Lucas 2:47 - Ang Pulong sa Dios

⁴⁷ Ang tanan nga nakadungog kaniya natingala gayod sa iyang kaalam ug sa iyang mga tubag.

Ang Biblia 2011

⁴⁷ Ug ang tanan nga nakadungog kaniya natingala sa iyang pagpanabot ug sa iyang mga tubag.

Maayong Balita Biblia

⁴⁷ Ang tanan nga nakadungog kaniya nahibulong sa iyang maalamong mga tubag.

Ang Bag-ong Maayong Balita Biblia

⁴⁷ Ang tanan nga nakadungog kaniya nahibulong sa iyang maalamong mga tubag.

Lucas 2:47 Cross References

Salmo 119:99

Mas daghan pa ang akong nahibaloan kaysa akong mga magtutudlo, kay ang imong mga pagtulon-an mao ang akong gipamalandongan.

Mateo 13:54

Nagtudlo siya didto sa sulod sa sinagoga. Natingala ang mga nakadungog sa iyang mga gipanudlo. Ug nagpangutan-anay sila, “Asa ba siya nakakuha niana nga kaalam ug gahom sa pagbuhat ug mga milagro?

Mateo 22:33

Sa pagkadungog niini sa mga tawo nahibulong kaayo sila sa iyang pagtulon-an.

Mateo 7:28

Sa pagkahuman ni Jesus ug sulti niini, natingala gayod ang mga tawo sa iyang pagtudlo

Marcos 1:22

Natingala gayod ang mga tawo sa iyang pagpanudlo tungod kay nagtudlo siya nga adunay gahom, ug dili sama sa pagpanudlo sa mga magtutudlo sa Kasugoan.

Marcos 11:18

Kadtong gihimo ni Jesus nadungog sa kadagkoan sa mga pari ug sa mga magtutudlo sa Kasugoan. Busa nangita sila ug pamaagi aron patyon siya. Apan nahadlok sila kaniya kay nahibulong gayod ang mga tawo sa iyang gipanudlo.

Marcos 6:2

Sa pag-abot sa Adlaw nga Igpapahulay nagtudlo siya sa sinagoga sa mga Judio. Daghan ang mga tawo didto nga nakadungog kaniya ug natingala gayod sila. Miingon sila, “Nganong daghan mag nasayran kining tawhana? Asa man siya nakakuha niining kaalam? Ug nganong makabuhat man siyag mga milagro?

Lucas 2:18

Natingala gayod ang tanang nakadungog sa gisulti sa mga magbalantay sa mga karnero.

Lucas 2:46

Sa ikatulo ka adlaw, ilang nakita si Jesus didto sa templo nga naglingkod uban sa mga magtutudlo sa Kasugoan. Naminaw siya ug nangutana kanila.

Lucas 4:22

Gidayeg siya sa tanan ug dako gayod ang ilang katingala sa kanindot sa mga pulong nga iyang gipanulti. Miingon sila, “Dili ba anak lang siya ni Jose?”

Lucas 4:32

Natingala gayod ang mga tawo sa iyang pagpanudlo tungod kay adunay gahom ang iyang pulong.

Juan 7:15

Natingala gayod ang mga kadagkoan sa mga Judio. Miingon sila, “Asa man nakakuha ug kaalam kining tawhana? Wala gani siya makaeskwela.”

Juan 7:46

Mitubag ang mga tigbalantay, “Karon pa gayod kami nakadungog ug tawo nga sama niadto manulti.”