sa ilang kasing-kasing nagplano sila sa pagdaot kanila.

Oseas 7:1

“Gusto ko untang ayohon ang mga taga-Israel. Apan ang akong makita kanila mao ang ilang pagkadaotan. Nanglimbong sila, nangawat sa kabalayan, ug nanulis didto sa mga kadalanan.

Oseas 7:13

Alaot sila tungod kay nagpahilayo sila kanako. Laglagon ko sila tungod kay mirebelde sila kanako. Buot ko silang luwason, apan nagsulti silag bakak mahitungod kanako.

Amos 2:4

Mao kini ang gisulti sa Ginoo bahin sa Juda: “Tungod sa padayon nga pagpakasala sa mga taga-Juda, silotan ko gayod sila. Kay gisalikway nila ang akong kasugoan ug wala nila buhata ang mga tulomanon nga gihatag ko kanila. Gipahisalaag sila sa mga bakak nga pagtulon-an sa mga dios-dios nga gialagaran usab sa ilang mga katigulangan.

Amos 6:4

Alaot kamong naghigda-higda lang sa inyong mahalong mga katre, ug nagpatuyang ug kaon sa karne sa nating karnero ug pinatambok nga nating baka.

Sofonias 1:9

Niadto unyang adlawa akong silotan kadtong milikay sa pagtunob sa tugkaran, nga nagpuno sa templo sa ilang mga dios sa kadaotan ug pagpamlimbong.

Sofonias 3:3

Ang iyang mga opisyales uban kaniya mga nagngulob nga liyon; ang iyang maghuhukom mga lobo sa kagabhion, nga dili magbilin alang sa kabuntagon.

Mga Buhat 24:9

Ug misegunda usab ang kadagkoan sa mga Judio nga atua didto nga tinuod gayod ang tanan nga gisulti ni Tertulo.

Roma 3:13

“Ang ilang tutunlan sama sa abli nga lubnganan nga baho, kay pulos pagpanglimbong ang naggawas sa ilang mga baba.” “Kon mosulti sila, ang ilang dila sama kalala sa bitin.”