Lucas 3:13 - Ang Pulong sa Dios

¹³ Mitubag si Juan, “Kon maningil kamo ug buhis, ayaw kamo paningil ug sobra sa gipasingil kaninyo.”

Ang Biblia 2011

¹³ Siya miingon kanila, “Ayaw na kamo paningil ug sobra sa gisugo kaninyo.”

Maayong Balita Biblia

¹³ Miingon siya kanila, “Ayaw kamo paningil ug labaw kay sa gisugo sa balaod.”

Ang Bag-ong Maayong Balita Biblia

¹³ Miingon siya kanila, “Ayaw kamo paningil ug labaw kay sa gisugo sa balaod.”

Lucas 3:13 Cross References

Salmo 18:23

Nahibalo ka nga walay ikasaway sa akong kinabuhi, ug gilikayan ko ang pagpakasala.

Mga Panultihon 28:13

Dili ka gayod magmauswagon kon ilimod mo ang imong mga sala, apan kon isulti mo kini ug talikdan, kaloy-an ka sa Dios.

Miqueas 6:8

Gitudloan na kita sa Ginoo kon unsa ang maayo. Ug mao kini ang iyang gusto nga ipatuman kanato: Himuon nato kon unsa ang matarong, palabihon nato ang pagkamaluloy-on ngadto sa uban, ug mapainubsanon kitang mosunod sa Dios.

Mateo 7:12

“Buhata sa uban ang buot ninyo nga buhaton nila diha kaninyo. Mao kini ang husto nga pagtuman sa Kasugoan ug sa mga gisulat sa mga propeta.

Lucas 19:8

Didto sa iyang balay mitindog si Zaqueo ug miingon, “Ginoo, ihatag ko ngadto sa mga kabos ang katunga sa akong kabtangan. Ug kon aduna akoy gilimbongan, ibalik ko kaniya sa upat ka pilo.”

Lucas 3:12

Adunay mga maniningil ug buhis nga miadto usab kang Juan aron magpabautismo. Miingon sila kang Juan, “Magtutudlo, unsa may angay namong himuon?”

Lucas 3:14

Adunay mga sundalo usab nga nangutana, miingon sila, “Unya, kami, unsa adunay among himuon?” Mitubag si Juan kanila, “Ayaw kamo pagpanghulga o pagpamutangbutang aron makapanguwarta. Kinahanglan nga makontento kamo sa inyong suhol.”

1 Mga Taga-Corinto 6:10

ang mga kawatan, ang mga hakog, ang mga palahubog, ang mga mapasipalahon, ug ang mga mangingilad, dili gayod makapanunod sa gingharian sa Dios.

Mga Taga-Efeso 4:28

Ang kawatan kinahanglan dili na mangawat, kondili manginabuhi siya sa maayo nga pamaagi, aron makahatag usab siya sa mga kabos.

Mga Hebreo 12:1

Karon, bahin kanato, kita sama sa gadagan sa lumba nga gilibotan sa daghang mga tawo nga mao ang mga nagpamatuod sa ilang pagtuo sa Dios. Busa biyaan nato ang mga sala nga gahawid kanato, ang tanang nagbabag sa atong pagdagan. Padayonon ta gayod ang atong pagdagan hangtod sa kataposan.