Miqueas 1:5 - Ang Pulong sa Dios

⁵ Mahitabo kining tanan tungod kay nagpakasala ang mga katawhan sa Israel ug sa Juda. Ang mga taga-Samaria mao ang nagtulod sa ubang mga lumulupyo sa Israel sa pagpakasala. Ang mga taga-Jerusalem mao ang nagtulod sa ubang mga lumulupyo sa Juda sa pagsimba sa mga dios-dios.

Ang Biblia 2011

⁵ Kining tanan tungod sa kalapasan ni Jacob, ug tungod sa kasal-anan sa balay ni Israel. Unsa ba ang kalapasan ni Jacob? Dili ba ang Samaria? Ug unsa ba ang sala sa balay ni Juda? Dili ba ang Jerusalem?

Maayong Balita Biblia

⁵ Kining tanan mahitabo sa katawhan sa Israel tungod sa ilang mga sala ug kalapasan. Kinsa may pasanginlan sa sala sa Israel? Dili ba ang Samaria, ang ulohang siyudad? Kinsa may pasanginlan sa pagsimbag diosdios sa Juda? Dili ba ang Jerusalem?

Ang Bag-ong Maayong Balita Biblia

⁵ Kining tanan mahitabo sa katawhan sa Israel tungod sa ilang mga sala ug kalapasan. Kinsa may pasanginlan sa sala sa Israel? Dili ba ang Samaria, ang ulohang siyudad? Kinsa may pasanginlan sa pagsimbag diosdios sa Juda? Dili ba ang Jerusalem?

Miqueas 1:5 Cross References

1 Mga Hari 11:7

Nagpahimo si Solomon ug simbahanan diha sa habog nga dapit, sa sidlakang bahin sa Jerusalem alang kang Kemosh, ang ngil-ad nga dios sa mga Moabihanon, ug alang kang Molec, ang ngil-ad nga dios sa mga Amonihanon.

1 Mga Hari 13:32

Kay ang mga pulong nga gipasulti sa Ginoo kaniya mahitungod sa halaran sa Betel ug sa mga simbahanan diha sa habog nga mga dapit sa Samaria sigurado gayod nga matuman.”

1 Mga Hari 16:24

Gipalit niya gikan kang Shemer ang bungtod sa Samaria sa bili nga 70 ka kilong pilak, ug gipatindogan niya kini ug lungsod nga ginganlan niya ug Samaria, gikan sa ngalan ni Shemer nga mao ang kanhing tag-iya sa bungtod.

2 Cronicas 34:3

Sa ikawalo nga tuig sa iyang paghari, samtang bata pa siya, nagsugod siya sa pagdangop sa Dios sa iyang katigulangan nga si David. Ug sa ika-12 nga tuig sa iyang paghari, gihinloan niya ang Juda ug Jerusalem pinaagi sa pagguba sa mga simbahanan diha sa habog nga mga dapit, sa mga poste nga simbolo sa diosa nga si Ashera, sa mga dios-dios ug mga rebulto.

2 Cronicas 34:4

Gipaguba usab niya ang mga halaran sa mga imahen ni Baal ug ang mga halaran nga sunoganan sa insenso sa ibabaw niini. Gipangdugmok niya ang mga poste nga simbolo sa diosa nga si Ashera, ang mga dios-dios ug ang mga rebulto, ug unya gikatag niya kini didto sa mga lubnganan sa mga tawo nga naghalad ngadto kanila.

Jeremias 2:17

Kamo ra mismong mga Israelinhon ang nagdala niini nga kalaglagan sa inyong kaugalingon. Kay gisalikway ninyo ako, ang  Ginoo nga inyong Dios, sa dihang gigiyahan ko kamo sa dalan.

Jeremias 2:19

Tungod sa inyong kadaotan ug pagsalikway kanako, badlongon ug silotan ko kamo. Karon, huna-hunaa ninyo pag-ayo kon unsa kadaotan ug kapait ang pagsalikway ug dili pagtahod sa Ginoo nga inyong Dios. Ako, ang  Ginoo nga Makagagahom, ang nag-ingon niini.

Jeremias 23:13

“Nakita ko ang hilabihan nga kadaotan sa mga propeta sa Samaria; nanagna sila sa ngalan ni Baal ug gipahisalaag nila ang akong katawhan nga mga Israelinhon.

Jeremias 23:14

Apan nakita ko nga mas daotan pa gayod ang mga propeta sa Jerusalem. Nagsimba sila sa laing mga dios-dios ug namakak pa gayod. Gidasig nila ang mga daotan sa pagpadayon sa paghimo ug daotan, busa wala nay namiya sa ilang pagkadaotan.” Ang katawhan sa Jerusalem sama kadaotan sa katawhan sa Sodoma ug Gomora.

Jeremias 4:18

Ang inyo mismong mga gawi ug binuhatan maoy naghatod kaninyo niini. Mao kini ang inyong silot. Pait kini kaayo, ug midulot kini sa inyong kasing-kasing!”

Jeremias 5:25

Ang inyong pagkadaotan maoy nagpahilayo niining mga kaayohan gikan kaninyo. Ang inyong mga sala maoy nakapugong nga madawat ninyo kini nga mga pagpanalangin.

Jeremias 6:19

Pamati, O kalibotan! Magpadala akog kalaglagan niini nga mga tawo ingon nga silot sa ilang daotang mga plano. Kay wala nila hatagig pagtagad ang akong mga pulong ug gisalikway nila ang akong kasugoan.

Mga Pagbangotan 5:16

Wala na ang among kadungganan. Alaot kami, tungod kay nakasala kami.

Ezequiel 16:46

Ang magulang mo nga babaye mao ang Samaria nga anaa nagpuyo sa amihan uban sa iyang mga anak nga babaye. Ang imo nga manghod nga babaye mao ang Sodoma nga anaa nagpuyo sa habagatan uban sa iyang mga anak nga babaye.

Oseas 7:1

“Gusto ko untang ayohon ang mga taga-Israel. Apan ang akong makita kanila mao ang ilang pagkadaotan. Nanglimbong sila, nangawat sa kabalayan, ug nanulis didto sa mga kadalanan.

Amos 6:1

Alaot kamong mga pangulo sa Zion ug sa Samaria, nga nagpuyo nga hayahay ug walay gikabalak-an. Ginaisip ninyo ang inyong kaugalingon nga mga dungganong tawo sa nag-unang nasod, ug dalangpanan kamo sa inyong mga lumulupyo.

Amos 7:9

“Gub-on ko ang mga halaran sa habog nga mga dapit nga gisimbahan sa mga kaliwat ni Isaac, ug ipasulong ko sa mga kaaway ang mga kaliwat ni Haring Jeroboam.”

Amos 8:14

Laglagon kamong nanumpa sa ngalan sa mga dios sa Samaria, Dan, ug Beersheba, ug dili na gayod makabangon pa pag-usab.”

Miqueas 1:13

Mga lumulupyo sa Lakish, taori na ninyo ug mga karwahi ang inyong mga kabayo ug ikyas. Gisunod ninyo ang sala sa mga taga-Israel, ug tungod kaninyo nagpakasala usab ang mga taga-Zion.