Lucas 6:25 - Ang Pulong sa Dios

²⁵ Alaot kamong mga busog karon, tungod kay moabot ang adlaw nga gutomon kamo. Alaot kamo nga nagkatawa karon, tungod kay moabot ang adlaw nga maguol kamo ug maghilak.

Ang Biblia 2011

²⁵ “Alaot kamong mga busog karon, kay gutomon ra unya kamo. “Alaot kamong nagkatawa karon kay magminatay ug maghilak ra unya kamo.

Maayong Balita Biblia

²⁵ “Alaot kamo nga mga busog karon kay kamo unya gutomon! “Alaot kamo nga karon nangatawa kay kamo unya magbangotan ug maghilak!

Ang Bag-ong Maayong Balita Biblia

²⁵ “Alaot kamo nga mga busog karon kay kamo unya gutomon! “Alaot kamo nga karon nangatawa kay kamo unya magbangotan ug maghilak!

Lucas 6:25 Cross References

Salmo 49:19

motipon ra gihapon sila sa ilang mga katigulangan nga nangamatay na, didto sa dapit nga dili na gayod nila makita ang kahayag.

Mga Panultihon 14:13

Matago ang imong kasubo pinaagi sa pagkatawa, apan human sa katawa anaa ra gihapon ang kasubo.

Mga Panultihon 30:9

Kay kon maadunahan ako, basig dili ko na ikaw ilhon; ug kon kabos ako, basig mangawat ako ug maulawan ka tungod kanako.

Ecclesiastes 2:2

Ang pagkatawa usa ka binuang. Ug unsa may kaayohan nga mahimo sa paghudyaka?

Ecclesiastes 7:3

Ang kasubo mas maayo pa kaysa kalipay tungod kay ang kasubo makatudlo kanato bahin sa kinabuhi.

Ecclesiastes 7:6

Ang bahakhak sa tawong buang-buang sama ra sa pagpiti-piti sa sampinit diha sa kalayo. Wala kini kapuslanan.

Isaias 28:7

Apan karon nagsusapinday sa kahubog ang mga pari ug mga propeta. Ang mga propeta nagkasinayop na sa ilang pagsabot sa mga panan-awon, ug ang mga pari nagkapandol sa ilang paghukom.

Isaias 65:13

“Busa ako, ang Ginoong Dios, nag-ingon nga ang akong mga alagad mokaon ug moinom, apan kamo gutomon ug uhawon. Maglipay sila, apan kamo pakaulawan.

Isaias 8:21

Maglakaw sila nga gibug-atan ug gutom. Ug tungod sa ilang kagutom, masuko sila ug panghimaraoton nila ang ilang hari ug ang ilang Dios. Mohangad man sila sa langit

Isaias 9:20

Bisan unsang pagkaon nga ilang makita sa palibot kuhaon nila ug kan-on, apan dili gihapon sila mabusog. Kan-on nila bisan ang ilang kabataan.

Amos 8:10

Himuon kong pagbangotan ang inyong kasadya sa pista, ug himuon kong pagminatay ang inyong panag-awit. Pabistihon ko kamo ug sako ug paupawan ko kamo, timailhan sa inyong pagsubo. Himuon ko kining daw adlaw diin nagbangotan kamo alang sa inyong bugtong anak nga lalaki, ug mahuman kini nga daw usa ka adlaw nga hilabihan ka pait.”

Nahum 1:10

Masangit sila sa mga sampinit ug mangahubog sa ilang mga bino; ut-oton sila sa kalayo sama sa ugang dagami.

Lucas 12:20

“Apan miingon ang Dios kaniya, ‘Buang-buang! Karong gabii bawion ko ang imong kinabuhi. Busa kinsa man ang makapahimulos sa imong gitigom nga mga kabtangan?’

Lucas 13:28

“Unya kon makita ninyo si Abraham, Isaac, Jacob ug ang tanang mga propeta didto sa gingharian sa Dios, manghilak kamo ug magkagot ang inyong mga ngipon tungod kay kamo wala pasudla.

Lucas 6:24

“Apan alaot kamong mga adunahan, tungod kay naangkon na ninyo ang inyong kalipay.

Lucas 6:26

Alaot usab kamo kon gidayeg kamo sa tanan, tungod kay gihimo usab kini sa ilang mga katigulangan ngadto sa mga mini nga propeta.

Lucas 8:53

Gikataw-an nila si Jesus tungod kay nahibalo sila nga patay na gayod ang bata.

Mga Taga-Efeso 5:4

Ug dili na maayong paminawon nga magsulti kamo sa mga binastos, o magsulti sa walay pulos nga mga istorya ug malaw-ay nga komedya. Hinuon, magsulti kita ug mga pagpasalamat sa Dios.

1 Mga Taga-Tesalonica 5:3

Mahitabo kini samtang ang mga wala motuo moingon, “Malinawon ang tanan ug walay katalagman.” Apan sa kalit lang moabot kanila ang kalaglagan, sama sa babayeng nagbati, ug wala gayoy makaikyas kanila.

Santiago 4:9

Pagsubo kamo, paghilak sa hilabihan tungod sa inyong mga sala. Inay nga mokatawa kamo ug maglipay, pagsubo hinuon kamo.

Gipadayag 3:17

Nag-ingon kamo nga dato kamo, nga gipanalanginan kamo ug wala nay nakulang kaninyo. Apan wala kamo masayod nga makaluluoy gayod kamo, tungod kay kabos kamo, buta, ug hubo.

1 Samuel 2:5

Ang mga haruhay kaniadto nagpasuhol na karon aron lang makakaon. Apan ang mga gutom kaniadto haruhay na karon. Ang baog kaniadto karon daghan na ug anak. Apan ang daghan ug mga anak kaniadto nag-inusara na karon.