Miqueas 1:3 - Ang Pulong sa Dios

³ Lantawa! Mogawas ang  Ginoo gikan sa iyang puloy-anan. Mokanaog siya ug molakaw sa tag-as nga mga dapit sa kalibotan.

Ang Biblia 2011

³ Kay tan-awa, ang Ginoo mogula gikan sa iyang dapit, ug manaog ug magtamak sa mga habog nga dapit sa yuta.

Maayong Balita Biblia

³ Ania na ang Ginoo gikan sa iyang dapit. Nanaog siya ug anha moagi sa kabukiran.

Ang Bag-ong Maayong Balita Biblia

³ Ania na ang Ginoo gikan sa iyang dapit. Nanaog siya ug anha moagi sa kabukiran.

Miqueas 1:3 Cross References

Salmo 115:3

Ang among Dios anaa sa langit ug buhaton niya ang iyang gusto.

Isaias 25:10

Sa pagkatinuod, tabangan sa Ginoo kining Bukid sa Zion, apan silotan niya ang Moab. Tunob-tunoban niya kini sama sa dagami nga gitunob-tunoban diha sa taehan.

Isaias 26:21

Kay moanhi na siya gikan sa iyang pinuy-anan aron silotan ang mga lumulupyo sa kalibotan tungod sa ilang mga sala. Ipagawas na sa yuta ang mga tawo nga gipamatay; dili na niya kini tagoan pa.

Ezequiel 3:12

Unya gibayaw ako sa Espiritu, ug nadungog ko ang nagdahunog nga tingog gikan sa akong luyo nga nag-ingon, “Dalaygon ang gahom sa Ginoo nga anaa sa langit!”

Amos 4:13

Ang Dios mao ang naghimo sa mga bukid ug sa hangin, ug siya usab ang naghimo sa kabuntagon ug kagabhion. Gipadayag niya sa tawo ang iyang mga plano, ug siya ang naggahom sa tibuok kalibotan. Ginoong Dios nga Makagagahom ang iyang ngalan.

Amos 9:5

Kon tandogon sa Ginoong Dios nga Makagagahom ang yuta, matay-og kini ug ang tanang mga lumulupyo niini magsubo. Ang pagtay-og niini sama sa pag-awas ug paghubas sa Suba sa Nilo sa Ehipto.

Habacuc 3:19

Ang Ginoong Dios mao ang akong kusog; gihimo niya ang akong mga tiil sama sa tiil sa lagsaw, gisangkapan niya ako aron makayatak sa mga habog nga dapit. Alang sa maestro sa musika. Sa akong mga instrumento nga adunay mga kuwerdas.

Zacarias 14:4

Nianang adlawa, motindog siya sa Bukid sa mga Olibo, nga anaa sa sidlakang bahin sa Jerusalem. Mapikas kini nga bukid ug matunga gikan sa sidlakan ngadto sa kasadpan. Ang katunga sa bukid masibog ngadto sa amihan ug ang laing katunga masibog ngadto sa habagatan. Busa mahimong lapad kaayo nga walog ang taliwala niini.

Deuteronomio 32:13

“Gipagahom niya sila sa mga bukid, ug gipakaon sa mga abot sa yuta. Gibuhi niya sila sa dugos gikan sa bato ug sa lana gikan sa olibo sa batoon nga dapit.

Deuteronomio 33:29

Bulahan kamo, O katawhan sa Israel! Walay sama kaninyo, usa ka katawhan nga giluwas sa Ginoo. Ang Ginoo mao ang manalipod ug motabang kaninyo, ug siya ang makig-away alang kaninyo. Magkamang ang inyong mga kaaway paingon kaninyo, ug tumban ninyo sila sa likod.”