Lucas 22:16 - Ang Pulong sa Dios

¹⁶ Kay ang tinuod, dili na ako mokaon pag-usab niini hangtod nga matuman na ang tinuod nga kahulogan niini kon moabot na ang paghari sa Dios.”

Ang Biblia 2011

¹⁶ kay sultihan ko kamo, nga dili na ako mokaon niini hangtod nga matuman na kini didto sa gingharian sa Dios.”

Maayong Balita Biblia

¹⁶ Kay sultihan ko kamo nga dili na gayod ako mokaon niini hangtod nga himoon kini didto sa Gingharian sa Dios.”

Ang Bag-ong Maayong Balita Biblia

¹⁶ Kay sultihan ko kamo nga dili na gayod ako mokaon niini hangtod nga himoon kini didto sa Gingharian sa Dios.”

Lucas 22:16 Cross References

Lucas 12:37

Bulahan kadtong mga sulugoon nga sa pag-abot sa ilang agalon nagtukaw ug kanunay andam. Ang tinuod, patambongon niya kadtong mga sulugoon sa iyang kan-anan ug siya mismo ang magsilbi kanila.

Lucas 14:15

Sa pagkadungog niadto sa usa nga nakauban ni Jesus sa pagpangaon, miingon siya, “Bulahan kadtong mga tawo nga makakaon didto sa gingharian sa Dios!”

Lucas 22:15

Unya miingon si Jesus kanila, “Dako gayod ang akong handom nga sa dili pa ako mag-antos, magkauban una kita sa pagpangaon sa pagsaulog niining Pista sa Paglabay sa Anghel.

Lucas 22:18

Sa pagkatinuod, gikan karon dili na ako moinom sa ilimnon nga gikan sa ubas hangtod nga moabot ang paghari sa Dios.”

Lucas 22:30

Makauban ko kamo sa pagpangaon ug pag-inom didto sa akong lamisa kon maghari na ako. Magdumala ug maghukom kamo sa dose ka tribo sa Israel.

Juan 6:27

Apan ayaw kamo paghago alang sa pagkaon nga madunot lang, kondili paghago kamo alang sa pagkaon nga molungtad ug naghatag ug kinabuhi nga walay kataposan. Ang Anak sa Tawo mao ang mohatag kaninyo niini nga pagkaon, kay siya ang gihatagan sa Dios nga Amahan sa katungod nga mohatag niini.”

Mga Buhat 10:41

Wala siya gipakita ngadto sa tanan kondili kanamo lamang nga mga pinili sa Dios isip mga tigpamatuod mahitungod kaniya. Nakig-uban pa gani kami kaniya sa pagpangaon ug pag-inom human siya nabanhaw.

Gipadayag 19:9

Unya miingon ang anghel kanako, “Isulat kini: bulahan ang mga tawo nga giimbitar sa kombira sa kasal sa Karnero.” Miingon pa gayod siya, “Tinuod kini nga mga pulong sa Dios.”