Lucas 18:3 - Ang Pulong sa Dios

³ Ug sa maong siyudad adunay usa ka biyuda nga nagbalik-balik sa huwes aron tabangan siya sa iyang kaso.

Ang Biblia 2011

³ Ug sa maong lungsod dihay usa ka biyuda nga nagbalikbalik sa pag-adto kaniya ug nag-ingon, ‘Hatagi ako ug hustisya batok sa akong kaaway.’

Maayong Balita Biblia

³ Ug may usa ka biyuda niadtong lungsora nga nagbalikbalik pag-adto kaniya aron paghangyo nga panalipdan ang iyang katungod. Miingon ang biyuda, ‘Tabangi intawon ako batok sa akong kaaway.’

Ang Bag-ong Maayong Balita Biblia

³ Ug may usa ka biyuda niadtong lungsora nga nagbalikbalik pag-adto kaniya aron paghangyo nga panalipdan ang iyang katungod. Miingon ang biyuda, ‘Tabangi intawon ako batok sa akong kaaway.’

Lucas 18:3 Cross References

Job 22:9

Kon mangayo kanimo ug tabang ang mga biyuda, gipapauli mo sila nga walay dala. Apil ang mga ilo wala mo ayoha pagtagad.

Job 29:13

Ginapanalanginan ako sa himalatyon nga tawo nga akong gitabangan, ug nalipay gayod ang mga biyuda nga ako usab nga natabangan.

Isaias 1:17

Pagtuon kamo sa pagbuhat ug maayo, ug tinguhaa ninyo ang katarong. Badlonga ninyo ang mga madinaog-daogon, ug panalipdi ninyo ang katungod sa mga ilo ug mga biyuda.”

Jeremias 5:28

Nanambok sila ug nabaskog ang ilang mga lawas. Walay kinutoban ang ilang mga daotang binuhatan. Wala nila hatagig hustisya ang mga ilo, ug wala nila dapigi ang katungod sa mga kabos.

Mateo 5:25

“Kon adunay mokiha kanimo, pakighusay kaniya sa dili pa kamo moabot ngadto sa korte. Kay kon didto na kamo sa korte, itugyan ka sa huwes ngadto sa pulis ug unya prisohon ka.

Lucas 18:2

Miingon siya, “Sa usa ka siyudad adunay usa ka huwes nga walay kahadlok sa Dios ug walay pagpakabana sa iyang isigka-tawo.

Lucas 18:4

“Sa sinugdan dili molaban ang huwes. Apan sa kaulahian, tungod kay nagbalik-balik ang biyuda, nakahuna-huna siya nga bisan tuod ug wala siyay kahadlok sa Dios ug walay pagpakabana sa iyang isigka-tawo, molaban na lang siya kay gipul-an na siya sa pagbalik-balik sa biyuda.”

Deuteronomio 27:19

“Tinunglo ang tawo nga dili mohatag ug hustisya sa mga langyaw, sa mga ilo, ug sa mga biyuda.” Motubag dayon ang tanang mga tawo, “Amen!”