Lucas 8:41 - Ang Pulong sa Dios

⁴¹ Pagkataud-taod adunay miabot nga tawo nga ang iyang ngalan si Jairo. Tigdumala siya sa sinagoga sa mga Judio. Sa pagduol niya kang Jesus miluhod siya ug nagpakiluoy nga moadto si Jesus didto sa iyang balay

Ang Biblia 2011

⁴¹ Ug dihay miabot nga tawo nga ginganlan ug Jairo nga usa ka pangulo sa sinagoga ug naghapa siya sa tiilan ni Jesus, ug mihangyo siya kaniya sa pag-adto sa iyang balay,

Maayong Balita Biblia

⁴¹ Unya miabot ang usa ka tawo nga ginganlag Jairo nga usa ka opisyal sa ilang sinagoga. Mihapa siya sa tiilan ni Jesus ug mihangyo kaniya nga moadto sa iyang balay

Ang Bag-ong Maayong Balita Biblia

⁴¹ Unya miabot ang usa ka tawo nga ginganlag Jairo nga usa ka opisyal sa ilang sinagoga. Mihapa siya sa tiilan ni Jesus ug mihangyo kaniya nga moadto sa iyang balay

Lucas 8:41 Cross References

Lucas 13:14

Apan nasuko ang tigdumala sa sinagoga sa mga Judio, tungod kay nang-ayo si Jesus sa Adlaw nga Igpapahulay. Miingon siya sa mga tawo, “Sa usa ka semana adunay unom ka adlaw sa pagtrabaho. Sulod nianang mga adlawa anhi kamo dinhi aron magpaayo, apan dili sa Adlaw nga Igpapahulay.”

Lucas 17:16

Miluhod siya ug nagpasalamat kang Jesus. Kadtong tawhana taga-Samaria.

Lucas 5:8

Sa pagkakita niini ni Simon Pedro, miluhod siya sa atubangan ni Jesus ug miingon, “Ginoo, pahilayo kanako tungod kay makasasala ako nga tawo.”

Lucas 8:42

tungod kay himalatyon na ang iyang bugtong anak. Kining iyang anak nga babaye nag-edad ug dose ka tuig. Sa dihang nagpadulong sila si Jesus sa balay ni Jairo nagdasok ang daghang mga tawo libot kaniya.

Lucas 8:49

Samtang nagsulti pa siya sa babaye adunay miabot gikan sa balay ni Jairo nga pangulo sa sinagoga. Miingon siya kang Jairo, “Patay na ang imong anak. Ayaw na lang samoka ang magtutudlo.”

Juan 11:21

Pagkita ni Marta ug ni Jesus, miingon siya, “Ginoo, kon dinhi ka pa lang, wala unta mamatay ang akong igsoon.

Mga Buhat 13:15

Adunay mibasa sa Kasugoan ni Moises ug sa mga sinulat sa mga propeta. Ug unya adunay gisugo ang mga opisyal sa pag-ingon kanila ni Pablo, “Mga kaigsoonan, kon aduna kamoy ikasulti nga ikalig-on sa mga tawo isulti ninyo.”

Mga Buhat 18:17

Pagkahuman, gidakop sa mga Griego si Sostenes nga pangulo sa sinagoga sa mga Judio ug gibunalan nila didto mismo sa atubangan sa korte, apan wala gayod magtagad niini si Galio.

Mga Buhat 18:8

Si Crispo nga maoy tigdumala sa sinagoga sa mga Judio ug ang iyang tibuok panimalay mituo usab kang Ginoong; ug daghan pa gayod nga mga taga-Corinto nga nakadungog kang Pablo ang mituo ug nagpabautismo.

Mga Buhat 9:38

Ang Jopa dili kaayo layo sa Lida. Busa pagkadungog sa mga sumusunod ni Jesus nga si Pedro atua didto sa Lida, gisugo nila ang duha ka tawo nga hangyoon siya nga moadto sa Jopa.

Gipadayag 5:8

Sa dihang gikuha niya ang basahon, ang upat ka nilalang ug ang 24 ka mga pangulo nangluhod sa pagsimba sa Karnero. Ang matag-usa kanila adunay panaksan nga bulawan nga puno sa insenso nga mao ang mga pag-ampo sa mga katawhan sa Dios. Aduna usab harpa ang matag-usa kanila nga ilang gipatugtog,