Lucas 3:16 - Ang Pulong sa Dios

¹⁶ Apan miingon si Juan kanila, “Ako nagbautismo kaninyo sa tubig, apan adunay moabot nga mas gamhanan pa kay kanako. Ug dili gani ako takos nga mahimong iyang sulugoon. Siya magbautismo kaninyo sa Espiritu Santo ug sa kalayo.

Ang Biblia 2011

¹⁶ mitubag si Juan kanilang tanan nga nag-ingon, “Ako nagbautismo kaninyo sa tubig, apan moabot ang labaw pang gamhanan kay kanako nga bisan gani sa higot sa iyang mga sandalyas dili ako takos sa paghubad. Magbautismo siya kaninyo sa Espiritu Santo ug sa kalayo.

Maayong Balita Biblia

¹⁶ Busa miingon si Juan kanilang tanan, “Nagbunyag ako kaninyo pinaagi sa tubig apan may moabot nga labaw pa kaayo kay kanako. Dili gani ako angay bisan sa pagbadbad sa higot sa iyang sandalyas. Bunyagan kamo niya pinaagi sa Espiritu Santo ug sa kalayo.

Ang Bag-ong Maayong Balita Biblia

¹⁶ Busa miingon si Juan kanilang tanan, “Nagbunyag ako kaninyo pinaagi sa tubig apan may moabot nga labaw pa kaayo kay kanako. Dili gani ako angay bisan sa pagbadbad sa higot sa iyang sandalyas. Bunyagan kamo niya pinaagi sa Espiritu Santo ug sa kalayo.

Lucas 3:16 Cross References

Mga Panultihon 1:23

Pamatia ang akong pagbadlong. Ipadayag ko kaninyo ang akong huna-huna. Ipadayag ko ang buot kong isulti batok kaninyo:

Isaias 32:15

hangtod nga ipadala kanato ang Espiritu gikan sa langit. Unya ang kamingawan mahimong mabungahon nga uma, ug ang mabungahong uma mahimong kakahoyan.

Isaias 4:4

Pinaagi sa iyang gahom hukman ug limpyohan sa Ginoo ang kahugaw sa mga kababayen-an sa Zion ug ang mga pinatyanay didtong dapita.

Ezequiel 36:25

Wisikan ko kamo ug limpyo nga tubig aron malimpyohan kamo sa tanang kahugaw, ug dili na kamo mosimba pag-usab sa mga dios-dios.

Zacarias 13:9

Ang ikatulo ka bahin nga nahibilin hinloan ko nga daw sama sa plata nga gipaputli pinaagi sa kalayo. Ug sulayan ko sila sama sa pagsulay sa kalunsay sa bulawan pinaagi sa kalayo. Mag-ampo sila kanako ug pamation ko sila. Moingon ako, ‘Sila ang akong katawhan,’ ug moingon usab sila, ‘Ang Ginoo ang among Dios.’ ”

Mateo 3:11

“Ako nagbautismo kaninyo sa tubig sa pagpaila nga naghinulsol na kamo sa inyong mga sala, apan adunay moabot sunod kanako nga mas gamhanan pa kay kanako ug dili gani ako takos nga mahimong iyang sulugoon. Siya magbautismo kaninyo sa Espiritu Santo ug sa kalayo.

Mateo 3:12

Sama siya sa tawo nga nagpalid sa iyang giani aron ilain ang timgas gikan sa uhot. Ang trigo ibutang niya sa bodega, apan ang uhot sunogon niya sa kalayo nga dili gayod mapalong.”

Juan 1:26

Mitubag si Juan, “Ako nagbautismo pinaagi sa tubig, apan adunay tawo nga ania dinhi karon nga wala pa ninyo mailhi.

Juan 1:27

Siya ang akong giingon nga moabot sunod kanako, apan dili gani ako takos nga mahimong iyang sulugoon.”

Juan 1:33

Kaniadto bisan gani ako wala makaila kon kinsa gayod siya, apan ang Dios nga nagsugo kanako nga mangbautismo pinaagi sa tubig nag-ingon nang daan kanako nga kon makita ko na gani ang Espiritu Santo nga mokunsad ug magpabilin sa usa ka tawo, kana nga tawo mao ang mangbautismo pinaagi sa Espiritu Santo.

Juan 7:38

Kay sumala sa Kasulatan, si bisan kinsa nga magtuo kanako, modagayday gikan sa iyang kasing-kasing ang tubig nga naghatag ug kinabuhi.”

Mga Buhat 1:5

Nangbautismo si Juan sa tubig, apan sa dili madugay bautismohan kamo diha sa Espiritu Santo.”

Mga Buhat 10:44

Samtang nagwali pa si Pedro mikunsad ang Espiritu Santo ug gigamhan ang tanang naminaw sa mensahe.

Mga Buhat 2:33

Gibayaw siya ngadto sa tuong dapit sa Dios. Ug gihatag kaniya sa Amahan ang Espiritu Santo nga gisaad kaniya. Ug kining maong Espiritu Santo gipadala ni Jesus kanamo, ug ang iyang gahom mao ang inyong nakita ug nadunggan karon.

1 Mga Taga-Corinto 12:13

Kay kitang tanan, Judio man o dili, ulipon man o gawasnon, gibautismohan diha sa usa lang ka Espiritu aron mahimong usa ka lawas. Ug usa pud ka Espiritu ang ania kanatong tanan.