Miqueas 1:1 - Ang Pulong sa Dios

¹ Mao kini ang mensahe sa Ginoo bahin sa Samaria ug sa Jerusalem. Gipadayag niya kini kang Mikeas nga taga-Moreset sa panahon nga naghari sa Juda si Jotam, si Ahaz, ug si Ezequias.

Ang Biblia 2011

¹ Ang pulong sa Ginoo nga midangat kang Mikeas nga taga-Moreset, sa mga adlaw ni Jotam, ni Ahas ug ni Hesekias, mga hari sa Juda, nga iyang nakita mahitungod sa Samaria ug sa Jerusalem.

Maayong Balita Biblia

¹ Sa mga panahon sa paghari ni Jotam ug ni Ahaz ug ni Ezequias didto sa Juda, ang Ginoo mihatag ug mensahe ngadto kang Miqueas nga taga-Moreset mahitungod sa Samaria ug Jerusalem.

Ang Bag-ong Maayong Balita Biblia

¹ Sa mga panahon sa paghari ni Jotam ug ni Ahaz ug ni Ezequias didto sa Juda, ang Ginoo mihatag ug mensahe ngadto kang Miqueas nga taga-Moreset mahitungod sa Samaria ug Jerusalem.

Miqueas 1:1 Cross References

2 Mga Hari 15:32

Nahimong hari sa Juda si Jotam nga anak ni Uzias sa ikaduhang tuig sa paghari ni Peka, nga anak ni Remalia, sa Israel.

2 Mga Hari 15:5

Gihatagan sa Ginoo ug ngilngig nga sakit sa panit si Azaria hangtod sa adlaw nga siya namatay. Nagpuyo siya sa usa ka balay nga nag-inusara. Si Jotam nga iyang anak mao ang nangulo sa palasyo ug sa katawhan sa Juda.

2 Mga Hari 16:1

Nahimong hari sa Juda si Ahaz nga anak ni Jotam sa ika-17 nga tuig sa paghari ni Peka, nga anak ni Remalia, sa Israel.

2 Mga Hari 18:1

Nahimong hari sa Juda si Ezequias nga anak ni Ahaz sa ikatulong tuig sa paghari ni Oseas nga anak ni Elah, sa Israel.

2 Cronicas 28:1

Nag-edad si Ahaz ug 20 ka tuig sa dihang nahimo siyang hari. Sa Jerusalem siya nagpuyo, ug naghari siya sulod sa 16 ka tuig. Daotan ang iyang gihimo atubangan sa Ginoo, dili sama sa gihimo sa iyang katigulangan nga si David.

2 Cronicas 29:1

Nag-edad si Ezequias ug 25 ka tuig sa dihang nahimo siyang hari. Naghari siya sa Jerusalem sulod sa 29 ka tuig. Ang iyang inahan mao si Abias nga anak ni Zacarias.

Isaias 1:1

Kini nga libro mahitungod sa gipadayag sa Dios kang Isaias nga anak ni Amos. Bahin kini sa Jerusalem ug sa Juda niadtong panahon sa paghari nila ni Uzias, Jotam, Ahaz, ug Ezequias sa Juda.

Isaias 1:2

Pamati langit ug paminaw yuta, kay nagsulti ang  Ginoo, “Nag-atiman ako ug nagpadakog mga anak, apan nakigbatok sila kanako.

Isaias 7:1

Sa dihang si Ahaz nga anak ni Jotam ug apo ni Uzias ang hari sa Juda, gisulong ni Rezin nga hari sa Aram ug ni Peka nga hari sa Israel, nga anak ni Remalia, ang Jerusalem. Apan wala nila kini mailog.

Jeremias 26:18

“Sa dihang si Ezequias pa ang hari sa Juda, si Mikeas nga taga-Moreset misulti sa mensahe sa Ginoo ngadto sa tanang katawhan sa Juda. Miingon siya, ‘Miingon ang  Ginoo nga Makagagahom nga laglagon niya ang Jerusalem. “ ‘Mahisama ang Zion sa gidarong uma, ug mahimong tinapok sa mga ginuba. Ug mahimong lasang ang bukid nga gibarogan sa Templo.’

Oseas 1:1

Mao kini ang mensahe nga gipadayag sa Ginoo kang Oseas nga anak nga lalaki ni Beeri, sa mga panahon nga naghari sa Juda sila si Uzias, Jotam, Ahaz, ug Ezequias, ug sa panahon nga naghari sa Israel si Jeroboam nga anak nga lalaki ni Joas.

Oseas 4:15

“Mga taga-Israel, bisan gitalikdan ninyo ako sama sa usa ka babayeng maluibon, ayaw ninyo i-angin ang mga taga-Juda. “Ug kamong mga taga-Juda, ayaw kamo pag-adto sa Gilgal ug sa Bet Aven aron sa pagsimba kanako o paghimo ug panaad sa akong ngalan.

Oseas 8:14

Gikalimtan sa mga Israelinhon ang nagbuhat kanila. Sila ug ang mga taga-Juda nagpatukod ug mga palasyo ug daghang mga lungsod nga nalibotan ug paril. Apan sunogon ko ang ilang mga lungsod apil ang lig-ong mga bahin niini.”

Amos 1:1

Mao kini ang mensahe ni Amos, nga usa ka magbalantay sa mga karnero nga taga-Tekoa, mahitungod sa Israel. Gipadayag kini kaniya sa Dios duha ka tuig sa wala pa mahitabo ang linog, ug sa panahon nga si Uzias mao ang hari sa Juda ug si Jeroboam nga anak ni Joas mao ang hari sa Israel.

Amos 6:1

Alaot kamong mga pangulo sa Zion ug sa Samaria, nga nagpuyo nga hayahay ug walay gikabalak-an. Ginaisip ninyo ang inyong kaugalingon nga mga dungganong tawo sa nag-unang nasod, ug dalangpanan kamo sa inyong mga lumulupyo.

Miqueas 1:5

Mahitabo kining tanan tungod kay nagpakasala ang mga katawhan sa Israel ug sa Juda. Ang mga taga-Samaria mao ang nagtulod sa ubang mga lumulupyo sa Israel sa pagpakasala. Ang mga taga-Jerusalem mao ang nagtulod sa ubang mga lumulupyo sa Juda sa pagsimba sa mga dios-dios.

Miqueas 3:9

Kamong mga pangulo sa Israel ug sa Juda, pamati kamo! Gipungtan ninyo ang hustisya ug ginatuis ninyo ang matarong.

Habacuc 1:1

Ang panagna nga nadawat ni Habakuk nga propeta.

2 Pedro 1:21

Tungod kay wala sila magsulti sumala sa ilang kaugalingon nga huna-huna, kondili gigamhan sila sa Espiritu Santo sa pagsulti sa pulong sa Dios.