Lucas 11:41 - Ang Pulong sa Dios

⁴¹ Busa aron makapahimuot kamo sa Dios, kaloy-i ninyo ang mga kabos ug ayaw idalo kanila ang ilang mga gikinahanglan.

Ang Biblia 2011

⁴¹ Apan ilimos ninyo kanang anaa sa sulod, ug tan-awa, ang tanan mahinlo alang kaninyo.

Maayong Balita Biblia

⁴¹ Apan ihatag ang anaa sa inyong mga tasa ug plato ngadto sa mga kabos ug mahinlo ang tanan alang kaninyo.

Ang Bag-ong Maayong Balita Biblia

⁴¹ Apan ihatag ang anaa sa inyong mga tasa ug plato ngadto sa mga kabos ug mahinlo ang tanan alang kaninyo.

Lucas 11:41 Cross References

Salmo 112:9

Mahinatagon siya sa mga kabos; ang iyang kaayo hinumdoman hangtod sa kahangtoran ug ang iyang katakos dugangan sa Dios isip pagpasidungog kaniya.

Salmo 41:1

Bulahan ang tawo nga manggihuna-hunaon sa mga kabos. Tabangan siya sa Ginoo sa panahon sa kalisod.

Mga Panultihon 14:31

Ang nagpaantos sa mga kabos nagtamay sa Dios nga naghimo kanila, apan ang maluloy-on sa mga kabos nagpasidungog sa Dios.

Mga Panultihon 16:6

Kon tinuoray natong ginahigugma ang  Ginoo, pasayloon niya ang atong mga sala. Kon nagtahod kita kaniya, malikay kita sa kadaotan.

Mga Panultihon 19:17

Kon mohatag ka sa mga kabos, sama lang nga nagpahulam ka sa Ginoo, kay ang  Ginoo mobayad kanimo.

Daniel 4:27

Busa, Mahal nga Hari, hinaut nga imong dawaton ang akong tambag kanimo: Undangi ang imong pagpakasala. Buhata ang matarong ug kaloy-i ang mga dinaog-daog. Kon imo kanang himuon basin pa kon magpadayon ang imong pagkamauswagon.”

Mateo 26:11

Ang mga kabos kanunay ninyong ikauban, apan ako dili ninyo kanunayng ikauban.

Mateo 5:42

Hatagi ang mangayo, ug pahulama ang manghulam.

Marcos 7:19

Kay wala man kana mosulod sa iyang kasing-kasing kondili sa iyang tiyan ug mogawas ra usab sa iyang lawas.” (Sa pagsulti ni Jesus niini, iyang gipadayag nga ang tanan nga pagkaon mahimong kaonon.)

Lucas 12:33

Ibaligya ninyo ang inyong mga kabtangan, ug ihatag ang kuwarta ngadto sa mga kabos aron makatigom kamo ug bahandi didto sa langit. Dili gayod kini makuhaan o madunot, tungod kay didto walay kawatan nga makaduol ug walay gagmayng mga mananap nga makakutkot.

Lucas 16:9

“Busa sultihan ko kamo, gamita ninyo ang inyong bahandi dinhi sa kalibotan alang sa pakighigala, aron nga sa pag-abot sa adlaw nga mahurot na ang kalibotanon nga bahandi, dawaton nila kamo didto sa puloy-anan nga wala nay kataposan.

Lucas 18:22

Sa pagkadungog ni Jesus sa iyang tubag, miingon siya, “Usa pa gayod ka butang ang angay mong himuon. Ibaligya ang tanan mong kabtangan, ug ang halin ipanghatag sa mga kabos. Ug mahimo kang adunahan didto sa langit. Pagkahuman, balik ug sunod kanako.”

Lucas 19:8

Didto sa iyang balay mitindog si Zaqueo ug miingon, “Ginoo, ihatag ko ngadto sa mga kabos ang katunga sa akong kabtangan. Ug kon aduna akoy gilimbongan, ibalik ko kaniya sa upat ka pilo.”

Mga Buhat 10:15

Miingon pag-usab ang tingog kang Pedro, “Ayaw isipa nga hugaw ang bisan unsa nga butang nga gihinloan na sa Dios.”

Mga Buhat 11:29

Busa ang mga magtutuo ni Jesus sa Antioquia nagkauyon nga ang tagsa-tagsa kanila magpadala sa ilang hinabang sa ilang mga kaigsoonan didto sa Judea sumala sa ilang makaya.

Mga Buhat 24:17

“Human sa daghang mga katuigan nga nahilayo ako sa Jerusalem, mibalik ako didto aron pagdala ug hinabang alang sa akong mga isigka-Judio ug aron makahalad usab didto.

2 Mga Taga-Corinto 8:12

Kay kon tinguha gayod ninyo nga mohatag, dawaton sa Dios ang inyong ikahatag. Wala siya nagpaabot nga mohatag kamo sa dili ninyo makaya.

Mga Taga-Efeso 4:28

Ang kawatan kinahanglan dili na mangawat, kondili manginabuhi siya sa maayo nga pamaagi, aron makahatag usab siya sa mga kabos.

Tito 1:15

Alang sa mga tawong limpyo ug huna-huna, ang tanang butang limpyo, apan alang sa mga tawong hugaw ug huna-huna ug walay pagtuo sa Dios, ang tanan hugaw, tungod kay hugaw man ang ilang konsensya ug huna-huna.

Mga Hebreo 13:16

Ayaw kamo kalimot pagbuhat ug maayo, ug pagtinabangay kamo, kay mao kini ang mga halad nga makahatag ug kalipay sa Dios.

Mga Hebreo 6:10

Matarong ang Dios, ug dili gayod niya mahimong kalimtan ang inyong mga maayong binuhatan ug ang inyong gugma kaniya nga inyong gipakita ug padayon nga ginapakita pinaagi sa pagtabang sa susama ninyong katawhan sa Dios.

Santiago 1:27

Alang sa Dios nga Amahan, ang relihiyon nga putli ug walay ikasaway mao ang pagtabang sa mga ilo ug sa mga biyuda sa ilang mga kalisod, ug ang paglikay sa tanang kadaotan niini nga kalibotan.