Lucas 10:24 - Ang Pulong sa Dios

²⁴ Sa pagkatinuod, daghan ang mga propeta ug mga hari kaniadto nga nangandoy nga makakita ug makadungog sa inyong nakita ug nadungog karon, apan wala kini nahitabo sa ilang panahon.”

Ang Biblia 2011

²⁴ Kay sultihan ko kamo nga daghan ang mga propeta ug mga hari nga nagtinguha sa pagtan-aw unta sa inyong nakita, apan wala makakita niini, ug sa pagpamati unta sa inyong nadunggan apan wala sila makabati niini.”

Maayong Balita Biblia

²⁴ Kay sultihan ko kamo nga daghang mga propeta ug mga hari ang buot motan-aw sa inyong nakita apan wala makakita ug buot mamati sa inyong nadungog apan wala makabati.”

Ang Bag-ong Maayong Balita Biblia

²⁴ Kay sultihan ko kamo nga daghang mga propeta ug mga hari ang buot motan-aw sa inyong nakita apan wala makakita ug buot mamati sa inyong nadungog apan wala makabati.”

Lucas 10:24 Cross References

Mateo 13:16

Apan bulahan kamong mga nagsunod kanako, kay nakakita kamo ug nakadungog.

Lucas 10:23

Unya miatubang si Jesus sa iyang mga tinun-an ug misulti kanila nga sila-sila lang, “Bulahan kamo tungod kay nakita gayod ninyo ang akong mga gipangbuhat.

Lucas 10:25

Adunay usa ka magtutudlo sa Kasugoan nga mitindog ug nangutana aron sa pagbitik kang Jesus, “Magtutudlo, unsa man ang angay kong buhaton aron maangkon ko ang kinabuhi nga walay kataposan?”

Juan 8:56

Nalipay gayod ang inyong amahan nga si Abraham nga makita niya ang akong panahon. Ug nakita niya kini ug nalipay gayod siya.”

Mga Hebreo 11:13

Kining tanang mga tawo nangamatay nga adunay pagtuo. Wala nila madawat ang gisaad sa Dios sa dihang buhi pa sila, apan nasiguro nila nga moabot ang adlaw nga madawat gayod nila ang ilang gipaabot. Giangkon nila nga sila mga langyaw lang ug dumuduong niini nga kalibotan.

Mga Hebreo 11:39

Silang tanan gidayeg tungod sa ilang pagtuo. Apan sa ilang panahon wala nila madawat ang gisaad sa Dios kanila.