Lucas 6:7 - Ang Pulong sa Dios

⁷ Tungod kay ang mga magtutudlo sa Kasugoan ug ang mga Pariseo nagtinguha gayod sa pagpangita ug ikapasangil batok kang Jesus, gibantayan nila pag-ayo kon ayohon ba niya kadto nga tawo sa Adlaw nga Igpapahulay.

Ang Biblia 2011

⁷ Ug ang mga eskriba ug mga Pariseo nagbantay pag-ayo kang Jesus aron pagtan-aw kon moayo ba siya ug sakit panahon sa adlaw nga igpapahulay, aron makakita sila ug ikasumbong batok kaniya.

Maayong Balita Biblia

⁷ Pipila sa mga magtutudlo sa Balaod ug mga Pariseo naniid kang Jesus kon manambal ba siya sa mga masakiton sa Adlawng Igpapahulay. Gihimo nila kini aron pagpangita ug igong katarongan aron ikasumbong nila si Jesus nga nagbuhat ug kalapasan.

Ang Bag-ong Maayong Balita Biblia

⁷ Pipila sa mga magtutudlo sa Balaod ug mga Pariseo naniid kang Jesus kon manambal ba siya sa mga masakiton sa Adlawng Igpapahulay. Gihimo nila kini aron pagpangita ug igong katarongan aron ikasumbong nila si Jesus nga nagbuhat ug kalapasan.

Lucas 6:7 Cross References

Salmo 38:12

Ang mga tawo nga buot mopatay kanako nagbutang ug lit-ag. Sila nga buot mosakit kanako naghisgot kon unsaon nila ako paglaglag. Sa tibuok adlaw nagplano sila ug daotan batok kanako.

Isaias 29:21

apil ang tanang nagbutang-butang sa uban, ang mga nagtuis sa katarong sa hukmanan, ug ang mga naghatag ug mga bakak nga pagsaksi aron dili mahatagan ug hustisya ang mga walay sala.

Jeremias 20:10

Nadungog ko ang mga pagbiay-biay sa mga tawo. Awat-awaton nila ang akong giingon, “Makalilisang ang atong palibot! Isumbong nato siya!” Bisan ang tanan nakong higala naghulat nga mapukan ako. Nag-ingon sila, “Basin pag malingla ta siya. Unya malupig nato siya ug mapanimaslan.”

Mateo 5:39

Apan ako moingon kaninyo nga ayaw ninyo balosi ug daotan ang nagbuhat ug daotan diha kaninyo. Kon sagpaon ka sa tuo nga aping, ipasagpa usab ang pikas.

Marcos 3:2

Tungod kay ang mga Pariseo nangita ug pamaagi nga ikasumbong nila si Jesus, gibantayan nila kon ayohon niya kadtong tawo sa Adlaw nga Igpapahulay.

Lucas 13:14

Apan nasuko ang tigdumala sa sinagoga sa mga Judio, tungod kay nang-ayo si Jesus sa Adlaw nga Igpapahulay. Miingon siya sa mga tawo, “Sa usa ka semana adunay unom ka adlaw sa pagtrabaho. Sulod nianang mga adlawa anhi kamo dinhi aron magpaayo, apan dili sa Adlaw nga Igpapahulay.”

Lucas 20:20

Busa naghulat na lang sila ug laing higayon. Nagpadala sila ug mga espiya nga nagpakaaron-ingnon nga maayo ang ilang tuyo, aron nga kon adunay makita sila nga sayop sa iyang gipanulti, isumbong nila siya ngadto sa gobernador.

Juan 9:16

Adunay mga Pariseo nga nag-ingon, “Ang tawo nga naghimo niini dili gikan sa Dios, tungod kay wala siya nagtuman sa kasugoan mahitungod sa Adlaw nga Igpapahulay.” Apan nag-ingon ang uban, “Kon siya tawo nga makasasala dili siya makahimo ug mga milagro nga sama niini.” Busa nabahin sila.