Lucas 12:7 - Ang Pulong sa Dios

⁷ Labaw na gayod kamo, bisan gani ang inyong mga buhok inihap niya ang tanan. Busa ayaw kamo kahadlok! Tungod kay mas bililhon pa kamo kaysa mga langgam.”

Ang Biblia 2011

⁷ Bisan gani ang mga buhok sa inyong ulo naihap na ang tanan. Ayaw kamo kahadlok, kay kamo labaw pa ug bili kay sa daghang mga gagmayng langgam.

Maayong Balita Biblia

⁷ Bisan gani ang tanang buhok sa inyong ulo giihap niya. Busa ayaw kamo kahadlok; labaw pa kaayo kamog bili kay sa daghang gagmayng langgam!

Ang Bag-ong Maayong Balita Biblia

⁷ Bisan gani ang tanang buhok sa inyong ulo giihap niya. Busa ayaw kamo kahadlok; labaw pa kaayo kamog bili kay sa daghang gagmayng langgam!

Lucas 12:7 Cross References

2 Samuel 14:11

Unya miingon ang babaye, “Mahal nga Hari, kon mahimo panumpa sa Ginoo nga imong Dios nga dili mo tugotan nga adunay manimalos sa akong anak aron dili siya mapatay ug dili na mosamot pa ang kagubot.” Mitubag si Haring David, “Ipanumpa ko sa buhi nga Ginoo, nga dili gayod maunsa ang imong anak.”

Job 35:11

Wala sila midangop sa Dios nga naghimo kanila nga mas maalamon kaysa mga mananap ug mga langgam.

Salmo 8:6

Gihimo mo siyang tigdumala sa imong mga binuhat; imong gipadumalahan kaniya ang tanang mga butang,

Mateo 12:12

Apan ang tawo mas bililhon pa kaysa karnero. Busa dili kita makasupak sa Kasugoan kon motabang kita sa atong isigka-tawo bisan kon Adlaw nga Igpapahulay.”

Mateo 6:26

Tan-awa ninyo ang mga langgam nga galupad-lupad. Wala sila magtanom, wala mag-ani, ug wala silay gitigom sa bodega, apan sa gihapon gipakaon sila sa inyong Amahan sa langit. Dili ba mas labaw pa kamo kaysa mga langgam?

Lucas 21:18

Apan walay kadaot nga mahitabo kaninyo.

Mga Buhat 27:34

Busa kaon una aron mabaskog kamo tungod kay walay bisan usa kaninyo nga mamatay.”

1 Samuel 14:45

Apan miingon ang mga tawo kang Saulo, “Si Jonatan ang nagpadaog kanato, ug karon ato siyang patyon? Dili mahimo! Manaad kami sa buhi nga Ginoo nga dili gayod siya maunsa, kay ang Dios ang nagtabang kaniya sa gihimo niya karong adlawa.” Busa wala patya si Jonatan, kay giluwas siya sa mga tawo.