Lucas 6:12 - Ang Pulong sa Dios

¹² Niadtong panahona, mitungas si Jesus sa bukid aron mag-ampo. Ug didto nag-ampo siya sa Dios sa tibuok gabii.

Ang Biblia 2011

¹² Unya niadtong mga adlawa, si Jesus miadto sa bungtod aron sa pag-ampo, ug sa tibuok gabii siya nagpadayon sa pag-ampo ngadto sa Dios.

Maayong Balita Biblia

¹² Niadtong panahona mitungas si Jesus sa usa ka bungtod aron pag-ampo ug sa tibuok gabii nag-ampo siya sa Dios.

Ang Bag-ong Maayong Balita Biblia

¹² Niadtong panahona mitungas si Jesus sa usa ka bungtod aron pag-ampo ug sa tibuok gabii nag-ampo siya sa Dios.

Lucas 6:12 Cross References

Salmo 22:2

Dios ko, adlaw ug gabii nagpanawag ako kanimo, apan wala mo ako tubaga, busa wala akoy pahulay.

Isaias 26:9

Sa tibuok kong kasing-kasing, ginahandom ko gayod ikaw sa panahon sa kagabhion. Tinuod nga kon ikaw maghukom sa mga katawhan sa kalibotan, makat-on sila sa pagkinabuhi nga matarong.

Daniel 6:10

Sa pagkahibalo ni Daniel nga mipirma na ang hari, mipauli siya ug miadto sa iyang kuwarto nga anaa sa taas sa balay, diin adunay mga abli nga bintana nga nag-atubang sa Jerusalem. Didto nag-ampo siya ug nagpasalamat sa Dios nga nagluhod, katulo sa usa ka adlaw, sumala sa iyang naandang ginahimo.

Mateo 5:1

Sa dihang nakita ni Jesus ang daghang mga tawo, mitungas siya sa bukid ug milingkod didto. Miduol kaniya ang iyang mga tinun-an,

Mateo 6:6

Apan kon kamo mag-ampo, sulod kamo sa inyong kuwarto ug panirado. Didto sa sulod, pag-ampo kamo sa inyong Amahan nga dili makita. Unya mohatag ug ganti kaninyo ang inyong Amahan nga nakakita sa inyong gibuhat sa tago.

Marcos 1:35

Sa pagkasunod nga adlaw, kadlawon pang mibangon si Jesus ug miadto sa mamingaw nga dapit ug nag-ampo.

Marcos 3:13

Human niadto, mitungas si Jesus sa bukid ug iyang gitawag ang gusto niya nga pilion, ug miduol sila kaniya.

Marcos 6:46

Sa nakagikan na ang mga tawo mitungas siya sa bukid aron mag-ampo.

Lucas 5:16

Apan sa gihapon nag-adto si Jesus sa kamingawan ug nag-ampo.

Lucas 6:11

Apan nasuko pag-ayo ang mga magtutudlo sa Kasugoan ug ang mga Pariseo, busa gihisgotan nila kon unsay ilang himuon kang Jesus.

Lucas 6:17

Human niini, milugsong sila sa patag. Nagtigom didto ang daghan sa iyang mga tinun-an ug ang daghang mga tawo nga gikan sa mga lungsod nga sakop sa Judea, sa Jerusalem ug sa Tiro ug Sidon nga duol sa dagat.

Lucas 9:18

Usa ka adlaw niana nag-inusara sa pag-ampo si Jesus ug ang iyang mga tinun-an naa sa iyang duol. Nangutana si Jesus kanila, “Kinsa man ako sumala sa mga tawo?”

Lucas 9:28

Mga walo ka adlaw human kadto isulti ni Jesus, gidala niya si Pedro, si Juan, ug si Santiago sa pagtungas sa bukid aron mag-ampo.

Lucas 9:29

Sa dihang nag-ampo si Jesus nausab ang iyang panagway, ug ang iyang bisti miputi ug misidlak.

Juan 6:3

Mitungas si Jesus ug ang iyang mga tinun-an sa bungtod ug didto nanglingkod.

Mga Taga-Colosas 4:2

Pag-ampo kamo kanunay nga adunay pagpasalamat, ug samtang nag-ampo kamo bantayi ninyo ang inyong panghuna-huna.

Mga Hebreo 5:7

Sa dihang dinhi pa si Jesus sa kalibotan, nag-ampo siya ug naghilak gayod nga nagpakiluoy sa Dios nga makaluwas kaniya gikan sa kamatayon. Ug tungod kay siya mapainubsanon ug matinumanon, gitubag sa Dios ang iyang pag-ampo.

1 Samuel 15:11

“Nagbasol ako nga akong gihimo si Saulo nga hari, tungod kay mitalikod siya kanako ug wala niya tumana ang akong mga sugo.” Pagkadungog ni Samuel niini, naglagot siya. Busa nag-ampo siya sa Ginoo sa tibuok gabii.