Lucas 1:78 - Ang Pulong sa Dios

⁷⁸ kay ang atong Dios maluloy-on ug mahigugmaon. Ipadala niya ang Manluluwas sama sa misubang nga adlaw,

Ang Biblia 2011

⁷⁸ pinaagi sa malumong kaluoy sa atong Dios sa dihang moabot kanato ang adlaw gikan sa kahitas-an,

Maayong Balita Biblia

⁷⁸ Kay ang atong Dios maluluy-on ug malumo. Padan-agon niya nganhi kanato ang masanagong banagbanag sa atong kaluwasan

Ang Bag-ong Maayong Balita Biblia

⁷⁸ Kay ang atong Dios maluluy-on ug malumo. Padan-agon niya nganhi kanato ang masanagong banagbanag sa atong kaluwasan

Lucas 1:78 Cross References

Salmo 25:6

Hinumdomi, Ginoo, ang imong kaluoy ug gugma nga imong gipakita sukad pa kaniadto.

Isaias 11:1

Ang mga kaliwat ni David nahisama sa kahoy nga gipukan. Apan maingon nga manalingsing ang tuod sa kahoy nga gipukan, moabot usab ang usa ka bag-ong hari gikan sa kaliwat ni David.

Isaias 42:16

Agakon ko ang akong katawhan nga mga buta sa kamatuoran ngadto sa dalan nga wala nila masinati ug maagii. Himuon kong kahayag ang kangitngit sa ilang agianan, ug patagon ko ang mga libaong nga dapit nga ilang lakwan. Himuon ko kini ug dili ko sila isalikway.

Isaias 63:15

Tan-awa kami gikan sa langit, ang balaan ug dungganon mong puloy-anan. Hain na ang imong kahangawa kanamo ug ang imong gahom nga gipakita mo kaniadto kanamo? Hain na ang imong gugma ug kaluoy?

Isaias 63:7

Isugilon ko ang gugma sa Ginoo. Dayegon ko siya tungod sa tanan niyang gihimo kanato. Daghang mga maayong butang ang iyang gihimo kanatong katawhan sa Israel tungod sa iyang dakong kaluoy ug gugma.

Zacarias 3:8

Karon, pamati Josue nga pangulong pari: Ikaw ug ang imong kaubang mga pari timailhan sa umaabot nga mga panghitabo. Ipadala ko ang akong alagad nga gitawag ug Sanga.

Zacarias 6:12

Ug ingna siya nga ako, ang  Ginoo nga Makagagahom, nag-ingon, ‘Ang tawo nga gitawag ug Sanga mouswag sa iyang kahimtang karon ug siya ang motukod sa akong templo. Pasidunggan siya isip hari ug mangulo siya. Ug ang pari motindog sa kilid sa iyang trono ug magkauyon silang duha.’

Malaquias 4:2

Apan kamong nagtahod kanako, masinati ninyo ang pagluwas ko kaninyo. Mahisama kini sa pagsubang sa adlaw nga ang iyang sidlak naghatag ug kaayohan. Ug maglukso-lukso kamo sa kalipay sama sa nati nga mga baka nga gipagawas sa toril.

Numeros 24:17

“Adunay nakita ako sa akong panan-awon nga wala pa nahitabo. Sa umaabot adunay maghari sa Israel nga gikan sa kaliwat ni Jacob. Laglagon niya ang mga Moabihanon ug ang tanang kaliwat ni Set.

Juan 3:16

Kay gihigugma gayod sa Dios ang kalibotan, mao nga gihatag niya ang iyang bugtong Anak, aron nga si bisan kinsa nga motuo kaniya dili malaglag kondili makaangkon hinuon ug kinabuhi nga walay kataposan.

Mga Taga-Efeso 5:14

Kay mahayagan ang tanan kon madan-agan na sa kamatuoran. Busa adunay giingon: “Pagmata, ikaw nga natulog, bangon gikan sa mga patay, ug hayagan ka ni Cristo.”

Mga Taga-Filipos 1:8

Makapamatuod ang Dios nga hilabihan ang akong kamingaw kaninyo; kay gihigugma ko gayod kamo sama sa paghigugma ni Cristo Jesus.

Mga Taga-Filipos 2:1

Dili ba tungod kay anaa na kamo kang Cristo lig-on kamo? Dili ba malipayon man kamo tungod kay nasayran ninyo nga gihigugma kamo ni Cristo? Ug dili ba adunay man kamoy pakighiusa sa Espiritu, ug maaghop kamo ug maluloy-on sa usag usa?

Mga Taga-Colosas 3:12

Kamo mga pinili sa Dios. Gihigugma niya kamo ug gilain alang sa iyang kaugalingon. Busa kinahanglan nga magmaluloy-on kamo, magmatinabangon, magmapainubsanon, magmalulot, ug magmapailubon.

2 Pedro 1:19

Mao kini ang hinungdan nga nadugangan pa gayod ang among pagtuo sa mga pagtulon-an nga gitudlo sa mga propeta. Busa angay ninyong patalinghogan ang ilang gitudlo, tungod kay sama kini sa usa ka suga nga nagdan-ag sa mangitngit nga dapit hangtod sa adlaw nga moabot si Cristo. Sama siya sa banagbanag sa kabuntagon nga molamdag sa inyong huna-huna.

1 Juan 3:17

Kon hamugaway ang atong kinabuhi apan wala kita motabang bisan nakita nato nga naglisod ang atong igsoon, makaingon ba kita nga ang gugma sa Dios ania kanato?

Gipadayag 22:16

“Ako, si Jesus, nagsugo sa akong anghel aron isugilon kanimo kini nga mga hitabo alang sa mga tumutuo sa Dios sa nagkalain-lain nga mga lugar. Kaliwat ako ni David ug ako ang mahayag nga kabugwason.”