Miqueas 4:13 - Ang Pulong sa Dios

¹³ Miingon ang Ginoo, “Mga lumulupyo sa Zion, lakaw kamo ug laglaga ninyo sa hingpit ang inyong mga kaaway nga daw sa gagiok kamo ug mga uhay. Kay himuon ko kamong sama sa torong baka nga adunay puthaw nga mga sungay ug adunay bronsi nga mga kuko. Dugmokon ninyo ang daghang mga nasod, ug ang ilang mga bahandi nga nakuha nila pinaagi sa kabangis ihalad ninyo kanako, ang Ginoong makagagahom sa tibuok kalibotan.”

Ang Biblia 2011

¹³ Tindog ug paggiok, O anak nga babaye sa Zion, kay ang imong sungay himoon nako nga puthaw ug ang imong mga kuko himoon nako nga bronsi; ikaw magdugmok sa daghang mga katawhan, ug maghalad sa ilang nakuha ngadto sa Ginoo, sa ilang katigayonan ngadto sa Ginoo sa tibuok nga yuta.

Maayong Balita Biblia

¹³ Nag-ingon ang Ginoo, “Katawhan sa Jerusalem, lakaw na ug siloti ang inyong mga kaaway, kay lig-onon ko kamo sama sa torong baka nga puthaw ang sungay ug bronsi ang mga kuko. Gun-obon ninyo ang daghang mga nasod, ug ang ilang mga bahandi dad-on ninyo ngari kanako, ang Ginoo sa tibuok kalibotan.”

Ang Bag-ong Maayong Balita Biblia

¹³ Nag-ingon ang Ginoo, “Katawhan sa Jerusalem, lakaw na ug siloti ang inyong mga kaaway, kay lig-onon ko kamo sama sa torong baka nga puthaw ang sungay ug bronsi ang mga kuko. Gun-obon ninyo ang daghang mga nasod, ug ang ilang mga bahandi dad-on ninyo ngari kanako, ang Ginoo sa tibuok kalibotan.”

Miqueas 4:13 Cross References

Salmo 24:1

Ang tibuok kalibotan ug ang tanang anaa niini iya sa Ginoo.

Salmo 68:29

Tungod sa imong Templo sa Jerusalem magdala ang mga hari ug mga gasa alang kanimo.

Salmo 72:10

Hinaut pa nga ang mga hari sa Tarshish, sa mga isla, sa Sheba, ug sa Seba mohatag kaniya ug mga gasa sa pagpaila nga nagpasakop sila kaniya.

Isaias 18:7

Apan moabot ang panahon nga modawat ang  Ginoo nga Makagagahom ug gasa gikan niini nga yuta nga nabahin sa mga suba. Ang mga katawhan niini mga tag-as ug barog ug nindot ug mga panit. Gamhanan sila ug gikahadlokan bisan asa. Pagadad-on nila ang ilang mga gasa sa Bukid sa Zion, diin gisimba ang  Ginoo nga Makagagahom.

Isaias 21:10

Akong mga katagilungsod nga Israelinhon, nga daw mga trigo nga gigiok, sultihan ko kamo sa mga butang nga akong nadunggan gikan sa Ginoo nga Makagagahom, ang Dios sa Israel.

Isaias 23:18

Apan sa kaulahian, ang iyang ginansya dili tipigan kondili ihalad sa Ginoo aron ipalit ug daghang pagkaon ug maayong matang sa mga bisti alang sa mga tawo nga nag-alagad sa Ginoo.

Isaias 5:28

Hait ang ilang mga udyong ug andam na ang ilang mga pana. Ang kuko sa ilang mga kabayo sama sa gahi kaayong bato, ug ang tinuyokan sa ligid sa ilang mga karwahi sama kakusog sa alimpulos.

Jeremias 51:20

Miingon ang  Ginoo, “Ikaw ang akong martilyo, ang akong armas sa gira. Pinaagi kanimo laglagon ko ang mga nasod ug mga gingharian,

Jeremias 51:33

Miingon ang  Ginoo nga Makagagahom, ang Dios sa Israel, “Ang Babilonia mahisama sa trigo nga dali na lang anihon ug linason.”

Daniel 2:44

“Sa panahon niining mga hari, ang Dios sa langit mopatukod ug usa ka gingharian nga dili gayod mapukan bisan kanus-a. Dili gayod kini mapildi o madumalahan sa uban. Laglagon hinuon niini ang tanang mga gingharian ug magpabilin kini sa walay kataposan.

Oseas 10:11

Kaniadto nagpahayahay lang kamo; sama kamo sa dumalagang baka nga nabansay sa paggiok ug nakaangay na niining trabahoa. Apan karon lisod-lisoron ko kamong mga taga-Israel ug lakip ang mga taga-Juda; mahisama kamo sa dumalagang baka nga sangonan ug yugo ang iyang liog nga wala pa makubali ug unya padaruhon.

Miqueas 5:7

Ang nabiling mga Israelinhon magdala ug panalangin sa daghang mga nasod. Mahimo silang sama sa tun-og ug ulan nga gipadala sa Ginoo sa pagpatubo sa mga tanom. Magsalig sila sa Dios ug dili sa tawo.

Habacuc 3:12

Sa imong kapungot milatas ikaw sa kalibotan ug sa imong kasuko gilain nimo ang kanasoran.

Zacarias 12:3

Nianang adlawa, himuon ko ang Jerusalem nga sama sa usa ka bug-at nga bato. Ug ang bisan unsa nga nasod nga moalsa niini masakitan gayod. Ang tanang nasod sa kalibotan maghiusa sa pagsulong sa Jerusalem.

Zacarias 12:6

“Nianang adlawa himuon ko ang mga pangulo sa Juda nga daw nagdilaab nga baga diha sa tinapok nga mga sugnod o daw nagsiga nga sulo diha sa mga binugkos nga uhay. Laglagon nila ang mga nasod sa ilang palibot. Apan ang katawhan sa Jerusalem dili gayod maunsa diha sa ilang dapit.

Zacarias 4:14

Busa miingon siya, “Nagkahulogan kana sa duha ka tawo nga gipili aron sa pag-alagad sa Ginoo nga naggahom sa tibuok kalibotan.”

Zacarias 6:5

Mitubag ang anghel, “Kini sila mao ang upat ka hangin sa kalangitan nga migawas gikan sa presensya sa Ginoo nga naggahom sa tibuok kalibotan.

1 Mga Taga-Corinto 16:2

Kada Dominggo, ang matag-usa kaninyo maggahin ug kantidad gikan sa inyong kinitaan. Tigoma ninyo kini aron sa pag-abot ko diha maandam na ang inyong hinabang.

Deuteronomio 33:25

Hinaut pa nga ang mga trangka sa pultahan sa ilang mga lungsod mahisama kalig-on sa puthaw ug bronsi, ug hinaut pa nga magpabilin ang ilang pagkagamhanan samtang buhi pa sila.

Josue 6:19

Ang tanang butang nga hinimo sa plata, bulawan, bronsi, o puthaw igahin alang sa Ginoo, ug kinahanglang ibutang kini sa panudlanan sa bahandi sa Ginoo.”