Lucas 6:21 - Ang Pulong sa Dios

²¹ Bulahan kamong gigutom karon, kay moabot ang panahon nga dili na gayod kamo gutomon. Bulahan kamo nga naghilak karon, kay mangatawa ra unya kamo.

Ang Biblia 2011

²¹ “Bulahan kamong mga gigutom karon kay busgon ra unya kamo. “Bulahan kamong mga naghilak karon kay mokatawa ra unya kamo.

Maayong Balita Biblia

²¹ “Bulahan kamong mga gigutom karon kay kamo pagabusgon! “Bulahan kamo nga karon naghilak kay kamo mangatawa ra unya!

Ang Bag-ong Maayong Balita Biblia

²¹ “Bulahan kamong mga gigutom karon kay kamo pagabusgon! “Bulahan kamo nga karon naghilak kay kamo mangatawa ra unya!

Lucas 6:21 Cross References

Genesis 17:17

Mihapa si Abraham, apan mikatawa siya sa iyang nadungog. Miingon siya sa iyang kaugalingon, “Makaanak pa kaha ako nga 100 na man ang akong edad? Ug si Sara, makaanak pa kaha sa edad nga 90 ka tuig?”

Genesis 21:6

Miingon si Sara, “Gipakatawa ako sa Dios sa kalipay, ug si bisan kinsa nga makadungog mahitungod niining nahitabo kanako mokatawa usab sama kanako.

Salmo 107:9

Kay gipainom niya ang giuhaw ug gibusog niya ang gigutom.

Salmo 119:136

Gahilak ako sa hilabihan tungod kay dili gatuman ang mga tawo sa imong balaod.

Salmo 143:6

Gibayaw ko ang akong mga kamot kanimo sa akong pag-ampo; giuhaw ako kanimo nga daw sa namalang yuta nga giuhaw sa tubig.

Salmo 17:15

Apan ako makakita kanimo, kay wala akoy nahimong sala. Pagmata ko malipay gayod ako sa akong pagkakita kanimo.

Salmo 28:7

Ikaw ang naghatag kanako ug kusog ug nagpanalipod kanako. Nagsalig ako kanimo ug gitabangan mo ako. Busa nalipay gayod ako ug nag-awit ug pagpasalamat kanimo.

Salmo 65:4

Bulahan ang tawo nga imong gipili ug giagda nga mopuyo sa imong Templo. Matagbaw kami sa mga kaayohan diha sa imong balay nga mao ang imong balaan nga Templo.

Isaias 25:6

Dinhi sa Bukid sa Zion, mangandam ang  Ginoo nga Makagagahom ug usa ka kombira alang sa tanang katawhan. Mga lamiang pagkaon ug labing maayong ilimnon ang iyang andamon.

Isaias 30:19

Kamong mga katawhan sa Zion, nga mga lumulupyo sa Jerusalem, dili na kamo mohilak pag-usab! Kaloy-an gayod kamo sa Ginoo, kon mangayo kamo ug tabang kaniya. Kon madungog niya ang inyong pag-ampo, tubagon niya kamo.

Isaias 66:10

Kamong tanang nahigugma sa Jerusalem ug nagsubo tungod kaniya, paglipay ug pagsadya kamo uban kaniya,

Jeremias 13:17

Kon dili pa gayod kamo motuo, maghilak ako sa tago tungod sa inyong pagkamapahitas-on. Mohilak gayod ako pag-ayo ug motulo ang akong mga luha, kay bihagon man ang katawhan sa Ginoo.

Jeremias 31:25

Kay dasigon ko ang nagmagul-anon ug tagbawon ko ang nangaluya tungod sa kagutom. Busa moingon ang mga tawo,

Jeremias 31:9

Dad-on ko sila pagbalik nga gahilak ug nag-ampo. Dad-on ko sila sa kasapaan ug moagi sila sa maayong dalan diin dili sila mapandol. Kay ako ang amahan sa Israel, ug si Efraim ang akong kamagulangang anak.

Jeremias 9:1

Kon ang akong ulo tinubdan pa sa tubig, ug ang akong mga mata tuboran sa mga luha, mohilak ako adlaw ug gabii alang sa akong mga katagilungsod nga gipamatay.

Ezequiel 7:16

Ug kon adunay makagawas sa kamatayon ug makaikyas ngadto sa kabukiran, maghilak sila sama sa salampati, tungod sa ilang mga sala.

Ezequiel 9:4

ug giingnan, “Libota ang Jerusalem ug markahi ang agtang niadtong mga nagsubo tungod sa tanang mangil-ad nga mga butang nga ginahimo sulod sa siyudad.”

Mateo 5:4

Bulahan ang mga nagmasulob-on, kay lipayon sila sa Dios.

Mateo 5:6

Bulahan ang mga tawo nga naninguha gayod sa pagbuhat sa kabubut-on sa Dios, kay tabangan sila sa Dios sa pagtuman niana nga tinguha.

Lucas 1:53

Gitagbaw niya sa mga maayong butang ang mga gigutom. Apan gihinginlan niya nga wala gayoy dala ang mga adunahan.

Lucas 6:20

Unya mitan-aw si Jesus sa iyang mga tinun-an ug miingon: “Bulahan kamong mga kabos, kay sakop kamo sa paghari sa Dios.

Lucas 6:22

Bulahan kamo kon tungod sa inyong pagsunod sa Anak sa Tawo dumtan kamo sa mga tawo, isalikway, biay-biayon, ug daoton ang inyong ngalan.

Lucas 6:25

Alaot kamong mga busog karon, tungod kay moabot ang adlaw nga gutomon kamo. Alaot kamo nga nagkatawa karon, tungod kay moabot ang adlaw nga maguol kamo ug maghilak.

Juan 11:35

Mihilak si Jesus.

Juan 4:10

Mitubag si Jesus, “Kon nahibaloan mo lang unta kon unsa ang ikahatag sa Dios, ug kon kinsa ako nga nangayo kanimo ug tubig, ikaw na gayod unta ang mangayo kanako ug hatagan ka nako ug tubig nga makahatag ug kinabuhi.”

Juan 6:35

Miingon si Jesus, “Ako mao ang pagkaon nga naghatag ug kinabuhi. Ang nagduol ug nagtuo kanako dili na gayod gutomon o uhawon.

1 Mga Taga-Corinto 4:11

Hangtod gani karon giantos namo ang kagutom ug kauhaw, ug kulang kami sa bisti. Gidagmalan kami sa mga tawo, ug wala kamiy kaugalingong balay.

2 Mga Taga-Corinto 11:27

Nasinati pud nako ang mga kalisdanan tungod sa akong buluhaton, ug usahay wala gani akoy tulog. Usahay dili ako makakaon, ug usahay wala gayod akoy makaon ug bisan gani mainom. Nasinati pud nako ang katugnaw ug kakulang sa bisti.

2 Mga Taga-Corinto 12:10

Busa malipayon ako karon sa akong mga kaluyahon, sa mga pagpasipala kanako, sa mga kalisdanan, sa mga paglutos, ug sa mga kakulian tungod sa akong pagsunod kang Cristo. Kay kon nagmaluyahon ako, lig-onon ako sa Dios.

2 Mga Taga-Corinto 6:10

Adunay mga gihimo kanamo aron maguol kami apan sa gihapon malipayon kami. Kabos lang kami, apan daghan ang mga tawo nga among gipadato. Kon mahitungod sa mga butang dinhi sa kalibotan, wala kamiy matawag nga amoa, apan ang tinuod, kami ang tag-iya sa tanan.

Santiago 1:12

Bulahan ang tawo nga mobarog taliwala sa mga pagsulay, kay human niya madaog ang mga pagsulay, makadawat siya sa kinabuhi nga walay kataposan ingon nga ganti nga gisaad sa Dios alang sa mga nahigugma kaniya.

Gipadayag 21:3

Unya, aduna akoy nadungog nga kusog nga tingog gikan sa trono nga nag-ingon, “Karon, ang puloy-anan sa Dios anaa na sa mga tawo! Magpuyo siya uban kanila, ug sila mahimong iya nang mga tawo. Ang Dios mismo mahimong ilang kauban [ug ilang Dios].

Gipadayag 7:16

Dili na gayod sila gutomon o uhawon. Ug dili na sila mainitan o masunog sa kainit sa adlaw.