Miqueas 3:12 - Ang Pulong sa Dios

¹² Busa tungod kaninyo laglagon ang Jerusalem. Mahisama kini sa gidarong uma, ug mahimong tapok sa mga ginuba. Ug mahimong lasang ang bukid nga gibarogan sa Templo.

Ang Biblia 2011

¹² Busa tungod kaninyo ang Zion darohon sama sa usa ka uma; ang Jerusalem mahimong tapok sa mga ginuba, ug ang bukid sa balay mahimong bungtod nga kakahoyan.

Maayong Balita Biblia

¹² Busa tungod kaninyo, ipadaro ko ang Sion sama sa uma, ug ang Jerusalem mahimong tinapok sa mga ginuba, ug mahimong lasang ang bungtod nga nahimutangan sa Templo.

Ang Bag-ong Maayong Balita Biblia

¹² Busa tungod kaninyo, ipadaro ko ang Sion sama sa uma, ug ang Jerusalem mahimong tinapok sa mga ginuba, ug mahimong lasang ang bungtod nga nahimutangan sa Templo.

Miqueas 3:12 Cross References

Salmo 107:34

Gihimo niyang walay pulos ang maayo nga yuta, tungod sa pagkadaotan sa mga namuyo niini.

Salmo 79:1

O Dios, gisulong sa mga taga-laing nasod ang yuta nga imong gipanag-iyahan. Gipasipad-an nila ang imong balaan nga Templo ug giguba ang Jerusalem.

Isaias 32:14

Ang gubot nga siyudad dili na puy-an ug ang lig-ong bahin niini pasagdan na lang. Ang bungtod ug tore niini mahisama sa kamingawan hangtod sa hangtod. Magsuroy-suroy dinhi ang mga asno ug manabsab ang mga kahayopan

Jeremias 17:3

Busa ipailog ko sa inyong mga kaaway ang mga bukid sa kaumahan, apil ang inyong mga bahandi ug mga kabtangan, ug ang inyong mga simbahanan diha sa habog nga mga dapit, tungod sa sala nga nahimo sa inyong tibuok nasod.

Jeremias 22:5

Apan kon dili ninyo tumanon kini nga mga sugo, ipanumpa ko sa akong kaugalingon nga malaglag kini nga palasyo.’ ”

Jeremias 22:6

Kay mao kini ang gisulti sa Ginoo bahin sa palasyo sa hari sa Juda: “Alang kanako, sama ikaw katahom sa Gilead o sa tumoy sa bukid sa Lebanon. Apan himuon ka nako nga sama sa disyerto, sama sa lungsod nga walay nagpuyo.

Jeremias 26:18

“Sa dihang si Ezequias pa ang hari sa Juda, si Mikeas nga taga-Moreset misulti sa mensahe sa Ginoo ngadto sa tanang katawhan sa Juda. Miingon siya, ‘Miingon ang  Ginoo nga Makagagahom nga laglagon niya ang Jerusalem. “ ‘Mahisama ang Zion sa gidarong uma, ug mahimong tinapok sa mga ginuba. Ug mahimong lasang ang bukid nga gibarogan sa Templo.’

Jeremias 35:17

Busa ako, ang Ginoong Dios nga Makagagahom, ang Dios sa Israel nag-ingon: Paminaw kamong mga katawhan sa Jerusalem ug sa ubang bahin sa Juda! Ipahamtang ko kaninyo ang tanang katalagman nga akong giingon nga ipadala ko kaninyo. Nakigsulti ako kaninyo apan wala kamo mamati; nanawag ako kaninyo apan wala kamo motubag.”

Jeremias 44:2

Mao kini ang gisulti sa Ginoo nga Makagagahom, ang Dios sa Israel: “Nakita ninyo ang grabe nga katalagman nga gipadala ko sa Jerusalem ug sa tanang lungsod sa Juda. Guba na kini ug wala nay namuyo

Jeremias 52:13

Gisunog niya ang Templo sa Ginoo, ang palasyo, ang tanang balay sa Jerusalem, ug ang tanang importanteng mga bilding.

Jeremias 9:10

Miingon ako: Magminatay ako alang sa mga bukid. Magbangotan ako alang sa mga sabsabanan sa kamingawan. Kay naawaaw na kini ug wala nay nangagi niini. Dili na madungog ang pag-inga sa mga baka, ug mipalayo na ang mga langgam ug ang ihalas nga mga iro.

Jeremias 9:11

Kay miingon ang  Ginoo, “Laglagon ko ang Jerusalem, ug mahimo na lang kining puloy-anan sa ihalas nga mga iro. Himuon kong awaaw ang mga lungsod sa Juda ug wala nay magpuyo didto.”

Mga Pagbangotan 5:18

Nahimo nang awaaw ang Jerusalem, ug gisuroy-suroyan na lang kini sa ihalas nga mga iro.

Miqueas 1:6

Mao nga miingon ang Ginoo, “Laglagon ko ang Samaria ug mahimo na lang kining tamnanan sa ubas. Padahilion ko ang mga bato niini paingon sa walog hangtod nga makita ang mga pundasyon niini.

Mateo 24:2

Miingon si Jesus kanila, “Tan-awa ninyo kining tanan. Sa pagkatinuod, maguba kini ug wala gayoy bisan usa ka bato nga magpabilin ibabaw sa laing bato.”