Lucas 7:38 - Ang Pulong sa Dios

³⁸ Miduol siya dapit sa likod ni Jesus ug mihilak siya sa tiilan niini. Mitulo ang iyang mga luha sa mga tiil ni Jesus. Gipahiran niya kini sa iyang buhok ug gihalokan. Pagkahuman, gibuboan niya ug pahumot ang tiil ni Jesus.

Ang Biblia 2011

³⁸ Sa nagtindog siya nga naghilak luyo sa tiilan ni Jesus, misugod siya sa paghumod sa mga tiil ni Jesus pinaagi sa iyang mga luha ug gipahiran kini pinaagi sa buhok sa iyang ulo, ug mihalok sa iyang mga tiil, ug unya gidihogan kini ug pahumot.

Maayong Balita Biblia

³⁸ Samtang diha siya sa luyo sa tiilan ni Jesus, mihilak siya ug nahumod sa iyang mga luha ang mga tiil ni Jesus. Unya gipahiran niya sa iyang buhok ang mga tiil ni Jesus ug gihagkan ug gibuboan sa pahumot.

Ang Bag-ong Maayong Balita Biblia

³⁸ Samtang diha siya sa luyo sa tiilan ni Jesus, mihilak siya ug nahumod sa iyang mga luha ang mga tiil ni Jesus. Unya gipahiran niya sa iyang buhok ang mga tiil ni Jesus ug gihagkan ug gibuboan sa pahumot.

Lucas 7:38 Cross References

Genesis 18:4

Magpakuha ako ug tubig aron makapanghugas kamo sa inyong mga tiil ug unya makapahulay ilalom niining kahoy.

Esdras 10:1

Samtang nagluhod si Ezra didto sa atubangan sa balay sa Dios nga naghilak ug samtang nag-ampo siya ug nagsulti sa mga sala sa katawhan sa Israel, daghang mga Israelinhon nga lalaki, babaye, ug mga kabataan ang nagtigom libot kaniya. Nanghilak usab silag kusog.

Salmo 38:18

Isulti ko ang akong mga sala; gahasol kini kanako.

Salmo 51:17

Ang halad nga makahatag ug kalipay kanimo, O Dios, mao ang kinabuhi nga mapainubsanon ug mahinulsulon sa iyang mga sala. Kining matanga sa halad dili mo isalikway.

Ecclesiastes 9:8

Pagsadya ug paglipay sa kanunay.

Awit sa mga Awit 1:3

Pagkahumot gayod sa imong pahumot; apil ang imong ngalan murag pahumot nga nangalimyon. Dili ikatingala nga nakagusto gayod kanimo ang mga dalaga.

Isaias 57:9

Miadto kamo sa inyong dios-dios nga si Molec nga adunay dalang lana ug daghang mga pahumot. Nagsugo pa kamog mga tawo nga mangitag mga dios-dios sa layong mga dapit aron inyong simbahon. Bisan ang dapit sa mga patay daw sa paadtoan pa ninyo.

Jeremias 31:9

Dad-on ko sila pagbalik nga gahilak ug nag-ampo. Dad-on ko sila sa kasapaan ug moagi sila sa maayong dalan diin dili sila mapandol. Kay ako ang amahan sa Israel, ug si Efraim ang akong kamagulangang anak.

Joel 2:12

Miingon ang  Ginoo, “Panahon na nga mobalik kamo kaniya sa kinasing-kasing inubanan sa pagpuasa, paghilak, ug pagsubo.”

Zacarias 12:10

“Hatagan ko ang mga kaliwat ni David ug ang mga lumulupyo sa Jerusalem sa espiritu nga maluloy-on ug mainampoon. Tan-awon nila siya, nga ilang gipatay, ug manghilak sila sama sa ginikanan nga gahilak sa pagkamatay sa ilang bugtong anak o kamagulangang anak.

Mateo 5:4

Bulahan ang mga nagmasulob-on, kay lipayon sila sa Dios.

Lucas 22:62

Busa migawas si Pedro ug mihilak gayod sa hilabihan.

Lucas 6:21

Bulahan kamong gigutom karon, kay moabot ang panahon nga dili na gayod kamo gutomon. Bulahan kamo nga naghilak karon, kay mangatawa ra unya kamo.

Lucas 7:37

Niadtong lungsora adunay usa ka babaye nga nailhan gayod nga makasasala. Pagkadungog niya nga miadto si Jesus sa balay sa Pariseo miadto usab siya didto. Nagdala siya ug gamay nga tibod nga adunay sulod nga pahumot.

Lucas 7:39

Pagkakita niini sa Pariseo nga midapit kang Jesus, miingon siya sa iyang kaugalingon, “Kon kining tawhana tinuod nga propeta, mahibaloan unta niya kon unsa nga matang sa babaye ang mihikap kaniya, tungod kay kanang babayhana makasasala.”

Santiago 4:9

Pagsubo kamo, paghilak sa hilabihan tungod sa inyong mga sala. Inay nga mokatawa kamo ug maglipay, pagsubo hinuon kamo.