Lucas 13:6 - Ang Pulong sa Dios

⁶ Unya gisultihan sila ni Jesus sa usa ka sambingay, “Adunay usa ka tawo nga nagtanom nga kahoy nga igos sa iyang uma. Giadto niya kini nga tanom ug gitan-aw kon adunay bunga na ba, apan wala gayod siyay nakita nga bunga.

Ang Biblia 2011

⁶ Unya gisugilon niya kining usa ka sambingay: “Dihay usa ka tawo nga may kahoyng igera nga gitanom diha sa iyang parasan, ug siya miadto aron pagpangita ug bunga niini ug wala siyay nakaplagan.

Maayong Balita Biblia

⁶ Unya misulti si Jesus kanila niining sambingaya: “May usa ka tawo nga may kahoyng igera diha sa iyang parasan. Miadto siya aron pagpangita ug bunga niini apan wala siyay nakaplagan.

Ang Bag-ong Maayong Balita Biblia

⁶ Unya misulti si Jesus kanila niining sambingaya: “May usa ka tawo nga may kahoyng igera diha sa iyang parasan. Miadto siya aron pagpangita ug bunga niini apan wala siyay nakaplagan.

Lucas 13:6 Cross References

Jeremias 2:21

Sama kamo sa usa ka maayong klasi sa ubas nga akong gitanom. Apan nganong nahimo man kamong murag usa ka ihalas nga ubas nga mamungag dunot ug walay pulos?

Jeremias 8:13

“Laglagon ko gayod sila, apil ang ilang mga abot nga ubas ug mga igera. Bisan ang mga dahon niini mangalaya. Ang gipanghatag ko kanila mawala na.

Lucas 13:5

Apan dili kana mao! Hinuon sultihan ko kamo nga kon dili kamo maghinulsol ug motalikod sa inyong mga sala, kamong tanan mangamatay usab.”

Lucas 3:9

Timan-i ninyo kini: ang atsa andam na aron iputol sa punoan sa mga kahoy. Ang matag kahoy nga wala mamunga ug maayong bunga putlon ug ilabay sa kalayo.”

Juan 15:16

Dili kamo ang nagpili kanako kondili ako ang nagpili kaninyo. Gipili ko kamo aron manglakaw ug mamunga sa mga bunga nga molungtad; aron nga bisan unsa ang inyong pangayoon sa Amahan pinaagi sa akong ngalan ihatag niya kaninyo.

Mga Taga-Galacia 5:22

Apan kini ang makita sa kinabuhi sa tawo kon ang Espiritu mao ang naggahom kaniya: mahigugmaon siya, malipayon, adunay kalinaw, mainantuson, maayo sa iyang isigka-tawo, manggihatagon, kasaligan,

Mga Taga-Filipos 4:17

Gihisgotan ko kini dili tungod kay nangandoy ako nga makadawat pag-usab gikan kaninyo, kondili nangandoy ako nga kamo makadawat usab ug balos tungod kay kamo naghatag.

Mga Maghuhukom 9:11

“Apan mitubag ang kahoy nga igos, ‘Mas pilion ko pa ba ang paghari kaninyo kaysa paghatag ug lamian ug tam-is nga bunga? Dili gayod!’