Miqueas 2:12 - Ang Pulong sa Dios

¹² “Kamong mga katawhan sa Israel ug sa Juda nga nabiling buhi, pagatigomon ko gayod kamo sama sa mga karnero balik ngadto sa toril o sama sa panon sa kahayopan sa sabsabanan. Mapuno ang inyong yuta sa mga katawhan.

Ang Biblia 2011

¹² Tigomon gayod nako kamong tanan, O Jacob, tigomon nako ang mga salin sa Israel; tigomon nako sila sama sa mga karnero sa toril, sama sa panon sa karnero diha sa ilang sibsibanan, usa ka banha nga panon sa katawhan.

Maayong Balita Biblia

¹² Apan tigumon ko gayod kamong tanan, O katawhan sa Israel! Tigumon ko ang nahibilin kaninyo sama nga tigumon sa magbalantay ang mga karnero diha sa toril, ug sama sa pagtigom sa panon sa mga kahayopan diha sa sibsibanan. Malukop ang inyong yuta sa kasaba sa mga tawo.”

Ang Bag-ong Maayong Balita Biblia

¹² Apan tigumon ko gayod kamong tanan, O katawhan sa Israel! Tigumon ko ang nahibilin kaninyo sama nga tigumon sa magbalantay ang mga karnero diha sa toril, ug sama sa pagtigom sa panon sa mga kahayopan diha sa sibsibanan. Malukop ang inyong yuta sa kasaba sa mga tawo.”

Miqueas 2:12 Cross References

Genesis 36:33

Pagkamatay niya, gipulihan siya ni Jobab nga anak ni Zera nga taga-Bozra.

1 Cronicas 1:44

Pagkamatay niya, gipulihan siya ni Jobab nga anak ni Zera nga taga-Bozra.

Isaias 11:11

Nianang adlawa, gamiton pag-usab sa Ginoo ang iyang gahom sa pagpabalik sa mga nahibilin niyang mga katawhan nga atua gikan sa Asiria, Ehipto, Patros, Etiopia, Elam, Babilonia, Hamat, ug sa mga isla.

Isaias 27:12

Nianang adlawa, tigomon sa Ginoo ang mga Israelinhon gikan sa Suba sa Eufrates hangtod sa Walog sa Ehipto sama sa trigo nga gilain gikan sa uhay.

Isaias 34:6

Ang espada sa Ginoo mabulit sa dugo ug tambok, nga daw gigamit sa pag-ihaw sa mga halad nga kanding ug karnero. Kini tungod kay pamatyon sa Ginoo ang mga tawo sa Bozra ingon nga halad. Daghan ang iyang pamatyon sa uban pang mga siyudad sa Edom.

Isaias 5:17

Unya ang mga nating karnero manibsib diha sa nagun-ob nga siyudad, ug ang mga langyaw, mangaon sa biya sa mga adunahan.

Jeremias 23:3

Ako mismo ang motigom sa mga nahibilin kong katawhan gikan sa mga dapit diin ko sila gipatibulaag, ug dad-on ko sila balik sa ilang yuta, ug didto modaghan gayod sila ug magmauswagon.

Jeremias 3:18

Nianang higayona, ang katawhan sa Juda ug sa Israel nga gikan sa pagkabihag sa amihan mag-uban sa pagbalik ngadto sa yuta nga gihatag ko sa ilang mga katigulangan ingon nga ilang panulondon.

Ezequiel 34:11

“Ako, ang Ginoong Dios, nag-ingon nga ako mismo ang mangita sa akong mga karnero ug moatiman kanila.

Ezequiel 34:13

Kuhaon ko sila gikan sa nagkalain-laing mga nasod, ug dad-on ngadto sa ilang kaugalingong yuta. Pasab-sabon ko sila sa kabukiran sa Israel, sa daplin sa mga suba, ug sa tanang dapit nga mapuy-an ug tawo.

Ezequiel 34:22

Luwason ko ang akong mga karnero, ug dili na sila abusaran pa pag-usab. Ilain ko ang mga maayo gikan sa mga daot.

Ezequiel 34:31

“Kamo ang akong mga karnero sa akong sabsabanan. Kamo ang akong mga katawhan, ug ako ang inyong Dios. Ako, ang Ginoong Dios, ang nag-ingon niini.”

Ezequiel 36:37

Nagpadayon pa gayod sa pag-ingon ang Ginoong Dios, “Dunggon ko usab ang pagpakiluoy sa katawhan sa Israel, ug mao kini ang himuon ko kanila: Himuon ko silang sama kadaghan sa panon sa mga karnero nga ginahalad sa Jerusalem panahon sa pista. Busa ang nangaguba nga mga lungsod mapuno na pag-usab sa daghang mga tawo. Unya mahibaloan nila nga ako mao ang  Ginoo.”

Ezequiel 37:21

ug ingna sila, ‘Mao kini ang giingon sa Ginoong Dios: Kuhaon ko ang mga Israelinhon gikan sa tanang nasod diin sila nagkatibulaag, ug dad-on ko sila pagbalik sa ilang kaugalingong yuta.

Oseas 1:11

Mahiusa pag-usab ang mga katawhan sa Juda ug sa Israel, ug magpili sila ug usa ka pangulo. Mouswag sila pag-usab sa ilang yuta. Pagkamalipayon gayod unya nianang panahona alang sa lungsod sa Jezreel.

Amos 1:12

Busa sunogon ko ang Teman apil ang lig-ong mga bahin sa Bozra.”

Miqueas 2:13

Ablihan ko ang pultahan sa siyudad diin kamo gibihag, ug pangulohan ko kamo sa paggawas. Ako, ang  Ginoo nga inyong hari, maoy mangulo kaninyo.”

Miqueas 4:8

Ang Jerusalem, nga sama sa usa ka tore nga lantawanan, diin ang Dios magbantay sa iyang katawhan mahimo pag-usab nga nag-unang siyudad sa Israel sama kaniadto.”

Miqueas 5:7

Ang nabiling mga Israelinhon magdala ug panalangin sa daghang mga nasod. Mahimo silang sama sa tun-og ug ulan nga gipadala sa Ginoo sa pagpatubo sa mga tanom. Magsalig sila sa Dios ug dili sa tawo.

Miqueas 5:8

Apan magdala usab sila ug kalaglagan sa mga nasod. Mahisama sila sa liyon taliwala sa mga mananap sa kalasangan ug sa panon sa mga karnero sa sabsabanan nga moyatak-yatak ug mokunis-kunis kanila, ug wala gayoy makalingkawas.

Miqueas 7:14

O Ginoo, bantayi kaming imong katawhan nga imong gipanag-iyahan, sama sa pagbantay sa magbalantay sa mga karnero. Ang mga yuta sa palibot namo abunda ug sabsabanan, apan kami nagkinabuhi nga kami-kami lang sa kamingawan. Ipalapad ang among teritoryo hangtod sa Basan ug sa Gilead sama kaniadto.

Miqueas 7:18

Ginoo, wala nay laing Dios nga sama kanimo. Gipasaylo mo ang mga sala sa nahibiling katawhan nga imong gipanag-iya. Dili ka maghambin ug kasuko hangtod sa hangtod tungod kay gikalipay mo ang paghigugma kanamo.

Sofonias 3:20

Niadto unyang taknaa dad-on ko kamo sa inyong panimalay tigumon. Hatagan ko kamo ug dungog ug mga pagdayeg sa tanang katawhan sa kalibotan, sa dihang ibalik ko ang imong mga bahandi sa inyong atubangan,” nag-ingon ang  Ginoo.