Lucas 4:7 - Ang Pulong sa Dios

⁷ Imo na unya kining tanan kon mosimba ka kanako.”

Ang Biblia 2011

⁷ Busa, kon ikaw mosimba kanako, maimo kining tanan.”

Maayong Balita Biblia

⁷ Maimo unya kining tanan kon mosimba ka kanako.”

Ang Bag-ong Maayong Balita Biblia

⁷ Maimo unya kining tanan kon mosimba ka kanako.”

Lucas 4:7 Cross References

Salmo 72:11

Hinaut pa nga ang tanang hari magpasakop kaniya ug ang tanang kanasoran moalagad kaniya.

Isaias 45:14

Miingon ang  Ginoo sa Israel, “Mahimo mong sakop ang mga taga-Ehipto ug taga-Etiopia, apil na ang mga taga-Seba kansang kalalakin-an tag-as ug barog. Moanha sila kanimo dala ang ilang mga bahandi ug mga produkto. Mahimo mo silang mga bihag. Moluhod sila kanimo ug magpakiluoy nga mag-ingon, ‘Tinuod nga ang Dios nag-uban kanimo, ug siya lang ang Dios!’ ”

Isaias 46:6

Ang ubang mga tawo mopagawas sa ilang bulawan ug plata ug mosuhol ug platero aron himuon kining dios-dios, ug unya, ila kining yukboan ug simbahon.

Mateo 2:11

Unya nakaplagan nila ang balay. Pagsulod nila sa balay, nakita nila ang bata uban ang inahan niini nga si Maria. Nangluhod sila ug misimba sa bata. Giablihan nila ang ilang bililhon nga mga gasa nga bulawan, insenso, ug mira ug gihalad ngadto sa bata.

Lucas 17:16

Miluhod siya ug nagpasalamat kang Jesus. Kadtong tawhana taga-Samaria.

Lucas 4:6

Unya miingon ang Yawa kang Jesus, “Ihatag ko kanimo ang tanang gahom ug himaya niining kalibotan, tungod kay kining tanan gihatag kanako ug mahimo ko kining ihatag kang bisan kinsa nga gusto kong hatagan.

Lucas 4:8

Gitubag siya ni Jesus, “Ang Kasulatan nag-ingon, ‘Simbaha ang Ginoo nga imong Dios ug siya lang ang alagari.’ ”

Lucas 8:28

Pagkakita niya kang Jesus misinggit siya ug miluhod sa iyang atubangan. Unya misulti siya sa makusog nga tingog, “Jesus, Anak sa Dios nga labaw sa tanan, unsay imong labot kanako? Nagpakiluoy ako kanimo nga dili mo ako silotan.”

Gipadayag 22:8

Ako, si Juan, ang nakadungog ug nakakita gayod niining mga butanga nga akong gipangsulat dinhi. Human ko kini makita ug madungog, miluhod ako sa pagsimba sa anghel nga nagpakita kanako niining mga butanga.

Gipadayag 4:10

ang 24 ka mga pangulo nagluhod ug nagsimba kaniya nga naglingkod didto sa trono, siya nga nagkinabuhi sa walay kataposan. Ug gibutang nila ang ilang mga korona sa atubangan sa trono ug nag-ingon:

Gipadayag 5:8

Sa dihang gikuha niya ang basahon, ang upat ka nilalang ug ang 24 ka mga pangulo nangluhod sa pagsimba sa Karnero. Ang matag-usa kanila adunay panaksan nga bulawan nga puno sa insenso nga mao ang mga pag-ampo sa mga katawhan sa Dios. Aduna usab harpa ang matag-usa kanila nga ilang gipatugtog,