Lucas 21:9 - Ang Pulong sa Dios

⁹ Kon makadungog kamo nga adunay mga gira ug mga kagubot, ayaw kamo kahadlok, kay kana kinahanglan nga mahitabo una, apan wala kana magkahulogan nga moabot na ang kataposan.”

Ang Biblia 2011

⁹ Ug sa dihang makadungog kamo ug mga gubat ug mga kagubot, ayaw kamo kahadlok kay kinahanglang mahitabo una kini, apan ang kataposan dili pa moabot dayon.”

Maayong Balita Biblia

⁹ Ayaw kamo kahadlok kon makadungog kamog mga gubat ug mga kagubot kay kining mga butanga kinahanglan nga mahitabo gayod pag-una apan wala kini magpasabot nga mao na kini ang kataposan.”

Ang Bag-ong Maayong Balita Biblia

⁹ Ayaw kamo kahadlok kon makadungog kamog mga gubat ug mga kagubot kay kining mga butanga kinahanglan nga mahitabo gayod pag-una apan wala kini magpasabot nga mao na kini ang kataposan.”

Lucas 21:9 Cross References

Salmo 112:7

Dili siya mahadlok sa daotang mga balita, kay lig-on ang iyang pagtuo ug pagsalig sa Ginoo.

Isaias 8:12

Miingon pa gayod siya, “Ayaw kamo pag-ingon nga makig-abin kita sa ubang mga nasod sama sa giingon sa uban. Ayaw kamog kalisang sa ilang gikahadlokan, ug ayaw kamo kakulba.

Lucas 21:10

Ug miingon pa gayod si Jesus kanila, “Makiggubat ang nasod batok sa laing nasod, ang gingharian batok sa laing gingharian.

Lucas 21:28

Kon magsugod na kini nga mga panghitabo, ayaw kamo kahadlok tungod kay duol na ang pagluwas kaninyo.”

Lucas 21:8

Miingon si Jesus kanila, “Pagbantay kamo nga walay makapahisalaag kaninyo. Kay daghan ang moabot pinaagi sa akong ngalan ug moingon nga sila ang Mesiyas, ug moingon usab sila nga miabot na ang panahon. Apan ayaw kamo pagtuo o pagsunod kanila.