Miqueas 5:6 - Ang Pulong sa Dios

⁶ Pildihon nila ug dumalahan ang Asiria, ang yuta ni Nimrod, pinaagi sa ilang mga hinagiban. Luwason kita nila kon sulongon sa mga taga-Asiria ang atong yuta.

Ang Biblia 2011

⁶ sila maghari sa yuta sa Asiria pinaagi sa espada, ug sa yuta ni Nimrod pinaagi sa gilanit nga espada; ug sila magluwas kanato gikan sa mga Asirianhon sa diha nga moabot na siya sa atong yuta, ug motunob sa atong utlanan.

Maayong Balita Biblia

⁶ Unya mailog nila ang Asiria ug ang yuta ni Nimrod pinaagi sa espada. Sila ang moluwas kanato inigsulong na sa taga-Asiria sa atong nasod.

Ang Bag-ong Maayong Balita Biblia

⁶ Unya mailog nila ang Asiria ug ang yuta ni Nimrod pinaagi sa espada. Sila ang moluwas kanato inigsulong na sa taga-Asiria sa atong nasod.

Miqueas 5:6 Cross References

2 Mga Hari 15:29

Sa panahon sa paghari ni Peka, gisulong ni Tiglat Pileser nga hari sa Asiria ang Israel, ug nailog niya ang mga lungsod sa Ijon, Abel Bet Maaca, Janoa, Kedesh, ug Hazor. Nailog usab niya ang Gilead, Galilea, ug ang tibuok nga yuta sa Neftali. Unya gidala niya ang mga lumulupyo niini ngadto sa Asiria ingon nga mga bihag.

1 Cronicas 1:10

Adunay usa pa ka anak si Cush nga ginganlan ug Nimrod. Kini si Nimrod nahimong bantogan nga manggugubat sa kalibotan.

2 Cronicas 33:11

Busa gipasulong sa Ginoo ang mga komander sa kasundalohan sa Asiria ngadto kanila. Gibihag nila si Manases, gikaw-itan ang iyang ilong, gikadenahan ug bronsi, ug gidala sa Babilonia.

Job 29:22

Pagkahuman kog sulti, wala na silay ikadugang pa kay kontento sila sa akong gisulti.

Salmo 110:3

Sa adlaw nga makig-away ka sa imong mga kaaway, kinabubut-on nga motabang kanimo ang imong katawhan. Ang mga pamatan-on moadto kanimo sa balaang mga bungtod nga daw tun-og sa kabuntagon.

Salmo 72:6

Hinaut pa nga mahisama siya sa ulan nga naghatag ug tubig sa kalibotan.

Isaias 14:2

Tabangan sa ubang mga nasod ang Israel aron makabalik sila sa dapit nga gihatag sa Ginoo kanila. Ug mahimo nilang ulipon didto ang mga taga-laing nasod. Mahimo nilang mga bihag ang kanhi nagbihag kanila, ug sakopon nila ang kanhi nagdaog-daog kanila.

Isaias 14:25

Laglagon ko ang mga taga-Asiria kon anaa sila sa Israel nga akong yuta. Tunob-tunoban ko sila didto sa akong mga bukid. Dili na nila uliponon ang akong katawhan.”

Isaias 33:1

Alaot kamong mga tiglaglag nga wala makaagi nga malaglag. Alaot kamong mga maluibon, nga wala makaagi nga luiban. Kon mahuman na ang inyong pagpanglaglag ug pagpangluib, kamo na usab ang laglagon ug luiban.

Isaias 37:36

Unya miadto ang anghel sa Ginoo sa kampo sa Asiria ug gipamatay niya ang 185,000 ka mga sundalo. Pagkabuntag, pagmata niadtong nangahibiling buhi, nakita nila ang mga patayng lawas.

Isaias 37:37

Tungod niini, mipauli si Senakerib sa Nineve ug nagpabilin didto.

Isaias 6:13

Bisan pag adunay mahibilin nga ikanapulo nga bahin sa mga Israelinhon sa yuta sa Israel, laglagon gihapon sila. Apan aduna akoy gipili gikan kanila nga mahibilin. Sama sila sa tuod sa kahoyng terebinto nga giputol.”

Jeremias 14:22

Makahimo ba sa pagpaulan ang mga dios-dios sa mga kanasoran? Bisan ang langit mismo dili makahimo sa pagpaulan sa iyang kaugalingon lamang. Ikaw lang gayod, Ginoo, nga among Dios, ang makahimo niini, busa naglaom kami kanimo.

Nahum 2:11

Asa na ang langub sa mga liyon ang dapit diin gipakaon nila ang mga gagmayng liyon. Diin mipadulong ang mga bayi ug laki nga liyon, lakip ang gagmayng liyon nga walay kahadlok. Gipatay ug gikunis-kunis sa liyon ang iyang biktima pinaagi sa iyang mga ngipon alang sa iyang pares ug mga gagmayng liyon. Gipuno niya ang iyang puloy-anan sa iyang napatay ug ang langub sa iyang biktima. Ug karon wala nay gahom ang Nineve.

Sofonias 2:13

Iyang bakyawon ang iyang mga kamot batok sa Amihanan ug gun-ubon niya ang Asiria, biniyaan ang Nineve nga walay nabilin ug uga sama sa disyerto.

Sofonias 3:12

Apan akong ibilin diha kaninyo ang mga lumo ug mapainubsanon. Ang salin sa Israel mosalig sa pangalan sa Ginoo.

Lucas 1:71

Nagsaad siya nga iya kitang luwason gikan sa atong mga kaaway ug sa mga tawo nga nagdumot kanato.

Lucas 1:74

Luwason niya kita gikan sa atong mga kaaway aron kita makapangalagad nga walay kahadlok,

Lucas 24:27

Ug gipasabot kanila ni Jesus ang tanang giingon sa Kasulatan mahitungod kaniya, gikan sa mga sinulat ni Moises hangtod sa mga sinulat sa mga propeta.

Deuteronomio 32:2

Ang akong mga pagtulon-an sama sa ulan o tun-og nga nagtulo. Ang akong mga pulong sama sa yamog diha sa mga sagbot; o sama sa talithi diha sa mga tanom.