Lucas 8:9 - Ang Pulong sa Dios

⁹ Gipangutana siya sa iyang mga tinun-an kon unsa ang kahulogan sa maong sambingay.

Ang Biblia 2011

⁹ Ug sa dihang nangutana kaniya ang iyang mga tinun-an kon unsa ang kahulogan niining maong sambingay,

Maayong Balita Biblia

⁹ Unya nangutana ang mga tinun-an ni Jesus unsay kahulogan sa maong sambingay.

Ang Bag-ong Maayong Balita Biblia

⁹ Unya nangutana ang mga tinun-an ni Jesus unsay kahulogan sa maong sambingay.

Lucas 8:9 Cross References

Oseas 6:3

Tinguhaon nato ang pag-ila sa Ginoo. Moabot siya sama kasiguro sa pagsidlak sa adlaw. Ug moabot siya sama sa ulan nga naghatag ug tubig sa kalibotan.”

Mateo 13:10

Unya miduol kang Jesus ang iyang mga tinun-an ug nangutana, “Nganong nakigsulti ka sa mga tawo pinaagi sa mga sambingay?”

Mateo 13:18

“Busa, paminawa ug tun-i ninyo kon unsa ang kahulogan sa sambingay mahitungod sa mag-uuma.

Mateo 13:36

Human niadto gibiyaan ni Jesus ang mga tawo ug misulod siya sa balay. Misulod usab didto ang iyang mga tinun-an ug nangutana kaniya, “Sultihi kami kon unsa ang kahulogan sa sambingay mahitungod sa sagbot.”

Mateo 15:15

Unya miingon si Pedro kang Jesus, “Sultihi kami sa kahulogan niadto nga panultihon.”

Marcos 4:10

Pagpamauli sa mga tawo, ang dose ka mga tinun-an ug ang uban pa nga nag-uban kang Jesus nangutana kaniya kon unsa ang kahulogan niadtong sambingay.

Marcos 4:34

Wala siya mosulti sa mga tawo nga dili pinaagi sa sambingay, apan gipasabot niya kining tanan sa iyang mga tinun-an kon sila na lang.

Juan 15:15

Dili ko kamo tawgon nga mga sulugoon, kay ang sulugoon wala masayod kon unsa ang gibuhat sa iyang agalon. Tawgon ko na kamo karon nga akong mga higala, kay kon unsa ang akong nadungog gikan sa akong Amahan mao usab ang akong gisulti kaninyo.