Lucas 14:7 - Ang Pulong sa Dios

⁷ Namatikdan ni Jesus nga ang mga dinapit namili ug mga lingkoranan nga alang sa mga pinasidunggan. Busa gitambagan niya sila.

Ang Biblia 2011

⁷ Unya misugilon siya kanila ug usa ka sambingay sa dihang iyang napanid-an nga ang mga dinapit nagpili sa pinasidunggang mga dapit sa kan-anan. Siya miingon,

Maayong Balita Biblia

⁷ Namatikdan ni Jesus nga dihay pipila sa mga bisita nga nagpili sa labing pinasidunggang dapit sa kan-anan busa misugilon siya niining sambingaya ngadto kanilang tanan:

Ang Bag-ong Maayong Balita Biblia

⁷ Namatikdan ni Jesus nga dihay pipila sa mga bisita nga nagpili sa labing pinasidunggang dapit sa kan-anan busa misugilon siya niining sambingaya ngadto kanilang tanan:

Lucas 14:7 Cross References

Mga Panultihon 25:7

Kay mas maayo nga ang hari maoy mopalingkod kanimo kaysa iya kang papahawaon ug maulawan ka atubangan sa mga dungganon.

Mga Panultihon 8:1

Ang kaalam ug pagsabot sama sa tawong nagwali.

Ezequiel 17:2

“Tawo, isugilon kini nga sambingay ngadto sa katawhan sa Israel,

Mateo 13:34

Gipaagi ni Jesus sa mga sambingay ang iyang mga pagpanudlo sa mga tawo. Wala siyay gisulti nga wala niya ipaagi sa sambingay.

Mateo 23:6

Sa mga kombira ug sa mga sinagoga, gusto gayod nila nga molingkod sa mga lingkoranan nga alang sa mga pinasidunggan.

Lucas 11:43

“Alaot kamong mga Pariseo! Kay kon anaa kamo sa mga sinagoga, gusto gayod ninyo nga molingkod sa mga lingkoranan nga alang sa mga pinasidunggan. Ug sa mga dapit nga daghan ang mga tawo, gusto gayod ninyo nga timbayaon kamo ug tahoron.

Lucas 20:46

“Pagbantay kamo sa mga magtutudlo sa Kasugoan nga gustong magsuroy-suroy nga nagbistig taas. Sa mga dapit nga tigomanan sa mga tawo, gusto nila nga tahoron sila. Sa mga sinagoga sa mga Judio o sa mga kombira gipili gayod nila ang mga lingkoranan nga alang sa mga pinasidunggan.

Mga Taga-Filipos 2:3

Ayaw kamo pagbuhat ug bisan unsa tungod lang sa kahakog o sa pagkamapahitas-on; kondili pagpaubos kamo ug huna-hunaa ninyo nga mas maayo pa ang uban kay kaninyo.

3 Juan 1:9

Gisulatan ko ang mga tumutuo diha, apan si Diotrefes nga gustong mangulo kaninyo dili maminaw kanamo.

Mga Maghuhukom 14:12

Miingon si Samson kanila, “Adunay tigmo ako alang kaninyo. Kon matubag ninyo kini sulod niining pito ka adlaw nga kombira, hatagan ko kamog 30 ka panapton nga lino ug 30 usab ka mahalong bisti.