Lucas 1:71 - Ang Pulong sa Dios

⁷¹ Nagsaad siya nga iya kitang luwason gikan sa atong mga kaaway ug sa mga tawo nga nagdumot kanato.

Ang Biblia 2011

⁷¹ nga kita luwason gikan sa atong mga kaaway ug gikan sa kamot sa tanang nagdumot kanato,

Maayong Balita Biblia

⁷¹ nga luwason kita niya gikan sa atong mga kaaway, ug gikan sa gahom niadtong tanan nga nagdumot kanato.

Ang Bag-ong Maayong Balita Biblia

⁷¹ nga luwason kita niya gikan sa atong mga kaaway, ug gikan sa gahom niadtong tanan nga nagdumot kanato.

Lucas 1:71 Cross References

2 Mga Hari 17:39

Ako lang ang inyong simbahon, ang Ginoo nga inyong Dios, kay ako ang magluwas kaninyo gikan sa kamot sa inyong mga kaaway.”

Salmo 106:10

Giluwas niya sila gikan sa kamot sa mga kaaway.

Salmo 106:47

Luwasa kami, Ginoo nga among Dios! Kuhaa kami gikan sa ubang kanasoran ug tigoma kami pag-usab sa among yuta, aron makapasalamat kami ug makadayeg sa imong pagkabalaan.

Jeremias 23:6

Ug nianang panahona maluwas ang Juda ug makaangkon ug kalinaw ang Israel. Pagatawgon siya nga ‘Ginoo nga atong kaluwasan.’

Jeremias 32:37

tigomon ko ang akong katawhan gikan sa tanang dapit diin ko sila gipatibulaag tungod sa labihan kong kasuko kanila. Dad-on ko sila pag-usab niini nga dapit ug magkinabuhi sila nga malinawon.

Ezequiel 28:26

Magpuyo sila didto nga malinawon. Magpatindog silag mga balay ug magtanom ug mga ubas. Wala nay magsamok-samok kanila kon silotan ko na ang tanan nilang kasikbit nga mga nasod nga nagbiay-biay kanila. Unya mahibaloan nila nga ako mao ang  Ginoo nga ilang Dios.”

Ezequiel 34:25

“Maghimo akog kasabotan kanila nga mahimo nga maayo na ang ilang kahimtang. Abugon ko ang mabangis nga mga mananap gikan sa ilang yuta aron makapuyo sila sa kamingawan ug makatulog sa kalasangan nga luwas sa katalagman.

Ezequiel 34:28

Dili na sila sulongon ug ilogan sa mga kabtangan sa uban nga mga nasod, ug dili na sila tukbon sa ihalas nga mga mananap. Magkinabuhi sila nga luwas sa katalagman ug wala nay manghadlok kanila.

Ezequiel 38:8

Sa umaabot nga mga adlaw, mandoan ko kamo sa pagsulong sa Israel, nga nakabangon na gikan sa pagkapukan ug kansang mga nagpuyo nagtigom ngadto sa kabukiran niini nga naawaaw sulod sa dugay nga panahon. Nakabalik na ang mga nagpuyo niini gikan sa mga nasod ug nagpuyo na sila nga malinawon.

Lucas 1:68

“Dayegon nato ang Ginoo nga Dios sa Israel! Kay mianhi siya aron sa pagluwas kanato nga iyang mga katawhan.

Lucas 1:74

Luwason niya kita gikan sa atong mga kaaway aron kita makapangalagad nga walay kahadlok,

Deuteronomio 33:29

Bulahan kamo, O katawhan sa Israel! Walay sama kaninyo, usa ka katawhan nga giluwas sa Ginoo. Ang Ginoo mao ang manalipod ug motabang kaninyo, ug siya ang makig-away alang kaninyo. Magkamang ang inyong mga kaaway paingon kaninyo, ug tumban ninyo sila sa likod.”

1 Juan 3:8

Apan ang tawo nga nagpadayon sa pagpakasala, iya sa Yawa, kay ang Yawa nagpakasala sukad pa sa sinugdanan. Tungod niana, ang Anak sa Dios mianhi dinhi aron sa pagguba sa binuhatan ni Satanas.