Lucas 21:6 - Ang Pulong sa Dios

⁶ “Moabot ang adlaw nga kining mga butang nga inyong nakita gun-ubon, ug wala gayoy bisan usa ka bato nga magpabilin ibabaw sa laing bato.”

Ang Biblia 2011

⁶ “Mahitungod niining mga butanga nga inyong nakita, moabot ang mga adlaw nga dinhi wala na unyay mahibiling usa ka bato nga gipatong sa laing bato nga dili tumpagon.”

Maayong Balita Biblia

⁶ “Nakita ninyo kining tanan apan moabot ang panahon nga walay bisan usa ka bato nga magpabilin sa nahimutangan niini kay ang tanan tumpagon gayod.”

Ang Bag-ong Maayong Balita Biblia

⁶ “Nakita ninyo kining tanan apan moabot ang panahon nga walay bisan usa ka bato nga magpabilin sa nahimutangan niini kay ang tanan tumpagon gayod.”

Lucas 21:6 Cross References

Jeremias 26:18

“Sa dihang si Ezequias pa ang hari sa Juda, si Mikeas nga taga-Moreset misulti sa mensahe sa Ginoo ngadto sa tanang katawhan sa Juda. Miingon siya, ‘Miingon ang  Ginoo nga Makagagahom nga laglagon niya ang Jerusalem. “ ‘Mahisama ang Zion sa gidarong uma, ug mahimong tinapok sa mga ginuba. Ug mahimong lasang ang bukid nga gibarogan sa Templo.’

Jeremias 26:6

laglagon ko kining Templo, maingon nga gilaglag ko ang Silo. Ug kini nga siyudad panghimaraoton sa tanang nasod sa tibuok kalibotan.”

Jeremias 26:9

Nganong gigamit mo ang ngalan sa Ginoo sa pag-ingon nga kining balay laglagon sama sa Silo, ug kining siyudad mahimong awaaw ug dili na puy-an?” Busa gidakop nila si Jeremias didto sa Templo sa Ginoo.

Mga Pagbangotan 4:1

Ang katawhan sa Jerusalem nahisama sa purong bulawan nga nawad-an sa kasinaw o sa bililhon nga mga bato nga nagkatag sa mga kadalanan. Sama sila kaniadto kabililhon sa bulawan, apan karon giisip na lang sila nga daw mga kolon nga hinimo sa magkukolon.

Mga Pagbangotan 5:18

Nahimo nang awaaw ang Jerusalem, ug gisuroy-suroyan na lang kini sa ihalas nga mga iro.

Miqueas 3:12

Busa tungod kaninyo laglagon ang Jerusalem. Mahisama kini sa gidarong uma, ug mahimong tapok sa mga ginuba. Ug mahimong lasang ang bukid nga gibarogan sa Templo.

Zacarias 11:1

Kamong mga lumulupyo sa Lebanon, ablihi ninyo ang mga pultahan sa inyong mga siyudad aron lamyon sa kalayo ang inyong mga kahoyng sedro.

Zacarias 14:2

Kay tigomon sa Ginoo ang tanang nasod aron sa pagpakig-gira sa Jerusalem. Ilogon nila kining siyudara, kuhaon nila ang mga kabtangan sa mga balay, ug lugoson nila ang mga babaye. Dad-on sa ubang dapit ang katunga sa mga lumulupyo sa siyudad. Apan ang uban mahibilin diha sa siyudad.

Mateo 24:2

Miingon si Jesus kanila, “Tan-awa ninyo kining tanan. Sa pagkatinuod, maguba kini ug wala gayoy bisan usa ka bato nga magpabilin ibabaw sa laing bato.”

Marcos 13:2

Miingon si Jesus kaniya, “Kining templo nga hinimo sa dagkong mga bato maguba sa umaabot ug wala gayoy bisan usa nga bato nga magpabilin ibabaw sa laing bato.”

Lucas 21:7

Nangutana sila kang Jesus, “Magtutudlo, kanus-a ba mahitabo kining imong giingon? Unsa man ang mga timailhan nga kining mga butanga hapit nang mahitabo?”