Lucas 6:44 - Ang Pulong sa Dios

⁴⁴ Ang tagsa-tagsa ka kahoy mailhan pinaagi sa iyang bunga. Walay mapupo nga bunga sa igos o bunga sa ubas gikan sa tunokon nga mga tanom.

Ang Biblia 2011

⁴⁴ kay ang matag kahoy mailhan pinaagi sa iyang bunga. Kay walay mga igos nga anha pupoa gikan sa kasampinitan o mga ubas gikan sa kudyapaan.

Maayong Balita Biblia

⁴⁴ Ang matag usa ka kahoy maila sa kaugalingon niyang bunga. Dili ka makapupo ug igos gikan sa sampinit o ubas gikan sa kadyapa.

Ang Bag-ong Maayong Balita Biblia

⁴⁴ Ang matag usa ka kahoy maila sa kaugalingon niyang bunga. Dili ka makapupo ug igos gikan sa sampinit o ubas gikan sa kadyapa.

Lucas 6:44 Cross References

Mateo 12:33

“Kon maayo ang kahoy maayo usab ang iyang bunga; kon daot ang kahoy daot usab ang iyang bunga. Ang kahoy maila pinaagi sa iyang bunga.

Mateo 7:16

Maila ninyo sila pinaagi sa ilang binuhatan. Sama sa tunokon nga mga tanom, dili kini mamunga ug igos o ubas.

Mateo 7:20

Sama nga maila ang kahoy sa iyang bunga, maila usab ninyo ang mga tawo pinaagi sa ilang mga binuhatan.

Santiago 3:12

Mga kaigsoonan, ang kahoy nga igos dili mahimong mamunga ug olibo, ug ang tanom nga ubas dili mahimong mamunga ug igos. Dili ka usab makakuha ug tubig nga tab-ang diha sa dagat.

Judas 1:12

Kana nga mga tawo nagdaot sa inyong panagtigom sa pagpangaon isip managsoon diha kang Cristo. Kay nagpatuyang lang silag kaon ug inom ug wala silay kaulaw. Ang ila lang kaugalingon ang ilang gihuna-huna. Sama sila sa panganod nga walay dalang ulan ug gipalid sa hangin. Sama usab sila sa kahoy nga wala mamunga bisag panahon sa tingpamunga. Gipangibot sila ug patay na gayod.