Lucas 1:51 - Ang Pulong sa Dios

⁵¹ Gipakita niya ang iyang gahom pinaagi sa iyang mga gihimo. Giabog niya ang mga tawo nga mapahitas-on sa ilang kaugalingon.

Ang Biblia 2011

⁵¹ Nagbuhat siya diha sa gahom pinaagi sa iyang bukton, gipatibulaag niya ang mga mapahitas-on diha sa mga pamalandong sa ilang mga kasingkasing.

Maayong Balita Biblia

⁵¹ Gibakyaw niya ang iyang kamot nga gamhanan ug gipatibulaag ang mga tawo nga mapahitas-on uban sa tanan nilang laraw.

Ang Bag-ong Maayong Balita Biblia

⁵¹ Gibakyaw niya ang iyang kamot nga gamhanan ug gipatibulaag ang mga tawo nga mapahitas-on uban sa tanan nilang laraw.

Lucas 1:51 Cross References

Genesis 11:8

Busa gipatibulaag sila sa Ginoo sa tibuok kalibotan ug naundang ang ilang pagtukod sa siyudad.

Genesis 6:5

Nakita sa Ginoo nga labihan kadaotan ang mga tawo sa kalibotan, ug kangil-ad ang anaa kanunay sa ilang mga huna-huna.

Genesis 8:21

Sa dihang napanimahoan sa Ginoo ang kahumot niini, miingon siya sa iyang kaugalingon, “Dili ko na gayod tunglohon pag-usab ang yuta tungod sa binuhatan sa tawo. Bisan pa ug daotan siya sukad pa sa iyang pagkabata, dili ko na gayod laglagon pag-usab ang tanang adunay kinabuhi sama sa akong gibuhat.

Salmo 118:15

Pamatia ang panaghugyaw sa mga katawhan sa Dios diha sa ilang mga tolda tungod sa ilang kadaogan: “Kini nga kadaogan gihimo sa Ginoo pinaagi sa iyang gahom! Ang gahom sa Ginoo mao ang nagpadaog kanato!”

Salmo 33:10

Babagan sa Ginoo ang mga plano sa mga nasod. Dili niya itugot nga magmalampuson ang ilang mga katuyoan.

Salmo 52:9

O Dios, pasalamatan ka nako hangtod sa kahangtoran tungod sa imong gihimo. Dayegon ko ang imong ngalan taliwala sa panagtigom sa imong katawhan tungod sa imong kaayo.

Salmo 63:5

Matagbaw ako sama sa tawo nga nabusog pag-ayo sa kombira. Ug magdayeg ako kanimo nga naghugyaw sa kalipay.

Salmo 89:10

Gidugmok mo ang dragon nga si Rahab, ug namatay kini. Pinaagi sa imong gahom gikatag mo ang imong mga kaaway.

Salmo 89:13

Gamhanan ka gayod! Labihan ka kakusgan!

Salmo 98:1

Mag-awit kita ug bag-ong awit sa Ginoo, kay naghimo siyag katingalahang mga butang! Pinaagi sa iyang kaugalingong gahom ug kusog gipildi niya ang atong mga kaaway.

Exodo 18:11

Karon nahibaloan ko na nga ang Ginoo mas labaw sa tanang mga dios, kay giluwas niya ang mga Israelinhon sa mga Ehiptohanon nga midaog-daog kanila.”

Isaias 40:10

Oo, miabot na ang Ginoong Dios nga gamhanan, ug maghari siya. Moabot siya dala ang ganti.

Isaias 51:9

Sige na, Ginoo, tabangi kami. Gamita ang imong gahom sa pagluwas kanamo. Tabangi kami sama sa imong gihimo kaniadto. Dili ba ikaw man ang nagtagod-tagod sa dragon nga si Rahab?

Isaias 52:10

Ipakita sa Ginoo ang iyang balaang gahom sa tanang nasod. Ug makita sa tibuok kalibotan ang pagluwas sa atong Dios kanato.

Isaias 63:12

Hain na ang  Ginoo nga naghatag ug gahom kang Moises, ug mipikas sa dagat diha sa atong atubangan, aron mainila siya sa walay kataposan?

Jeremias 49:15

Kay nag-ingon ang  Ginoo ngadto sa mga taga-Edom, “Himuon ko kamong labing ubos sa mga nasod, ug tamayon nila kamo.

Daniel 4:37

Busa karon akong dayegon ug pasidunggan ang Hari sa langit, tungod kay husto ug matarong ang tanan niyang binuhatan ug ginapaubos niya si bisan kinsa nga nagpasigarbo.

Roma 1:21

Bisan nasayran nila nga adunay Dios, wala sila magpasidungog ug magpasalamat kaniya. Hinuon, nahimong walay kapuslanan ang ilang mga panghuna-huna. Nangitngitan ang ilang mga salabotan mahitungod sa kamatuoran.

Deuteronomio 4:34

Aduna bay laing dios nga nangahas sa pagkuha sa usa ka pundok sa katawhan gikan sa usa ka nasod aron mahimong iya pinaagi sa mga pagsulay, milagro, katingalahang mga butang, gira, kahibulongang gahom, o gamhanang mga buhat? Apan mao kana ang gihimo sa Ginoo nga inyong Dios didto sa Ehipto, ug kamo mismo nakakita niini.

1 Pedro 5:5

Kamo usab nga mga batan-on, pagpasakop kamo sa mga tigulang. Ug kamong tanan nga tumutuo, magpaubos kamo ug mag-alagad sa usag-usa, kay nag-ingon ang Kasulatan, “Sumpoon sa Dios ang garboso, apan kaloy-an niya ang mapainubsanon.”

Gipadayag 18:8

Tungod niini, moabot kaniya ang mga katalagman: mga kasakit, mga kasubo ug kagutom, sulod lang sa usa ka adlaw. Human niini, sunogon siya, tungod kay gamhanan ang Ginoong Dios nga naghukom kaniya.