Levitico 9:3 - Ang Pulong sa Dios

³ Unya sultihi ang mga Israelinhon nga magkuha silag laking kanding isip ilang halad sa paghinlo. Ug magkuha usab silag baka ug karnero nga parehong tag-usa pa ka tuig ug walay depekto isip ilang halad nga sinunog.

Ang Biblia 2011

³ Ug sultihi ang katawhan sa Israel, ‘Pagkuha kamo ug usa ka laking kanding alang sa halad tungod sa sala, ug usa ka nating baka ug usa ka nating karnero, kining duha tagsa ka tuig ang kagulangon ug walay tatsa, alang sa halad nga sunogon,

Maayong Balita Biblia

³ Unya ingna ang mga Israelita nga magkuhag laking kanding aron ihalad tungod sa sala ug nating baka ug nating karnero nga pulos walay tatsa ug tagsa ka tuig ang kagulangon aron ihalad pinaagi sa pagsunog.

Ang Bag-ong Maayong Balita Biblia

³ Unya ingna ang mga Israelita nga magkuhag laking kanding aron ihalad tungod sa sala ug nating baka ug nating karnero nga pulos walay tatsa ug tagsa ka tuig ang kagulangon aron ihalad pinaagi sa pagsunog.

Levitico 9:3 Cross References

Genesis 37:31

Nagpatay sila ug kanding ug gituslob nila sa dugo ang bisti ni Jose.

Esdras 6:17

Niining pagdedikar sa balay sa Dios, naghalad sila ug 100 ka torong baka, 200 ka laking karnero, ug 400 ka nating karnero. Naghalad usab sila ug 12 ka laking kanding isip halad sa paghinlo sa matag tribo sa Israel.

Exodo 12:5

Kinahanglan nga ang kanding o karnero nga inyong pilion laki nga usa pa ka tuig ug walay depekto.

Isaias 53:10

Pagbuot sa Ginoo nga sakiton ug paantuson siya. Bisan tuod ug gihimo sa Ginoo ang iyang kinabuhi nga halad aron mabayran ang sala sa mga tawo, makita gihapon niya ang iyang mga kaliwat ug makaangkon siya ug taas nga kinabuhi. Ug pinaagi kaniya, matuman ang kabubut-on sa Ginoo.

Levitico 10:16

Sa dihang gisusi pag-ayo ni Moises ang bahin sa kanding nga halad sa paghinlo, nakita niya nga nasunog na kining tanan. Busa nasuko siya pag-ayo kang Eleazar ug kang Itamar, ug gisukmatan niya sila.

Levitico 12:6

“ ‘Kon human na ang mga adlaw sa iyang paghinlo, malalaki man o mababaye ang iyang gianak, magdala dayon siya ngadto sa pari ug karnero nga usa ka tuig isip halad nga sinunog ug usa ka tukmo o salampati isip halad sa paghinlo, didto sa pultahan sa Tolda nga Tagboanan.

Levitico 14:10

Sa ikawalo nga adlaw, kinahanglan nga magdala siya ug duha ka laking karnero ug usa ka bayeng karnero nga usa ka tuig, ug walay depekto. Magdala usab siya ug unom ka kilo nga maayong klasi sa harina nga sinagolan ug mantika isip halad sa pagpasidungog sa Ginoo. Ug magdala pa gayod siyag usa ka basong mantika.

Levitico 16:15

Ihawon usab niya ang kanding isip halad sa paghinlo alang sa katawhan. Dad-on niya ang dugo niini sa Labing Balaang Dapit ug iwisik sa tabon sa Sudlanan sa Kasabotan, sama sa gihimo niya sa dugo sa nating torong baka.

Levitico 16:5

Mohatag kaniya ang katilingban sa Israel ug duha ka laking kanding isip halad sa paghinlo ug usa ka hamtong nga laking karnero isip halad nga sinunog.

Levitico 23:12

Niana usab nga adlaw, paghalad usab kamo sa Ginoo ug karnero nga nag-edad ug usa ka tuig ug walay depekto isip halad nga sinunog.

Levitico 4:23

Kon mahibaloan na niya nga nakasala diay siya, maghalad siya ug laking kanding nga walay depekto.

Levitico 4:3

“ ‘Kon ang pangulong pari makasala nga wala niya tuyoa, ug tungod niini maangin ang mga tawo, maghalad siya sa Ginoo ug nating torong baka nga walay depekto isip halad sa paghinlo.

Levitico 9:2

Miingon si Moises kang Aaron, “Pagkuha ug usa ka nating torong baka ug usa ka hamtong nga laking karnero nga parehong walay depekto, ug ihalad kini sa Ginoo. Ang baka halad sa paghinlo, ug ang karnero halad nga sinunog.

Levitico 9:4

Magkuha usab silag baka ug hamtong nga laking karnero isip halad alang sa pakigda-it. Ihalad nila kini uban sa halad sa pagpasidungog nga sinagolan ug mantika, kay karong adlawa magpadayag ang Ginoo sa iyang presensya diha kaninyo.”

Roma 8:3

Ang Kasugoan dili makakuha sa gahom sa sala diha sa atong kinabuhi, tungod sa kahuyang sa atong tawhanong kinaiya. Ang Dios mao ang nagkuha sa gahom sa sala diha sa kinabuhi sa tawo. Gipadala niya dinhi sa kalibotan ang iyang Anak nga nahimong tawo sama kanatong mga makasasala aron mahimong halad alang sa atong mga sala. Ug diha sa iyang pagkatawhanon, gilaglag sa Dios ang gahom sa sala.

2 Mga Taga-Corinto 5:21

Si Cristo wala gayoy sala, apan siya mao ang gipasilotan sa Dios tungod sa atong mga sala, aron nga kon anaa kita kang Cristo, ipakamatarong kita sa Dios.

Tito 2:14

Gitugyan niya ang iyang kaugalingon aron maluwas kita gikan sa tanan natong mga sala, ug aron mahimo kitang iyang katawhan, nga hinlo ug madasigon gayod sa pagbuhat ug maayo.

1 Pedro 2:24

Si Cristo mao gayod ang miangkon sa atong mga sala sa dihang gilansang siya didto sa krus, aron dili na kita magpakasala kondili magkinabuhi na kita nga matarong. Tungod sa iyang mga samad naayo kita.

1 Pedro 3:18

Kay si Cristo gani gipatay bisan wala siya makabuhat ug daotan. Ug kausa lang siya namatay aron mapasaylo ang atong mga sala. Siya nga walay sala gipatay alang kanato nga mga makasasala aron madala niya kita sa Dios. Tinuod gipatay siya sa iyang lawasnon nga kahimtang, apan gibuhi siya sa espirituhanon nga kahimtang.

Gipadayag 5:9

ug nagkanta silag usa ka bag-o nga alawiton nga nag-ingon: “Ikaw ang takos nga makakuha sa linukot nga basahon ug sa pagtangtang sa iyang mga silyo, tungod kay gipatay ikaw, ug pinaagi sa imong dugo gitubos mo alang sa Dios ang mga tawo, nga gikan sa matag tribo, pinulongan, kaliwat ug nasod.