Miqueas 5:3 - Ang Pulong sa Dios

³ Busa itugyan sa Ginoo ngadto sa mga kaaway ang katawhan sa Israel hangtod sa panahon nga manganak ug batang lalaki nga maoy mangulo sa Israel ang babayeng nagbati. Ug ang iyang mga kadugo nga nabihag sa ubang dapit magbalik ngadto sa ilang isigka-Israelinhon.

Ang Biblia 2011

³ Busa pasagdan niya sila hangtod sa panahon nga kadtong nagbati manganak; unya ang uban sa iyang kaigsoonan mobalik ngadto sa katawhan sa Israel.

Maayong Balita Biblia

³ Busa itugyan sa Ginoo ang iyang katawhan ngadto sa ilang mga kaaway, hangtod nga manganak na ang babayeng nagbati. Unya ang tanan niyang kadugo nga gipamihag mamauli na sa ilang nasod.

Ang Bag-ong Maayong Balita Biblia

³ Busa itugyan sa Ginoo ang iyang katawhan ngadto sa ilang mga kaaway, hangtod nga manganak na ang babayeng nagbati. Unya ang tanan niyang kadugo nga gipamihag mamauli na sa ilang nasod.

Miqueas 5:3 Cross References

1 Mga Hari 14:16

Pasagdan niya sila tungod sa mga sala ni Jeroboam, nga nahimong hinungdan sa pagpakasala sa mga taga-Israel.”

2 Cronicas 30:7

Ayaw kamo pagsunod sa inyong mga katigulangan ug mga paryente nga wala magmatinumanon sa Ginoo nga ilang Dios, ug tungod niini gihimo sila sa Ginoo nga kahadlokan sama sa inyo nang nakita.

Salmo 67:3

Hinaut nga dayegon ka sa tanang mga katawhan, O Dios.

Isaias 11:11

Nianang adlawa, gamiton pag-usab sa Ginoo ang iyang gahom sa pagpabalik sa mga nahibilin niyang mga katawhan nga atua gikan sa Asiria, Ehipto, Patros, Etiopia, Elam, Babilonia, Hamat, ug sa mga isla.

Isaias 49:6

Miingon siya, “Ikaw nga akong alagad, aduna pa akoy dakong buluhaton nga ipabuhat kanimo, gawas sa pagpabalik sa mga Israelinhon nga akong gipanalipdan. Himuon ka nako nga sama sa suga ngadto sa mga kanasoran aron maluwas ang tibuok kalibotan.”

Jeremias 23:5

Miingon pa ang  Ginoo, “Moabot ang panahon nga paharion ko ang usa ka matarong nga hari nga kaliwat ni David. Maghari siya nga adunay kaalam, ug patunhayon niya ang katarong ug hustisya niini nga yuta.

Jeremias 31:1

Nagpadayon ang  Ginoo sa pag-ingon, “Nianang panahona, mahimo akong Dios sa tanang pamilya sa Israel, ug sila mahimong akong katawhan.”

Ezequiel 34:16

Pangitaon ko kadtong nangawala ug nangahisalaag. Butangan kog bendahi ang nangapiang ug pabaskogon ang mga maluya. Apan laglagon ko ang mga tambok ug baskog. Himuon ko kon unsay angay alang kanila.

Oseas 11:8

“Mga taga-Israel, dili ko kamo mahimong isalikway o laglagon sama sa gihimo ko sa Adma ug Zeboyim. Dili ako makaako sa paghimo niini kaninyo. Naluoy ako pag-ayo kaninyo.

Oseas 2:14

“Karon, danihon ko siya ug dad-on sa kamingawan ug pangulitawhan pag-usab.

Oseas 2:9

“Busa sa panahon sa ting-ani bawion ko ang mga lugas ug duga sa ubas nga akong gihatag. Ug kuhaon ko usab ang mga panapton nga delana ug lino nga gihatag ko aron itabon sa iyang pagkahubo.

Amos 5:15

Likayi ninyo ang daotan ug himoa ninyo ang maayo, ug ipatigbabaw ang hustisya diha sa korte. Basin pa ug maluoy ang Ginoong Dios nga Makagagahom sa nabiling mga kaliwat ni Jose.

Miqueas 4:4

Ang matag tawo maglingkod sa ilalom sa iyang tanom nga ubas ug kahoy nga igos nga walay gikahadlokan. Mahitabo gayod kini, kay ang  Ginoo nga Makagagahom mao ang nag-ingon niini.

Miqueas 5:7

Ang nabiling mga Israelinhon magdala ug panalangin sa daghang mga nasod. Mahimo silang sama sa tun-og ug ulan nga gipadala sa Ginoo sa pagpatubo sa mga tanom. Magsalig sila sa Dios ug dili sa tawo.

Miqueas 5:8

Apan magdala usab sila ug kalaglagan sa mga nasod. Mahisama sila sa liyon taliwala sa mga mananap sa kalasangan ug sa panon sa mga karnero sa sabsabanan nga moyatak-yatak ug mokunis-kunis kanila, ug wala gayoy makalingkawas.

Miqueas 6:14

Tinuod nga makakaon kamo, apan dili kamo mabusog; kanunay gihapon kamong gutomon. Magtipig kamo ug mga abot, apan dili ninyo kini mapuslan, kay ipakuha ko kini sa inyong mga kaaway panahon sa gira.

Miqueas 7:13

Maawaaw ang mga nasod sa kalibotan tungod sa kadaotan sa mga lumulupyo niini.

Zacarias 10:6

“Lig-onon ko ang katawhan sa Juda ug luwason ko ang katawhan sa Israel. Pabalikon ko sila sa ilang dapit tungod kay naluoy ako kanila. Ug tungod kay ako ang  Ginoo nga ilang Dios, tubagon ko ang ilang pag-ampo. Busa daw sama ra nga wala ko sila isalikway.

Mateo 1:21

Manganak siyag lalaki ug nganlan mo siyag Jesus, kay luwason niya ang iyang katawhan gikan sa ilang mga sala.”

Mateo 12:50

Kay si bisan kinsa nga nagbuhat sa kabubut-on sa akong Amahan sa langit mao ang akong inahan ug mga igsoon.”

Mateo 25:40

“Unya motubag ang Hari, ‘Ang tinuod, sa dihang gibuhat ninyo kini ngadto sa usa sa labing ubos nako nga mga igsoon, gibuhat usab ninyo kini kanako.’

Roma 8:29

Kay sukad pa kaniadto, nasayran na sa Dios kon kinsa ang iyang mahimong mga anak. Ug giplano na niyang daan nga mahisama sila sa iyang Anak nga si Jesus, aron siya ang mahimong kamagulangan sa daghang mga managsoon.