Miqueas 1:7 - Ang Pulong sa Dios

⁷ Mangadugmok ang tanang mga imahen sa mga dios-dios sa Samaria, ug mangasunog ang tanang pilak ug bulawan nga gibayad ngadto sa mga babaye nga nagbaligya sa ilang dungog diha sa templo. Nakatigom ang Samaria ug mga imahen pinaagi sa mga gibayad ngadto sa mga babaye nga nagbaligya sa ilang dungog diha sa templo, busa karon kuhaon sa iyang mga kaaway ang mga pilak ug mga bulawan nga gihaklap diha sa iyang mga imahen aron nga gamiton usab nga pangbayad sa mga babaye nga nagbaligya sa ilang dungog.”

Ang Biblia 2011

⁷ Ang tanan niyang mga kinulit nga larawan dugmokon, ang tanan niya nga suhol sunogon sa kalayo, ug ang tanan niyang mga diosdios akong wagtangon; kay siya nagtigom kanila gikan sa suhol sa usa ka babayeng nagbaligya ug dungog, ug sila mobalik ngadto sa suhol sa usa ka babayeng nagbaligya ug dungog.

Maayong Balita Biblia

⁷ Dugmokon ko ang tanan niyang mga diosdios; sunogon ko ang tanang kinitaan sa mga babayeng nagbaligya sa ilang dungog sa ilang templo, ug ang tanan niyang mga larawan magpasad nga wala nay kapuslanan. Naangkon niya kini pinaagi sa iyang mga babaye nga nagbaligya sa ilang dungog, ug karon gamiton usab kini sa iyang mga kaaway aron ibayad sa ilang mga babayeng nagbaligya sa ilang dungog.”

Ang Bag-ong Maayong Balita Biblia

⁷ Dugmokon ko ang tanan niyang mga diosdios; sunogon ko ang tanang kinitaan sa mga babayeng nagbaligya sa ilang dungog sa ilang templo, ug ang tanan niyang mga larawan magpasad nga wala nay kapuslanan. Naangkon niya kini pinaagi sa iyang mga babaye nga nagbaligya sa ilang dungog, ug karon gamiton usab kini sa iyang mga kaaway aron ibayad sa ilang mga babayeng nagbaligya sa ilang dungog.”

Miqueas 1:7 Cross References

2 Cronicas 31:1

Pagkahuman sa pista, nangadto ang mga Israelinhon nga nanambong niini didto sa mga lungsod sa Juda, ug gipangdugmok nila ang handomanan nga mga bato ug gipangputol ang mga poste nga simbolo sa diosa nga si Ashera. Gipangguba nila ang mga simbahanan diha sa habog nga mga dapit sa tibuok Juda, Benjamin, Efraim, ug Manases. Pagkahuman nilag guba sa tanan, namauli sila sa ilang mga lungsod ug yuta.

Isaias 2:18

Ug mahanaw sa hingpit ang mga dios-dios.

Isaias 23:17

Pagkahuman sa 70 ka tuig, hinumdoman sa Ginoo ang Tiro. Apan himuon pag-usab sa Tiro ang gihimo niya kaniadto, sama sa ginahimo sa babayeng nagbaligya sa iyang dungog. Himuon niya ang daotan aron makakuwarta siya gikan sa tanang mga gingharian sa kalibotan.

Isaias 27:9

Mapasaylo lang sila kon gub-on nila ang ilang mga bato nga halaran ug dugmokon nila kini, ug wad-on nila ang mga poste nga simbolo sa diosa nga si Ashera, ug ang mga halaran nga sunoganan nilag insenso.

Ezequiel 6:6

Ang inyong matag lungsod panglaglagon. Mangadugmok ang inyong mga simbahanan diha sa taas nga mga dapit, mga dios-dios, mga halaran, apil na ang mga halaran nga sunoganan sa mga insenso, ug ang uban pang sama niini nga inyong mga hinimo.

Oseas 2:12

Daoton ko ang iyang mga tanom nga ubas ug mga kahoy nga igos nga matod pa niya gibayad kaniya sa iyang mga laki. Himuon ko ang mga tamnanan niini nga kalasangan, ug ang ihalas nga mga mananap na lang ang mokaon niini.

Oseas 2:14

“Karon, danihon ko siya ug dad-on sa kamingawan ug pangulitawhan pag-usab.

Oseas 8:5

“Gisalikway ko ang dios-dios nga baka sa mga taga-Samaria. Misilaob ang akong kasuko kanila. Hangtod kanus-a sila magpabilin sa pagpakasala?

Oseas 8:6

Ang dios-dios nga baka sa Samaria gihimo lang sa platero nga taga-Israel. Dili kana Dios, busa dugmokon gayod kana!

Joel 3:3

Giripahan nila ang akong katawhan, ug gibaligya nila ingon nga mga ulipon ang mga batang lalaki ug babaye, aron ibayad sa mga ilimnon ug sa mga babaye nga nagbaligya sa ilang dungog.

Levitico 26:30

Gub-on ko ang inyong mga simbahanan diha sa habog nga mga dapit, lakip ang mga halaran nga sunoganan sa insenso. Ug ilabay ko ang inyong mga patayng lawas ibabaw sa inyong mga patayng dios-dios, ug isalikway ko kamo.

Deuteronomio 23:18

Ayaw gayod ninyo dad-a ngadto sa balay sa Ginoo nga inyong Dios ang kuwarta nga nakuha gikan niana nga paagi ingon nga bayad sa inyong saad sa Ginoo nga inyong Dios, kay mangil-ad gayod kini alang kaniya.

Deuteronomio 9:21

Unya gikuha ko ang baka nga inyong gihimo, nga nagtukmod kaninyo sa pagpakasala, ug gitunaw ko kini sa kalayo. Pagkahuman gidugmok ko kini pag-ayo sama kapino sa abog, ug gisabwag sa walog nga nagdagayday gikan sa bukid.

Gipadayag 18:3

Kay ang tanang kanasoran nanginom sa bino sa iyang pagkamahilawasnon. Ang mga hari sa kalibotan nakighilawas kaniya. Ug ang mga negosyante sa kalibotan nangadato tungod sa iyang hilabihan nga luho.”

Gipadayag 18:9

“Ang mga hari sa kalibotan nga nakighilawas kaniya ug nagpatuyang lang sa iyang bahandi manghilak kon makita nila ang aso sa iyang pagkasunog.

1 Samuel 5:4

Apan pagkasunod nga buntag, nakita na usab nila kining nakulob atubangan sa Sudlanan sa Ginoo. Ang ulo ug duha ka kamot niini putol na, ug didto na kini sa may pultahan; ang lawas na lang ang nahibilin.