Miqueas 1:11 - Ang Pulong sa Dios

¹¹ Mga lumulupyo sa Shafir, bihagon kamo nga hubo ug maulawan kamo. Ang mga lumulupyo sa Zaanan mahadlok nga mogawas sa ilang dapit sa pagtabang kaninyo. Ang mga taga-Bet-Ezel nga magbangotan sa ilang pagkalaglag dili usab makatabang kaninyo.

Ang Biblia 2011

¹¹ Padayon kamo, mga lumulupyo sa Safir, diha sa pagkahubo ug kaulawan; ang mga nagpuyo sa Zaanan dili mogula; ang pagminatay sa Bet-esel mokuha gikan kaninyo sa inyong gisaligan.

Maayong Balita Biblia

¹¹ O mga lumolupyo sa Safir, panaw kamo ngadto sa pagkabihag nga gihuboan ug gipakaulawan. Walay manggula sa mga lumolupyo sa Zaanan; ang Bet-esel dapit sa pagminatay ug dili na kini makatabang kaninyo.

Ang Bag-ong Maayong Balita Biblia

¹¹ O mga lumolupyo sa Safir, panaw kamo ngadto sa pagkabihag nga gihuboan ug gipakaulawan. Walay manggula sa mga lumolupyo sa Zaanan; ang Bet-esel dapit sa pagminatay ug dili na kini makatabang kaninyo.

Miqueas 1:11 Cross References

Isaias 16:2

Ang mga babaye nga taga-Moab nga atua sa tabokanan sa Arnon sama sa mga langgam nga giabog gikan sa ilang mga salag.

Isaias 20:4

Kay bihagon sa hari sa Asiria ang mga taga-Ehipto ug taga-Etiopia, bata man o tigulang. Bihagon sila nga hubo ug nagtiniil. Makita ang ilang sampot, ug maulawan gayod ang Ehipto.

Jeremias 13:22

Mangutana ka sa imong kaugalingon, “Nganong nahitabo kini kanako?” Gilaglag ka ug nahisama sa usa ka babayeng gipanamastamasan tungod sa imong daghang mga sala.

Jeremias 48:6

Luwasa ang inyong kaugalingon! Pangikyas kamo ngadto sa kamingawan.

Jeremias 48:9

Kon aduna lang untay pako ang Moab, makalupad unta siya palayo, kay dili na pagapuy-an ang mga lungsod niini ug mahimong awaaw na kini.

Ezequiel 16:37

Tungod niini, tigomon ko ang tanan mo nga mga laki nga imo nga gikawilihan, ang imo nga gihigugma lakip ang imo nga gikapungtan. Tigomon ko sila aron sa pagkontra kanimo, ug huboan ka nako sa ilang atubangan aron makita nila ang imo nga pagkahubo.

Ezequiel 23:29

Ug silotan ka nila sa ilang kasuko, ug kuhaon nila ang tanan mo nga mga hinagoan. Biyaan ka nila nga hubo ug madayag ang imo nga makauulaw nga kahimtang tungod sa imo nga law-ay nga binuhatan nga mao ang pagbaligya sa imo nga dungog.

Miqueas 1:8

Tungod sa pagkalaglag sa Samaria, magsubo ako ug magbangotan. Molakaw ako nga magtiniil ug walay bisti sa pagpakita sa akong pagsubo. Magminatay akog hilak nga daw sa gauwang nga ihalas nga iro, ug mohilak nga daw gahoni nga kuwago.

Nahum 3:5

Ako batok kanimo, nag-ingon ang  Ginoo nga Makagagahom. Akong ipataas ang imong saya sa imong nawong. Akong ipakita sa kanasoran ang imong pagkahubo ug ang mga gingharian sa imong kaulawan.

Zacarias 14:5

Mangikyas kamo pinaagi niini nga walog, kay kini makaabot man hangtod sa Azal. Moikyas kamo sama sa gihimo sa inyong mga katigulangan sa dihang milinog sa panahon ni Haring Uzias sa Juda. Ug moabot ang  Ginoo nga akong Dios uban sa tanan niyang mga anghel.

Josue 15:37

Apil usab ang Zenan, Hadasa, Migdal Gad,