Lucas 24:11 - Ang Pulong sa Dios

¹¹ Apan wala motuo ang mga tinun-an, kay sa ilang huna-huna, tumo-tumo lang kini sa mga babaye.

Ang Biblia 2011

¹¹ Apan sa ilang pagpaminaw niini, kining mga pulonga daw binuang lamang ug sila wala motuo kanila.

Maayong Balita Biblia

¹¹ Apan naghunahuna ang mga apostoles nga binuang ang gisulti sa mga babaye busa wala sila motuo kanila.

Ang Bag-ong Maayong Balita Biblia

¹¹ Apan naghunahuna ang mga apostoles nga binuang ang gisulti sa mga babaye busa wala sila motuo kanila.

Lucas 24:11 Cross References

Genesis 19:14

Unya giadtoan ni Lot ang iyang mga umagaron nga lalaki ug giingnan, “Pagdali, biya kamo dinhi kay laglagon sa Ginoo kining lungsora.” Apan wala sila motuo kay abi nila ug nagtiaw-tiaw lang si Lot.

2 Mga Hari 7:2

Miingon ang opisyal nga sinaligan sa hari, “Bisan pag ablihan sa Ginoo ang mga bintana sa langit dili kana mahitabo.” Mitubag si Eliseo, ang tawo sa Dios, “Makita mo nga mahitabo kini, apan dili ka makakaon niini.”

Job 9:16

Bisan pag hangyoon ko siya nga mag-atubangay kami ug mosugot siya, dili gihapon niya ako pamation.

Salmo 126:1

Sa dihang gipauswag pag-usab sa Ginoo ang Zion, daw nagdamgo lang kita.

Marcos 16:11

Apan wala sila motuo sa iyang gisugilon nga si Jesus buhi ug nagpakita kaniya.

Marcos 16:13

Busa mibalik sa Jerusalem ang iyang duha ka tinun-an ug gisultihan ang uban nila nga mga kauban nga si Jesus nagpakita kanila, apan wala usab sila motuo.

Marcos 16:14

Sa kataposan nagpakita usab si Jesus sa onse ka tinun-an samtang nangaon sila. Gibadlong niya sila tungod kay wala silay pagtuo ug gahi ang ilang mga ulo, kay wala sila motuo sa gisulti sa mga nakakita kaniya human siya nabanhaw.

Lucas 24:25

Unya miingon si Jesus kanila, “Pagkabuang-buang gayod ninyo! Nganong wala man ninyo tuohi ang tanang gisulti sa mga propeta?

Lucas 24:41

Sa ilang dakong kalipay ug katingala murag dili sila makatuo sa ilang nakita. Ug nangutana si Jesus kanila, “Aduna ba kamoy pagkaon dinhi?”

Mga Buhat 12:9

Ug misunod siya sa anghel pagawas sa prisohan. Wala makahibalo si Pedro kon tinuod ba ang nanghitabo. Sa iyang pagtuo nagdamgo lang siya.