Lucas 18:11 - Ang Pulong sa Dios

¹¹ Mitindog ang Pariseo ug nag-ampo mahitungod sa iyang kaugalingon ug sama niini, ‘Dios ko, mapasalamaton ako kanimo nga dili ako sama sa uban nga mga tawo, mga mangingilad, limbongan, babaero, ug dili usab ako sama nianang maniningil ug buhis.

Ang Biblia 2011

¹¹ Ang Pariseo nagbarog ug nag-ampo diha sa iyang kaugalingon, ‘O Dios, nagpasalamat ako kanimo nga dili ako sama sa ubang mga tawo nga tikasan, daotan, mananapaw ug dili usab sama niining tigpaningil ug buhis.

Maayong Balita Biblia

¹¹ Ang Pariseo nagtindog ug nag-ampo sa kinaugalingon, ‘Nagpasalamat ako kanimo, O Dios, nga ako dili hakog, dili limbongan ug dili himabayi sama sa uban. Nagpasalamat ako kanimo nga dili ako sama nianang kobrador sa buhis.

Ang Bag-ong Maayong Balita Biblia

¹¹ Ang Pariseo nagtindog ug nag-ampo sa kinaugalingon, ‘Nagpasalamat ako kanimo, O Dios, nga ako dili hakog, dili limbongan ug dili himabayi sama sa uban. Nagpasalamat ako kanimo nga dili ako sama nianang kobrador sa buhis.

Lucas 18:11 Cross References

Salmo 134:1

Dayega ninyo ang  Ginoo, kamong tanan nga nag-alagad kaniya diha sa iyang Templo panahon sa kagabhion.

Salmo 135:2

nga nag-alagad sa balay sa Ginoo, diha sa hawanan sa balay sa atong Dios.

Mga Panultihon 20:6

Daghan ang moingon nga maayo silang tawo, apan anaa ba kanilay masaligan?

Mga Panultihon 30:12

Adunay mga tawo nga nagtuo nga sila perpekto, apan ang tinuod hugaw ang ilang kasing-kasing ug huna-huna.

Isaias 1:15

Kon ibayaw ninyo ang inyong mga kamot sa pag-ampo dili ako manumbaling kaninyo. Dili ako mamati bisan pag kapila kamo mag-ampo, tungod kay daghan kamog gipamatay nga mga tawo.

Isaias 58:2

Nagdangop sila kanako adlaw-adlaw, ug nagpakita nga gusto gayod silang masayod sa akong mga pamaagi. Kon tan-awon murag matarong sila nga nasod ug wala mosalikway sa akong mga sugo. Gipakita nila nga gusto gayod nilang moduol kanako ug mangayog matarong nga paghukom.

Isaias 65:5

Moingon sila sa uban, ‘Ayaw pagduol kanako kay tingalig mahugawan mo ako. Mas balaan ako kay kanimo!’ Kining mga tawhana nagpalagot kanunay kanako. Ang akong kasuko kanila sama sa kalayong nagdilaab tibuok adlaw.”

Jeremias 2:28

Hain na ang mga dios nga inyong gihimo alang sa inyong kaugalingon? Paduola sila kon tinuod nga maluwas nila kamo sa inyong kalisod. Pagkadaghan sa inyong mga dios, sama kadaghan sa mga lungsod sa Juda.

Jeremias 2:35

moingon pa gihapon kamo, ‘Wala kamiy nahimong sala. Busa dili masuko ang  Ginoo kanamo.’ Apan silotan ko kamo tungod sa inyong pag-ingon nga wala kamoy sala.

Ezequiel 33:31

Busa moduol ang akong mga katawhan kanimo ug tinuoray kunohay nga namati kanimo, apan ang tinuod wala nila tumana ang imo nga gisulti. Maayo lang sila mosulti nga gihigugma nila ako, apan sulod sa ilang kasing-kasing mao ang pagkahakog sa kuwarta.

Miqueas 3:11

Naghukom kamo pabor sa naghatag kaninyo ug suborno. Ang inyong mga pari nagtudlo tungod lang kay gibayran sila. Mao usab ang inyong mga propeta, nagpanagna sila tungod lang sa kuwarta. Nagsalig pa kamo nga tabangan kamo sa Ginoo ug nagkanayon, “Kauban namo ang  Ginoo. Busa walay daotang mahitabo kanamo.”

Mateo 10:3

si Felipe, si Bartolome, si Tomas ug ang maniningil ug buhis nga si Mateo, si Santiago nga anak ni Alfeo, si Tadeo,

Mateo 5:20

Busa sultihan ko kamo nga kinahanglan gayod nga ang inyong pagtuman sa kabubut-on sa Dios molabaw pa kaysa pagtuman sa mga magtutudlo sa Kasugoan ug sa mga Pariseo, kay kon dili, dili gayod kamo maapil sa gingharian sa Langit.

Mateo 6:5

“Kon mag-ampo kamo, ayaw ninyo sundoga ang gibuhat sa mga tigpakaaron-ingnon. Gusto nilang mag-ampo nga nagtindog diha sa mga sinagoga ug sa mga kilid sa kadalanan aron makita sa mga tawo. Ang tinuod, nadawat na nila ang ilang ganti.

Marcos 11:25

Ug kon kamo mag-ampo, pasayloa una ninyo ang mga nakasala kaninyo aron ang inyong mga sala pasayloon usab sa inyong Amahan sa langit.[

Lucas 20:47

Giilog nila ang mga kabtangan sa mga babaye nga balo, ug gitabon-tabonan lang nila ang ilang daotang binuhatan pinaagi sa tag-as nga mga pag-ampo. Kini sila makadawat ug mas bug-at nga silot.”

Lucas 22:41

Mipalayo-layo siya kanila, unya miluhod siya ug nag-ampo.

Mga Taga-Galacia 3:10

Apan ang mga tawo nga nagsalig sa ilang pagtuman sa Kasugoan tinunglo na sa Dios. Kay sumala sa Kasulatan tinunglo ang wala nagtuman sa tanan nga gipatuman sa Kasugoan.

Mga Taga-Filipos 3:6

Kon kakugi ang hisgotan, labaw ako, kay gilutos ko pa man gani ang iglesia. Ug kon bahin sa pagtuman sa Kasugoan, walay ikasaway kanako.

Gipadayag 3:17

Nag-ingon kamo nga dato kamo, nga gipanalanginan kamo ug wala nay nakulang kaninyo. Apan wala kamo masayod nga makaluluoy gayod kamo, tungod kay kabos kamo, buta, ug hubo.