Miqueas 2:1 - Ang Pulong sa Dios

¹ Alaot kamong nagplano ug daotan bisan sa inyong paghigda. Pagkabuntag buhaton ninyo ang daotan ninyong giplano tungod kay aduna kamoy gahom sa paghimo niini.

Ang Biblia 2011

¹ Alaot kadtong naglaraw ug kadaotan ug nagbuhat sa daotan diha sa ilang mga higdaanan! Sa pagkabuntag, sila magbuhat niini, tungod kay kini anaa sa gahom sa ilang kamot.

Maayong Balita Biblia

¹ Alaot kadtong mga tawo nga bisag naghigda naglarawg daotan! Inigkabuntag, kon makahigayon na sila, buhaton nila ang ilang gilaraw.

Ang Bag-ong Maayong Balita Biblia

¹ Alaot kadtong mga tawo nga bisag naghigda naglarawg daotan! Inigkabuntag, kon makahigayon na sila, buhaton nila ang ilang gilaraw.

Miqueas 2:1 Cross References

Genesis 31:29

Aduna gayod unta akoy katungod nga mobuhat ug daotan kanimo, apan gipahimangnoan ako kagabii sa Dios sa imong amahan nga dili ka hilabtan.

1 Mga Hari 21:7

Miingon si Jezebel, “Dili ba hari ka man sa Israel? Bangon ug kaon! Paglipay kay ihatag ko kanimo ang ubasan ni Nabot nga taga-Jezreel.”

Ester 3:8

Unya, miingon si Haman kang Haring Ahasuerus, “Adunay grupo sa katawhan nga nagpuyo sa nagkalain-laing probinsya sa imong gingharian nga adunay kaugalingong kasugoan nga lahi sa ubang mga katawhan. Wala sila magtuman sa imong mga kasugoan ug dili maayo alang kanimo, Mahal nga Hari, nga pasagdan lang sila.

Ester 5:14

Miingon kaniya ang iyang asawa ug mga higala, “Nganong dili ka magpaandam ug talinis nga kahoy nga 75 ka piye ang gihabugon. Ug ugma sa buntag, hangyoa ang hari nga bitayon si Mordecai, aron malipayon kang makig-uban sa hari sa panihapon.” Nakauyon si Haman niadtong ilang gisulti, busa nagpahimo siya ug bitayanan.

Ester 9:25

Apan sa dihang nabalitaan sa hari ang maong plano pinaagi kang Rayna Ester, nagpasulat siya ug mando nga ang daotang plano ni Haman batok sa mga Judio himuon ngadto kanila, ug bitayon siya apil ang iyang mga anak nga lalaki.

Job 15:35

Naghuna-huna sila kanunay sa paghimo ug kasamok, paghimo ug daotan, ug pagpanglimbong.”

Job 24:14

Mobangon ug sayo ang mamumuno aron pagpatay sa mga kabos, ug sa gabii mangawat siya.

Salmo 36:4

Bisan naghigda siya nagplano siya ug daotan. Mihunong siya sa paghimo ug maayo, ug wala niya isalikway ang daotan.

Salmo 36:5

Ang imong gugma ug pagkamatinumanon, Ginoo, dili masukod; mas taas pa kini sa kalangitan.

Salmo 58:3

Ang mga daotan daan nang daotan ug bakakon sukad pa sa ilang pagkatawo.

Mga Panultihon 12:2

Kahimut-an sa Ginoo ang maayong tawo, apan silotan niya ang manglingla.

Mga Panultihon 14:22

Makasala ka kon magplano kag daotan sa imong isigka-tawo, apan kon magplano kag maayo, adunay mga tawo nga maghigugma ug mounong kanimo.

Mga Panultihon 3:27

Tabangi ang angayng tabangan kutob sa imong mahimo.

Mga Panultihon 4:16

Kay dili sila makatulog kon dili sila makahimog daotan o wala silay malaglag.

Isaias 29:20

Mawala na ang mga mapintas ug mabiay-biayon nga mga tawo. Mangamatay ang tanang mahigugmaon sa pagpakasala

Isaias 3:14

Hukman niya ang mga tigdumala ug mga pangulo sa iyang katawhan. Mao kini ang iyang akusasyon batok kanila, “Giguba ninyo ang akong ubasan nga mao ang akong katawhan. Ang inyong mga balay puno sa mga butang nga gipanguha ninyo gikan sa mga kabos.

Isaias 32:7

Daotan ang mga pamaagi sa limbongan nga tawo. Naglaraw siya sa pagdaot sa mga kabos pinaagi sa mga bakak bisan kon makatarunganon ang gihangyo sa mga kabos.

Isaias 5:8

Alaot kamong nagpadaghan sa inyong balay ug nagpalapad sa inyong yuta hangtod nga wala nay luna ang uban ug kamo na lang ang nagpuyo sa maong dapit.

Isaias 59:3

Kay natina sa dugo ang inyong kamot, ug naghimog daotan. Bakakon kamo ug nagsultig daotan.

Jeremias 18:18

Unya miingon ang mga tawo, “Dali, mangita kitag paagi nga mapaundang nato si Jeremias! Aduna bitaw kitay mga pari nga motudlo kanato sa kasugoan, mga maalamon nga tawo nga motambag kanato, ug mga propeta nga mosaysay kanato sa mensahe sa Dios. Busa mag-imbento kitag istorya batok kaniya ug dili na kita maminaw sa iyang gipanulti.”

Ezequiel 11:2

Miingon ang  Ginoo kanako, “Tawo, mao kini sila ang mga nagplano ug daotan ug naghatag ug dili maayo nga tambag dinhi sa siyudad.

Ezequiel 33:26

Nagsalig kamo sa inyong espada, naghimo kamo ug mangil-ad nga mga buhat, ug nanapaw kamo. Unya, naghuna-huna gihapon kamo nga panag-iyahon ninyo ang yuta?

Ezequiel 38:10

Nagpadayon sa pag-ingon ang Ginoong Dios: “Nianang higayona magplano kag daotan.

Ezequiel 46:18

Kinahanglan ang pangulo dili manguha sa yuta sa mga tawo. Kon maghatag siyag yuta ngadto sa iyang mga anak, kinahanglan ang iya lang gayod nga yuta ang iyang ihatag, aron ang akong katawhan dili mawad-ag yuta.”

Miqueas 6:12

Bangis ang mga adunahan diha kaninyo ug tanan kamo limbongan ug bakakon.

Nahum 1:11

Gikan kanimo Nineve, mitungha ang tawo nga naglaraw ug daotan batok sa Ginoo ug nagplano ug daotang pamaagi.

Zacarias 7:10

Ayaw ninyo daog-daoga ang mga biyuda, mga ilo, mga langyaw, ug ang mga kabos. Ayaw kamo paghuna-huna ug daotan batok sa usag usa.’

Marcos 15:1

Sayo pa kaayo sa sunod nga adlaw, ang kadagkoan sa mga pari kauban ang mga pangulo sa mga Judio, ang mga magtutudlo sa Kasugoan, ug ang tanan nga miyembro sa Hukmanan sa mga Judio nagtigom aron hisgotan ang sunod nilang buhaton. Gigapos nila si Jesus ug gidala didto kang Pilato nga gobernador aron itugyan ngadto kaniya.

Lucas 20:19

Niadtong higayona dakpon na unta siya sa mga magtutudlo sa Kasugoan ug sa kadagkoan sa mga pari, kay nahibaloan nila nga sila gayod ang iyang gitumong sa iyang sambingay. Apan nahadlok sila sa mga tawo.

Juan 19:11

Gitubag siya ni Jesus, “Mahimo mo lang kana kanako tungod kay gihatag sa Dios kanimo kana nga gahom. Busa mas dako ug sala ang tawo nga nagtugyan kanako diha kanimo.”

Mga Buhat 23:12

Sa pagkabuntag niana nagtigom ang kapin sa 40 ka mga Judio ug nagplano sila sa ilang buhaton. Nanumpa sila nga dili gayod sila mokaon ug moinom hangtod dili nila mapatay si Pablo.

Mga Buhat 23:15

Busa kamo ug ang Korte magpahibalo na sa komander nga gusto ninyo nga ipadala niya pag-usab si Pablo dinhi kaninyo. Magpakaaron-ingnon kamo nga gusto ninyo siyang imbistigahon pag-ayo. Apan sa dili pa siya makaabot dinhi patyon namo siya.”

Roma 1:30

ug nagdaot sa dungog sa ilang isigka-tawo. Nasuko sila sa Dios, walay pagtahod sa ilang isigka-tawo, garboso, hambogiro, ug nangita silag pamaagi sa pagbuhat ug daotan. Dili sila motuman sa ilang mga ginikanan,

Deuteronomio 28:32

Samtang nagtan-aw kamo, dad-on ang inyong mga anak ingon nga mga ulipon sa ubang mga nasod, ug adlaw-adlaw kamong maghulat kanila, apan wala kamoy mahimo.